تداول الثلاثاء الموافق 14 / 7 / 2009

[R-W-H]

اوامر العرض والطلب

ممكن ياكبتن نعرف بعض الاسهم الواعده

 

[ميكانيكي]

الي وده يشتري اشوف المجموعه الدوليه زينه

 

[Jalazmi]

شوووف انت وياه عاد سلوى هذي ..

عن الطنازه لا اعلق عضوياتكم كلها صديقا ام عدو كان مشرفا ام عضوا

دربالكم عاد لحد يتطنز على سلوى ستي

 

[Mr. Eng.]

كلامك يدل على شي مو زين

يبين بكسرة ال 1180 من عدمها​

 

[Navigator]

يا جماعة فاقدين عذووووووووب والاخبار الزينة ! منو شافها ؟

لا يكون بتشتري تماسيح

 

[ضايع بالبورصة]

قروب الصفاة رياييل

 

[بو بندر 2000]

لا يكون بتشتري تماسيح

هههههههههههههههه تسويها

 

[R-W-H]

بايعها تروحله في معقله
عيال عطه معروفين بفزعتهم ماشاءالله عليهم
والله لوندش ونفتح بؤنا بكلمة تلقاهم هاجمين علينا وغاسلين شراعنا
على قلب واحد ياعسى الله لايفرقهم
يشهد الله انهم يعجبوني واحبهم

اقول ياليتنا ياصغار المتداولين نصير مثلهم ونوقف في بلعوم الحيتان

موجني اندمجت؟

والنعم فيهم اعيال عطا الحمدالله علاقتي معاهم وطيده صح اندمجت وايد بس وين في هالزمن تلقى واحد على قلبك مو قصور بالموجودين والنعم بالكل بس اقصد لازم في اختلافات بالراي

 

[Mr. Eng.]

انا بفتتح المزاد ب 7500
و الله أعلم​

 

[Q8 Stock]

بوسلمان من غير الوطني كانت
وهذي وحده فريش

 

[algassem]

صارت

 

[Abdullah Alhajeri]

مبروك للربحان

بس لاتطول لانه تصعيد مضاربي

وفرصه الى عنده كميات كبيره يبي يقطها

 

[Navigator]

تحركت المؤشرات للاعلى

بالتوفيق

ولله الحمد

خلال 7 دقائق ارتفاع 25 نقطه بسيوله ممتازه

بالتوفيق

 

[بوعدول]

الي وده يشتري اشوف المجموعه الدوليه زينه

قاعد اتابعها

والله فيها خوش مضاربه

بس طارت ما ألحق عليها ,,, اذا رجعت 59 يمكن اشتري :d

بصراحه انا خواف خاصه ان الاوضاع ماتطمن

 

[Navigator]

بوسلمان من غير الوطني كانت
وهذي وحده فريش

كفو بو علي



بو محمد

انا مبلش المزاد بكير اليوم من الساعه 10

 

[Q8 Stock]

ممكن ياكبتن نعرف بعض الاسهم الواعده

السؤال موجه الى بوسلمان
هو اللي قال هذي الجملة :d

 

[Winchester SX3]

] بلغ ربح (وطني) 126 مليون د.ك لل6 أشهر المنتهية في30-6-09 ‏
يعلن سوق الكويت للأوراق المالية أن مجلس ادارة بنك الكويت الوطني قد
اعتمد البيانات المالية المرحلية للبنك للفترات المنتهية في 30-06-2009 ،
وفقا لما يلي:‏
ِ1) الفترات الحالية:‏
البند ال3 أشهر المنتهية في 30-06-09 ال6 أشهر المنتهية في 30-06-09‏
الربح(د.ك) 62,552,746 126,077,901 ‏
ربحية السهم(فلس كويتي) 22 44 ‏
اجمالي الموجودات المتداولة - 8,008,068,000‏
اجمالي الموجودات - 12,114,162,000‏
اجمالي المطلوبات المتداولة - 10,304,553,000 ‏
اجمالي المطلوبات - 10,494,008,000 ‏
اجمالي حقوق المساهمين - 1,608,050,000 ‏
علما بأن بنك الكويت المركزي قد وافق على هذه البيانات المالية بتاريخ ‏
اليوم الثلاثاء الموافق 14-07-2009 .‏
بلغ اجماليى الايرادات من التعاملات مع الاطراف ذات الصلة مبلغ 14,439,000‏
د.ك .‏
بلغ اجمالي المصروفات من التعاملات مع الاطراف ذات الصلة مبلغ 98,000 د.ك .‏
ِ2) الفترات المقارنة:‏
البند ال3 أشهر المنتهية في 30-06-08 ال6 أشهر المنتهية في 30-06-08‏
الربح(د.ك) 93,000,538 175,100,388 ‏
ربحية السهم(فلس كويتي) 31 59 ‏
اجمالي الموجودات المتداولة - 7,898,797,000‏
اجمالي الموجودات - 11,221,298,000 ‏
اجمالي المطلوبات المتداولة - 9,406,365,000 ‏
اجمالي المطلوبات - 9,582,892,000 ‏
اجمالي حقوق المساهمين - 1,628,536,000 ‏
وعليه سوف تعاد اسهم البنك الى التداول بعد عشر دقائق من نزول الاعلان .‏

 

[C-oNtROoL]

كل ما هنالك ان بعض الشركات واقفة عند مقاومة وماعزموا كسرها الى هذه اللحظة وهذا سبب التوتر ​

 

[R-W-H]

الي وده يشتري اشوف المجموعه الدوليه زينه

ممكن اعرف على كم اشتريها لان ما اعرف دعوماتها ولا مقاومتها شكرا

 

[أبو المصادر]

أبو عيون زرق راهن وانا أدفع الرهان 150 + أن شاء الله​

راهنت ولا خفت يا بو سلمان​