النقل

[rivaldo11]

السلام عليكم
انا موظف في احدى الوزارات وصارلي سنتين في الوظيفة، ولا ارغب في الاستمرار في نفس المكان لان في خلافات بيني وبين المسئولين، وابي انقل الى ادارة ثانية، تقدمت بكتاب نقل للمدير وقال: مافي نقل..اللي مو عاجبه المكان يستقيل، هل يحق له هالشي؟ مع العلم عندي ادلة تثبت المشاكل اللي بينا. يعني ماعنده عذر ويقول انا بحاجة هالموظف.
ارجو مساعدتي واذا في مادة بقانون الخدمة المدنية تعزز موقفي اتمنى تزودوني فيها..ومشكورين مقدما

 

[fayoona74]

مايحق للمدير يمنعك انك تنقل روح للوكيل المساعد وقدم الكتاب له وعشان تنقل لازم موافقة من ادارتك ومن الادارة اللي بتنقل لها واذا الوكيل المساعد ماسوالك شي روح لوكيل الوزارة واكيد بالنهاية راح توصل للي تبيه اذا مو مرتاح بادارتك اما انه يجبرك تستقيل مو صحيح

 

[rivaldo11]

مشكورة فيونه ما تقصرين...

 

[Customer]

يعطيكم العافيه اخواني على هالموضوع
وعندي استفسار على طاري هالسالفة.....

واذا المدير يبي ينقله من الادارة والموظف ما يبي النقل ؟؟يقدر
مع العلم انه ماعنده غيابات او اي شي

 

[fayoona74]

اذا النقل كان لدواعي المصلحة العامة مافي مايمنع قانونا اما اذا كان عقوبة مقنعة يقدر الموظف يتظلم من قرار النقل باعتبار ان قانون الخدمة المدنية نص على العقوبات التي توقع على الموظفين على سبيل الحصر وبالضوابط المنصوص عليها فيه وبما لايجوز معه استحداث عقوبة غير منصوص عليها بالقانون

 

[qanon]

بس عندى تعقيب على كلام الاخت فيونة

من ان عملية نقل الموظف اذا كانت عقوبة امر يصعب اثباته من الناحية العملية

لان قرار النقل ما يتضمن سبب النقل

وتحياتى

 

[fayoona74]

كلام سليم 100% لكن ممكن اثباته بشهادة الشهود او بادلة كتابية سبقت عملية النقل ولها ارتباط وثيق معاه يعني مو مستحيل ممكن لكن اتفق معاك انه صعب