توصيات أسعار ( السر وينه ) .......... 1

[السهو]

السهم معلق من الساعه 9.31
ماكو شى معروض
ومطلوب بالاعلى 330 (( 50 الف امر واحد )
لكن منو يبيعه بالاعلى منو اللى عنده السهم
الاهليه قاعد وتبيع بملكياتها ( يمكن تسويها وتبيع البناء على سعر متفق عليه ) نصبر ونشوف ​

بو مشعل

الاسهم الممسوكة مملة

وابلغ مثال

اسمنت الهلال

الانظمة

وغيرها كثير

توصل مرحلة تترجاهم يحطون امر شراء بس علشان تنحاش

ممكن تحصل فرصة بس اذا طمعت تبي تتلحف السهم الى ما شاء الله فيه اسهم واعدة وشعبية ونازلة ليلحين ممكن الشباب يحوسون شوية ويحللون الاسهم وراح يصيدون

احسن من سهم كل اسبوع ينباعله 50 الف

وجهة نظر مع اني اشوف تحليلك للسهم حلو ومتعوب عليه

بس انت تبي تصيد نقطة في بحر

////////////

الا اذا احد الملاك يبي يبيع بيع سوق وعلى سعر معين

يعني معلومة تكون محترمة

هنيه اصف وياك واقولك ان السهم صيدة السنة

 

[الجارح]

عزيزى
لما نقول على الخاص
القصد منها يستفيد العضو
ولاتستفيد المحافظ والصناديق
نسوى تحليل ونكتب الاخبار
ونفرمت الشركه من .... الخ.....
منو اللى يستفيد
انت وانا وغيرنا من الصغار نشترى يادوب وحده او وحدتين وان كثرنا ثلاث وحدات الكاش محدود من بعد الخسائر الكبيره
لكن الكبار يشترون كميات كبيره ( ياخذون الفرمته والخبر على الجاهز ) ويادوب يصعد السهم تكه او تكتين يقول فينا بجنى الارباح
لكن انا وانت وغيرنا اذا شرينا وحده او وحدتين نصير طماعين نبى مو اقل من ثلاث تكات نبى نعوض
هذا يا محفوظ السلامه القصد من الخاص
واعتقد كل الاخوان اللى بالخاص استفادوا من التوصيات التى وصلتهم

واضيفلك معلومه
اغلب الاعضاء التى تاتينى رسائله (لايوجد لهم اى مشاركه بالمنتدى )
ويدورون توصيه وقلناها لهم اول مشاركه وتدور توصيه دش فى نكك الحقيق وان شاء الله مانقصر معاك

فيه امور نقولها بالعام
وفيه امور نقولها بالخاص

بارك الله فيك اخوى اسعار ومجهودك واضح

ولكن من الملاحظ تذمر بعض اخواننا من التوصيات

حيث ان البعض يطلب منك حتى الخاص ولم ترد عليه اسمح لى ان اقولك على ناس وناس

المساله وما فيها انه يوجد اعضاء خسرانين ويريدون اى توصيه حتى يطلعوا

براس مالهم

يجب عليك بحث الموضوع والوقوف قليلا وايجاد الحل المناسب لايصال

توصياتك حيث اننى اعلم ان توصياتك لاغبار عليها بارك الله فيك

الاتريد من يدعى لك ليلا ونهارا بالتوفيق

يجب علينا الاجتهاد وعمل الخير مهما كانت المخاطر

انت تنقذ انسان من توصياتك

حيث ان الربح الذى يربحه ينعكس على افراد عائلتة باكملها

اذن انت تنقذ عوائل وليس اصدقاء

يجب التفكير اكثر

وسامحنى على المداخله

وارجو من الله ان يوفقك لخدم الناس


والله ولى التوفيق

 

[الاعصار]

عزيزى
لما نقول على الخاص
القصد منها يستفيد العضو
ولاتستفيد المحافظ والصناديق
نسوى تحليل ونكتب الاخبار
ونفرمت الشركه من .... الخ.....
منو اللى يستفيد
انت وانا وغيرنا من الصغار نشترى يادوب وحده او وحدتين وان كثرنا ثلاث وحدات الكاش محدود من بعد الخسائر الكبيره
لكن الكبار يشترون كميات كبيره ( ياخذون الفرمته والخبر على الجاهز ) ويادوب يصعد السهم تكه او تكتين يقول فينا بجنى الارباح
لكن انا وانت وغيرنا اذا شرينا وحده او وحدتين نصير طماعين نبى مو اقل من ثلاث تكات نبى نعوض
هذا يا محفوظ السلامه القصد من الخاص
واعتقد كل الاخوان اللى بالخاص استفادوا من التوصيات التى وصلتهم

واضيفلك معلومه
اغلب الاعضاء التى تاتينى رسائله (لايوجد لهم اى مشاركه بالمنتدى )
ويدورون توصيه وقلناها لهم اول مشاركه وتدور توصيه دش فى نكك الحقيق وان شاء الله مانقصر معاك

فيه امور نقولها بالعام
وفيه امور نقولها بالخاص

وشالسالفه يابو مشعل -احسن الظن انا مشارك نمنتدى اخر من 2005 ومشاركاتى بحدود 20 مثل مايقول متفرج ولا ننتقص من مشاركات احد
لان المكتوب بيصير -الله الله بالخاص

 

[حدى راهى]

السلام علكيم
تحياتى للجميع

الاخ اسعار مشكور وماقصرت واجرك عند رب العالمين، انا فعلا ما استفدت من المعلومة بس مستانس لانه اكيد احد من الشباب وبالذات المستشمرين الصغار استفاد منها
الاحظ غالبا المصداقية والصحه مع التحليل الفنى الصحيح للاخ الفاضل اسعار.....

زبدة الحجى ......
لاهنت ضيفنا معاك بالتوصيات يمكن نوض شوى من خسارة 2006
ولك منى جزيل الشكر ولايهونون الاخوان

 

[starter]

ركز على انجازات + اعيان عقاريه

تبى بعد حاضرين

اقفال 295
مشكووووووووووووووووووور الله يجزاك الف مليون خير
وهم ناطرين الخاص مالك بو مشعل

 

[engineer-5]

الاخ اسعار يعطيك العافية

ولا عليك امر بنك برقان شنو عنده من اخبار وشنو سالفته خاصة بعد التداول الكبير يوم الاربعاء

وعساك عالقوة

 

[Hit & run]

أسعار......لوسمحت....ضيفني...على الخاص...نحتاج توصياتك...

 

[PAC_3]

السلام عليكم

اخوي بومشعل ( اسعار ) ممكن اتضيفني على الخاص

ولوسمحت ابي توصيه حق ها الاسبوع

ابي ادخلي جم فلس

بسفر المره...اذبحتني بالحنة تبي اتسافر

والله يعطيك العافية

 

[hamadxp]

اخوى اسعار

اذ تكرمت تعطيني عضويه بالخاص عندك وياليت تكون من نوع الفي اى بي

شبعان طراقات من السوق صار لي شهرين مو مترقع

كل ما اطقها تلف يمين او يسار ههههههههههه

​

​

 

[سهم استثماري]

اغلب الاعضاء التى تاتينى رسائله (لايوجد لهم اى مشاركه بالمنتدى )
ويدورون توصيه وقلناها لهم اول مشاركه وتدور توصيه دش فى نكك الحقيق وان شاء الله مانقصر معاك

يبيلك سكرتاريه يفرمتون النكات

فيه امور نقولها بالعام
وفيه امور نقولها بالخاص

100%

 

[اسعار]

سهم ضربة الحظ
الكويتيه لصناعة البناء ​

شوف معاى

راس مالها = 2.625 مليون د ك ( عجيب )
عدد اسهم الشركه = 26.250 مليون سهم ( ياسلام شويه )
القصه اكبر من جذيه شوف معاى منو هم كبار المساهمين
ع الكويت ( البحر ) عنده 24.37 بالمئه
الاهليه ( العوضى ) 11.66 بالمئه
صندوق الرائد ( المركز المالى) 6.7 بالمئه هذا اللى قاعد الحين يلم بس مو لاقى اسهم
شركة اولاد الغانم 6.42 بالمئه
التخصيص 35.66 بالمئه
اسمنت الكويت 9.795 بالمئه

سبحان الله شلون تجمعوا بهالشركه ( من عجائب البورصه )النسبه الممسوكه ( 94.6 بالمئه )
الاسهم الغير ممسوكه من عدد 26.250 مليون سهم = اقل من 1.500 م سهم ( ماكو شى )اعضاء مجلس الاداره فيهم
العصفور والرقبه والفضاله وشهاب
خارج سرب كبار المساهمين اللى ذكرتهم فوق
اكيد كل واحد فيهم عنده شوية اسهم من المتبقى 1.500 مليون سهم
الشركه محققه ارباح للربع الاول 8.36 فلس العام الربع الاول 2.28 فلس
بالرغم من انخفاض قيمة المبيعات إلا أن الشركة استطاعت زيادة صافي الربح بفضل تحقيق الشركة لأرباح من محفظتها الاستثمارية بلغت 89 ألف دينار في مقابل خسارة بلغت 66 ألف دينار لنفس الفترة من العام الماضي
موجودات الشركه عام 2006 ارتفعت من 4.228 الى 5.094 م د ك
مطلوبات الشركه 1.184 م د ك
البناء قامت عام 2006 بتاسيس شركه الرؤيه للاستثمار والاجاره
راسمالها 15 مليون مع مجموعة عارف والبهبهانى ومجموعة الوقيان


السهم صارله يومين معلق بالحد الاعلى
المركز المالى يحاول يصيد المتبقى من الاقل من 1.500 مليون سهم خارج نسبة كبار المساهمين

نشوف الشارت
واضح الصعود نتيجة رغبة المركز المالى زيادة نسبته عن السابق


سهم راس مالها صغير وعدد اسهمهم شويه وربحانه الشركه والكبار والاعداء متجمعين مع بعضهم فيها

نرجع نقول نتابع هالسهم
لانى اتوقع فيه شى حلو
بعد التنبيه اخذله تعليقه
نشوف السبت شيسوى ​

 

[Hit & run]

أسعار......لوسمحت>>> we need some tips for this week

many thanks

 

[BMW2007]

يسعد مساك وصباحك اخوي اسعاار
ممكن تضيفنا علا الخااص ولاتهون
نبي منك بعد الله شي يعوضنا عن خسارينا والله
ملينا مثل قولت اخونا حمد اللي يقول شبعنا طرااقاات من السووق
وتقبل مروري وتحياتي

 

[فؤاد]

الاخ اسعار
اسعد الله مساك ..ومن فضله اغناك
واحنا بعد وياهم على الخاص

 

[بو لولوة]

شلون يعني يضيفنا عالخاص ؟؟ ... ضيفني وياهم انشالله نستفيد

 

[abotalal]

الاخ اسعار
اسعد الله مساك ..ومن فضله اغناك
واحنا بعد وياهم على الخاص

وانا بعد ما عليكم امر بومشعل

 

[اسعار]

أسمنت الكويت​

سهم حلو وعليه صانع سوق احلى واحلى ( يطيح بطنك بالقاع)
يعنى يبيلك قلب معاه تسألنى شلون اقولك مجربه وعارف قصته عند التحرك بالسهم
اللى صارله فتره بالسوق من حركة السهم يعرف منو هالشخص ويشتغل بمحفظة منو

الهيئه العامه تملك 29.363 بالمئه
الصناعات الوطنيه تملك 25.474 بالمئه
شركة الراشد 7.46 بالمئه
المجموع = 62 بالمئه تقريبا
عدد الاسهم القائمه 426 مليون سهم
ارباح الشركه للربع الاول = 15.594 مليون الغير محقق 3.833 مليون
ارباح الشركه المحققه = 11.761 مليون د ك
مثل هالفتره من الربع الاول لعام 2006 كانت محققه ( 4.749 مليون = 10 فلسا)
تمتلك اسمنت الكويت بالبحريه = 33.319 بالمئه اكبر نسبه
سعر البحريه لاخر اقفال = 670 اعتقد البحريه ماكو شى فيها بالتداول اذا بيرفعون فوق على الراحه لضمان رفع الارباح الغير محققه واذا باعت الارباح تصير بالدبلات ( من سعر التاسيس وفارق سعر البحريه بالسوق )
تمتلك بالبناء ( السهم الذى اقتبسته بالاعلى وشرحه واضحه ) 9.795بالمئه
تمتلك بالصناعات الوطنيه 8.576 بالمئه ( ص وطنيه مايبيله كلام وسعر 1560 الى الان وعلى الاسمنت بالتاسيس )
الحين ركز معاى عدل

تمتلك بالصفاة 10بالمئه من سعر التاسيس
قامت ببيع تقريبا 6 بالمئه على اسعار فوق 530
ومتبقى لها تقريبا 4 بالمئه
وسبب ضغط الصفاة الى الان خروج اسمنت الكويت
فهمتوا اللعبه وشنو سبب ضغط الصفاة ) ) من المصدر
من سعر التاسيس
اذا قلنا بتطلع من ال 10بالمئه كامله تحقق
30 مليون سهم تقريبا نضربها بسعر 530 تصل الربحيه الى 16 مليون د ك تقريبا = 35 فلس اتوقع تكون هالربحيه ببيانات الشركه للربع الثالث لانها تمت البيعه بعد اقفال الربع الثانى لل 6 بالمئه
ونضيف عليها الارباح التشغيليه للشركه نتيجة عملها

الان لنرى بعض بيانات الشركه لاقفال سنة 2006
اجمالى موجوداته = 286 مليون د ك
اجمالى مطلوباتها = 63 مليون د ك
لاحظ فرق الموجودات التى تستثمرها الشركه اولها كان
شوف اعلان السوق شيقول
أعلن سوق الكويت للأوراق المالية، أن شركة اسمنت الكويت قد قامت ببيع ‏حصتها في الشركة الوطنية للاتصالات والبالغة 2,133,290 سهم من خلال ‏محفظتها لدى شركة مشاريع الكويت الاستثمارية لإدارة الأصول بسعر 4,600‏ دينار كويتي للسهم وبقيمة إجمالية قدرها 9,803,308 دينار كويتي وذلك ‏ضمن اتفاقية بيع 51% من رأس مال الشركة الوطنية للاتصالات ، وقد حققت الشركة ‏نتيجة لهذه الصفقة ربحا وقدره 2,654,405 دينار كويتي .
وباقى الموجودات وين ياترى حسب المصدر تملك فى التمدين ا والبنك الاهلى المتحد
واعتقد مايفوتها الاستثمار بالهواتف المتنقله والبنوك الكبيره

المراد السهم فوق الممتاز وصانع السوق يلعب بالعروض ليحسب اكبر قدر ممكن من الاسهم بالاسعار الحاليه
نشوفغ الشارت شيقول
قبل لاندخل بالشارت
خبرين حلوين لمستقبل الارباح
اولا
وزير التجارة والصناعة فلاح الهاجري أصدر قراراً وزارياً الأسبوع الماضي سمح بموجبه لشركة اسمنت الكويت بتصدير كمية وقدرها (30000) طن من الاسمنت لمدة سنة واحدة تبدأ من تاريخ صدور القرار، مشيراً الى أن صدور القرار جاء مشروطاً بألا تؤثر عملية التصدير على حاجة السوق المحلي.

وتعليقاً على هذا القرار أشارت بعض المصادر المتابعة لسوق الاسمنت بالكويت الى أن قراراً من هذا النوع من شأنه أن يؤثر على أسعار الاسمنت بالكويت بشكل سلبي، بدليل الارتفاع الحالي في أسعار الاسمنت.
ثانيا
شركة اسمنت الكويت تستعد لاقامة مصنع اسمنت بطاقة انتاجية تتراوح ما بين 1.5 الى 2 مليون طن سنويا في منطقة ميناء بوبيان، وذلك بعد موافقة الجهات المعنية على تخصيص قسيمة صناعية داخل هذه المنطقة.
ثالثا
شركة أسمنت الكويت تنتظر موافقة مجلس الوزراء على توصية مجلس ادارة مؤسسة الموانئ الكويتية لتجديد عقود الارصفة،

الاخبار الحلوه كثيره للشركه خلونا بالمفيد اللى ذكرته لكم


نشوف الشارت
الرسم واضح جدا
صانع السوق يبحث عن السهم بالمنطقه مابين 1.380 الى 1.420
وخطفات بال1.440
قاع السهم اعتبره 1.360 بالوقت الحالى واحتمال نشوفه فى حال ارتداد مؤشر السوق دعم بقاع اخر على 1340
واتوقع صعب جدا يتنازل صانع السوق عن السهم بمناطق القيعان

السهم حلو نتابعه مع الاخبار الحلوه التى ذكرتها

مع العلم مااملك الى الان السهم هذى مشكلتى العب مع صانع السوق بالوقت الحالى

 

[اسعار]

لمن راسلنى بالخاص
طولوا بالكم على شوى
نشوف وضع السوق السبت لنحدد الاحد اى سهم فرصه للدخول عليه
الاحد دائما الصيدات تكون حلوه
لاتستعجلون
السوق موطاير بس اذا استعجلت فلوسك تطير من ايدك​

​

 

[محتار شلون أربح]

أخي أسعار،، حطنا ببالك عشان ندعيلك بالليل والنهار،، وهالله هالله بالتوصيات الحلوة والأخبار،،، شبعنا طراقات من يوم الانهيار،،

ضيفنا عالخاص يا معود ترى لاحنا صناديق ولا محافظ والله يخلينا هالمعاش وهالكم بيزة اللي نترزق فيها

 

[hamadxp]

اخوى اسعار ما لقيت شي بالخاص

واليوم الاحد

عموما تدبست في انجازات تشوفه ما عليك امر ؟

شاكرلك