تسخين السيارة

الموضوع في 'اعلانات المركبات' بواسطة فارس العنزي, بتاريخ ‏4 أغسطس 2009.

حالة الموضوع:
مغلق
  1. فارس العنزي

    فارس العنزي عضو جديد

    التسجيل:
    ‏15 سبتمبر 2004
    المشاركات:
    1,240
    عدد الإعجابات:
    0
    مكان الإقامة:
    الكويت
    يا هلا بالبناخي

    شوف أنا ما أدري عن باقي السيارات ولكن بسنة 99 فتحت بي أم من الوكالة حجم 728 ، وعند إستلام السيارة شرحولي عن كيفية إستعمالها والأجهزه إللي فيها ، ومن ضمن الشرح قالولي لا تسخن السيارة نهائياً ، وقلت حتى لو بالشتاء عندنا برد ، قال لو ثلج بره ، إهي مصممة وفيها تقنية بأنها تكون جاهزه للإنطلاق بعد التشغيل بثواني ، وإذا سخنت السيارة ممكن تضرها ما تنفعها وممكن تطق الماكينة ، وطبعاً طبقتها ومافي أي مشاكل حصلت لي إلى أن بعتها بعد أربع سنوات من الشراء​
     
  2. khaled777

    khaled777 عضو نشط

    التسجيل:
    ‏23 يونيو 2007
    المشاركات:
    269
    عدد الإعجابات:
    0
    جزاك الله خير يالعنزي على الموضوع المفيد

    وانا عن تجربتي الشخصيه مااحب شى اسمه

    تسخين السياره بس انطر نص دقيقه

    وامشي وماصادفت اي مشكله والحمدلله

    الا بالسيارات اليابانيه تدقر وتجيم مرات .

    والله يعطيك العافيه على الموضوع والمصادر .
     
  3. meshal bader

    meshal bader عضو نشط

    التسجيل:
    ‏8 يناير 2009
    المشاركات:
    237
    عدد الإعجابات:
    0
    انا شاري فلوكس واجن قالولي الوكالة لا تسخن
    يمكن التسخين على نوع المكينة والياباني لازم تسخين عشان المكينة المنيوم
    والله اعلم
     
  4. meshari80

    meshari80 عضو جديد

    التسجيل:
    ‏15 يناير 2009
    المشاركات:
    120
    عدد الإعجابات:
    0
    شكرا للمعلومه الثمينه اخوي
     
  5. العــ1980ــنزي

    العــ1980ــنزي موقوف

    التسجيل:
    ‏23 يونيو 2009
    المشاركات:
    127
    عدد الإعجابات:
    0
    اخواني السيارات الاوربيه فيها نظام تسخين حق الماي
    بمعنى اصح اي واحد عنده مرسيدس او bmw وتكون جايه من المانيه
    او اي دوله اوربيه
    بطل مطارت الماي مو الراديتر تلقى فيها سيخين هذولي يخلون الماي يحتر بثواني معدوده
    وهالكلام من واقع خبره طويله بالاماني
    وشكرا لكاتب الموضوع
     
  6. LS1

    LS1 عضو جديد

    التسجيل:
    ‏6 أكتوبر 2008
    المشاركات:
    480
    عدد الإعجابات:
    0
    اخواني الفكرة ان السيارات اللي اتكلمون عليها المانية وغيرها من السيارات اوربية

    تصميم المكينة في المانية ان يكون الزيت السيارة مضغوط ماينزل تحت في الكارتير

    ليش علشان لما اتكون في المانيا ويكون الجو بارد وثلوج ادق سلف وياك السيارة

    اما السيارات الامريكية وغيرها ايكون الزيت في الكارتير فاتضطر انك اتسخن السيارة

    علشان يصعد الزيت فوق
     
  7. ابن ضعيان

    ابن ضعيان عضو نشط

    التسجيل:
    ‏11 مايو 2008
    المشاركات:
    349
    عدد الإعجابات:
    0
    لكن هناك سؤال يسدح حاله

    حديد السيارة يكون بارد والزيت كذلك... فكيف تتم عملية الاحتراق للسيارة بشكل سليم ؟

    بعض السيارات المتطورة يمكن لكن باقي السيارات ... لا أظن ذلك
     
  8. meshal bader

    meshal bader عضو نشط

    التسجيل:
    ‏8 يناير 2009
    المشاركات:
    237
    عدد الإعجابات:
    0
    للمعادن مثل ماهو معرف عامل تمدد يعني الحديد يتمدد مع الحرارة انا اقول تسخين السيارة ضروري
     
  9. @جو66666588كر@

    @جو66666588كر@ عضو جديد

    التسجيل:
    ‏22 يوليو 2009
    المشاركات:
    140
    عدد الإعجابات:
    0
    مكان الإقامة:
    الكويت
    الله يعطيك العافيه على هالموضوع

    تصدق عاد أنا أقعد أسخن السيارة فترة وبعدها أمشي

    يعني من زود الحرص على المكينه !!!!!!!!

    والمصيبة الوكالة ماإذكرت لي هالمعلومه

    لما شريت منها الــــ ls 430

    ومن خوفي على الموتر أسخنه 5 دقايق وبعدها اشغل المكيف

    لأن هالمعلومه دارجه عند كثير من الناس يقولون إذا مشيت والسيارة بارده

    تطق المكينه والجير يبوش ---!!!!!!!!!!!!!!!

    يمكن السيارات اليابانية تختلف إختلاف كلي عن السيارات الألمانية
     
  10. NO SIGNAL

    NO SIGNAL عضو جديد

    التسجيل:
    ‏29 يوليو 2008
    المشاركات:
    73
    عدد الإعجابات:
    0
    ذيك المره قعدت ابحث عن شنو احسن نوع زيت للسياره و شنو مواصفاته .. اتضح لى في بعض الزيوت مصممه للدول اللى تكون درجة الحراره بره 15 - تحت الصفر وانزل
    هذى الزيوت اعتقد صمموها عشان يكون الاحتراق بالمكينه سليم
    واغلب وكالات الكويت تستخد هذى الزيوت معنه ما توصل درجة الحراره عندنا هالكثر
    وبنسبه لى انا ما امشي بالسياره عقب ما ادقه سلف الا لمه اشوف عداد الار بي ام عندي تحت الواحد
     
  11. بو علوه

    بو علوه عضو جديد

    التسجيل:
    ‏12 مارس 2009
    المشاركات:
    17
    عدد الإعجابات:
    0
    معلومات جدا قيمه

    تستاهل نثبت الموضوع

    ثبت الموضوع يا مخرج
     
  12. sanad2007

    sanad2007 عضو جديد

    التسجيل:
    ‏25 فبراير 2008
    المشاركات:
    479
    عدد الإعجابات:
    0
    زيت السياره ماله علاقه بعملية الاحتراق الداخلي

    البانزين هو اللي يحترق ويخرج على شكل غاز عادم
     
  13. الرجال افعال

    الرجال افعال عضو جديد

    التسجيل:
    ‏9 أكتوبر 2008
    المشاركات:
    73
    عدد الإعجابات:
    0
    بالنسبه لتسخين السياره السيارات الالمانيه اهى الى ما تتسخن ومن ضمنها الفولفو لان مثل ما قالو الاخوان ان المكينه والقير يكونون جاهزين خلال ثوانى من التشغيل والمكينه مجهزه بانها ما تتسخن اما اليابانىى ومومتاكد اعتقد انه ياثر على السياره اذا ما تسخنت
     
  14. kuwait1977

    kuwait1977 عضو جديد

    التسجيل:
    ‏18 يناير 2008
    المشاركات:
    223
    عدد الإعجابات:
    0
    مسؤل في وكالة الساير يقول بس ينزل الضغط مكانه الطبيعي امشي
    التسخين دقيقتين او ثلاث كافي الزيت عمره ماصار شحم حتى الياباني
     
  15. c2009

    c2009 عضو جديد

    التسجيل:
    ‏3 أكتوبر 2008
    المشاركات:
    76
    عدد الإعجابات:
    0
    السلام عليكم

    عند خالي كامري 2005 من أول ماخذاها من الوكاله
    ماشفته يسخنها والحين السياره متعديه (140) ألف
    وما فيها أي شي
     
  16. NO SIGNAL

    NO SIGNAL عضو جديد

    التسجيل:
    ‏29 يوليو 2008
    المشاركات:
    73
    عدد الإعجابات:
    0
    يا جماعة الخير الموضوع مكرر و اتمنى من الاخوان المشرفين او صاحب الموضوع انه يتم دمج الموضوعين لتعم الفائده على الاعضاء و هذي وصلة الموضوع الثاني المكرر
    http://www.indexsignal.com/vb/showthread.php?t=183648&highlight=%CA%D3%CE%ED%E4+%C7%E1%D3%ED%C7%D1%E5
     
حالة الموضوع:
مغلق