افيدوني؟؟ شاليهات الخفجي

[عاشقة السفر]

انا مسافرة الخفجي وابي تفيدوني اذا فيه شاليهات بالخفجي بشرط تكون راقية ونظيفة وقريبة من البحر وذا عندكم صور لها يكون احسن عشان ماانصدم لما اشوفها
وبغيت اسالكم عن كورال الخفجي احد يعرف عنه شي شلون نظامه على البحر ابي معلومات او صور اذا احد سمع عنه أو قام بزيارته .
اتمنى انكم ماتخذلوني وتنقذوني بالرد علي بالرد الوافي

وجزاكم الله الف خير لكل من قرأ موضوعي ورد علي وكل من قرأ موضوعي وبخل علي بالرد

مع تحياتي وشكري الجزيل لكل اعضاء المنتدى الاكثر من رائع لانه يفيد الناس ويجعلهم يتواصلون لمعرفة معالم كل دولة وهم في منازلهم .



وبس ؟؟؟؟؟؟؟؟؟؟؟؟ شكرا بس لاتنسون تردون علي باسرع وقت ممكن

 

[عاشقة السفر]

شالسالفه ؟؟؟
محد يرد علي وينقذني ؟؟؟
لاتبخلون بالرد جزاكم الله خير


مع تحياتي

 

[q8royale]

ما ني خابر في شاليهات زينة بالخفجي
لكن فيها شقق مفروشة ونظيفة جدا

معلوماتي اعلاه من زيلرة قبل 4 اشهر - ممكن استجد شيء ؟

 

[FMD]

انا مسافرة الخفجي وابي تفيدوني اذا فيه شاليهات بالخفجي بشرط تكون راقية ونظيفة وقريبة من البحر وذا عندكم صور لها يكون احسن عشان ماانصدم لما اشوفها
وبغيت اسالكم عن كورال الخفجي احد يعرف عنه شي شلون نظامه على البحر ابي معلومات او صور اذا احد سمع عنه أو قام بزيارته .
اتمنى انكم ماتخذلوني وتنقذوني بالرد علي بالرد الوافي

السلام
الخفجي فيها فندق واحد بس على البحر إسمه فندق شاطئ الخفجي
كورال الخفجي أعتقد أنه موتيل مو فندق
باجر أسأل عن كورال
سلام

 

[يام]

الخفجي ما فيها شاليهات تسوه ، بس مكان واحد وهو مقابل الارنب الجائع في شاليهات لكن ما تسوه بيزه ولا تستاهل السكن فيها حالتها مزريه وتعيسه .

بعد الخفجي في شاليهات بأسم أحد ملوك السعودية ( ناسي اسمه ) لكن هذي الشاليهات عسكرية وخاصة ، لكن من خلف هذي الشاليهات في شاليهات خاصة حوالي ست شاليهات بجنب بعض مقابل البحر ومن خدمات نهائي ، ووضعهم موشي بس تناسب عادات أهل السعودية من حيث التصميم ، ورأي انها ما تناسب العائلات الكويتية نهائيا .

طريق هذي الشاليهات وعر وكريه ، حفريات ودبايات .

إذا تبين نصيحتي روحي شاليهات منتجع نصف القمر ، في الخبر . تستاهل الزيارة ومكانها حلو ونضيف .

وشكرا .

 

[LAHOoOB]

الخفجي ما فيها شاليهات تسوه ، بس مكان واحد وهو مقابل الارنب الجائع في شاليهات لكن ما تسوه بيزه ولا تستاهل السكن فيها حالتها مزريه وتعيسه .

بعد الخفجي في شاليهات بأسم أحد ملوك السعودية ( ناسي اسمه ) لكن هذي الشاليهات عسكرية وخاصة ، لكن من خلف هذي الشاليهات في شاليهات خاصة حوالي ست شاليهات بجنب بعض مقابل البحر ومن خدمات نهائي ، ووضعهم موشي بس تناسب عادات أهل السعودية من حيث التصميم ، ورأي انها ما تناسب العائلات الكويتية نهائيا .

طريق هذي الشاليهات وعر وكريه ، حفريات ودبايات .

إذا تبين نصيحتي روحي شاليهات منتجع نصف القمر ، في الخبر . تستاهل الزيارة ومكانها حلو ونضيف .

وشكرا .

نعم كلامك صح الطريق الى هذى الشاليهات مكسر حيييل والله والشاليهات كلها 8 وخرايب وازيدك من الشعر بيت فية مشروع يمها حق ارامكو يعنى ازعاج
وملاحظة هذى الشاليهات بعد محمية الامير سلمان البحرية . واقول للاخت الى تبى شالية .. روحى الخبر او يازين ديرتنا .. ,شكراا