مساعدة،أبي اشتري كاسكو هولندي بس ما اعرف جم سعره

[nice_boy]

مساعدة،أبي اشتري كاسكو هولندي بس ما اعرف جم سعره
عمره 5-6 شهور، يصفر و يطق طق، ياكل من الايد، ما يعض، اليف
كم يسوى ؟

و حبيت اعرف شنو الفرق بين كاسكو الافريقي و الهولندي،
كشكل اعتقد نفس الشي؟

 

[nice_boy]

نصايحكم

 

[بوحمود1]

الهولندى حجمه اكبر وغالبا يكون اليف وشكله احلا وبالسوق سعره من 130 - 170 حسن نظافة الطير ،،،، اما الافريقى سعره من 70 - 120

 

[عندليبي]

اهلين أخوي وبعد أذن اخوي الكريم بوحمود1 .... الهولندي أهو نفسه الأفريقي اللي يكون لونه رمادي وذيله أحمر...بس ليش سموه هولندي لأنه من أنتاج وتفريخ مزارع في هولندا ، يعني تم جلب الطيور أساسا من موطنها الأصلي من أفريقيا وعمل لها مثل مزارع او محميات لها للتكاثر . وليش اللي يكون أنتاج هولندا أفضل بالسوق ياطويل العمر هو بسبب السلاله النظيفه من الأصل اللي تم جلبها من موطنها الأصلي من ناحية الحجم والتطعيمات الكامله اللتي يم اعطائها للطائر منذ نعومة أظافره حتى يكون جاهز للبيع بالأضافه إلى أنه غالبا الهولندي يكون أليف بسبب تآلفه مع المربين في المزارع.

أما السعر يعتمد مثل ماتفضل أخوي بوحمود1 على حسب الحجم ونظافة ريشة الطير ومدى هدوءه . وأتمنى أني قدرت أوضح لك أخوي nice_boy ولو شيء بسيط على حسب ما أعرف . وشكرا.

 

[nice_boy]

جزاكم الله خير اخواني بوحمود1 & عندليبي، كفيتوا و وفيتوا
نسمع الباقي

 

[بوفهيد]

بارك الله فيك اخوي عندليبي

 

[عندليبي]

أهلين أخوي nice_boy والله يوفقك وأنصحك لاتستعجل في الشراء خذ وقت كافي في البحث والأسئله والدرايه بعدين قرر.

 

[عندليبي]

أهلين اخوي العزيز اكسترا كلين تسلم ومشكور على طيب كلامك. وعسى الله يوفقك

 

[nice_boy]

مشكورين،

 

[nice_boy]

شلون اعرف ان الكاسكو ذكر ولا انثى

 

[nice_boy]

Up UP

 

[LighTninG]

والله بالنسبه للكواسكوا مثل ما تفضل الاخوان

الافريقي اهوه الهولندي بس الهولندي تفريخ هولندا وبأجواء افضل ورعايه احسن

عشان جذي تلقى حجمه جامبوا وغيره

اسعارهم الفروخ طبعا بالسوق من 140 الى 180 على حسب حجمه ونظافته وهداوه الطير وربوته

وطبعا الي بـ 180 هذا يكون بعد مرشرش باحمر من الاجناب وتحت الجناح

اما ان كان يصفر ويطقطق وبدايه كلام هذا شي ثاني يكون عمره اكثر من 5 شهور تقريبا ويكون سعره اعلى ويكون غالبا عند الاشخاص مو المحلات الي عند المحلات كله يا صغير فرخ يا كبير بالسنين عمره

نصيحتي لك اخذ فرخ ربه على ايدك وعلمه كل الي تبيه على ايدك يطلع شي صعب ولا تفرط فيه

وايضا نصيحه ثانيه اذا خذيت فرخ اياني واياك تحطه بالهوى ولا يحوشه هوى ويموت ترى الفروخ حساسين من الهوى البارد ( هوى المكيف او السنترال ) اخوك راح منه فرخ بسبه هالسالفه

احسن مكان لهم المطبخ او مكان ما يتبطل فيه المكيف بشكل مستمر ويكون دافي ولا تنسى تطلعه بالشمس كل اسبوع وتسبحه وتعتني بجسمه لانه الطير يستانس بالسباحه وطبعا لازم باليوم على الاقل تخصصله ساعه تلعب فيه معاه وتعتني فيه عشان ياخذ عليك عدل ومن تدش ويسمع صوتك يطقطق على القفص يبيك اتييله ( هذا الي كنت اسويه مع المرحوم )

والله يوفقك ان شاءالله





سلالالالالالالالالالالالالالالالالامن ​

 

[nice_boy]

مشكور على النقاط المفيد LighTninG
ماقصرت

 

[عندليب زمانه]

ابي فرخ كاسكو توه طالع من البيضه منو يا شباب عنده ؟؟

 

[فخامة كبريائي]

والله يا جماعه انتوا كفيتوا ووفيتوا بصراحه وما خليتوا لنا شي نشرحه الا شي واحد ,,
اغلب هواة الكواسكو قاعد يجيبون من الاحساء (السعوديه) ,, والبحرين اهناك ارخص
وشاكرلكم

 

[nice_boy]

مشكورين

 

[nice_boy]

Up up

 

[حدي-ذرب]

حبيبي روح اخذه من سوريا حده ارخيص بمنطقة الجرمانه بشاام روووح ودعيلي بس لازم اطلعله ترخيص من الكويت عشان تقدر ادخله معااك مطاار الكويت واذا ماعندك ترخيص يصادرونه مطار الكويت بس بسوريا حده ارخيص وشي طيب وموفق