تويوتا موتور كورب باليابان خسرانه بالربع الاول-- تتوقعون الساير بنزل الاسعار ؟؟؟؟

[باحث قانوني]

تويوتا تنضم إلى قائمة الشركات اليابانية الخاسرة خلال الربع الأول من العام المالي
قنا 04/08/2009
انضمت مجموعة "تويوتا موتور كورب" أكبر منتج سيارات في اليابان اليوم إلى قائمة شركات صناعة السيارات اليابانية الخاسرة خلال الربع الأول من العام المالي الحالي.

وأعلنت الشركة وهي أكبر منتج سيارات في العالم تسجيل خسائر صافية خلال الربع الأول من العام المالي الحالي حتى 30 يونيو الماضي قدرها 9ر77 مليار ين /819 مليون دولار/ مقابل أرباح صافية قيمتها 6ر353 مليار ين خلال الفترة نفسها من العام الماضي. في الوقت نفسه جاءت الخسائر أقل من التوقعات وكذلك أقل من خسائر الربع الأخير من العام المالي الماضي التي كانت 8ر765 مليار ين بفضل مبيعاتها القوية من السيارة الهجين بريوس.

وبلغت خسائر التشغيل خلال الربع الأول من العام المالي الحالي 8ر194 مليار ين مقابل أرباح تشغيل قدرها 5ر412 مليار ين خلال الفترة نفسها من العام الماضي ليستمر نزيف خسائر تويوتا للربع الثالث على التوالي. وتراجعت قيمة مبيعات مجموعة تويوتا التي تشمل أيضا سيارات دايهاتسو وهينو موتورز بنسبة 3ر38 بالمائة إلى 83ر3 تريليون ين. وتراجع حجم المبيعات خلال الربع الأول من العام المالي بنسبة 9ر35 بالمائة إلى 4ر1 مليون سيارة حيث تراجعت المبيعات بأكثر من 10بالمائة في الأسواق الرئيسية باليابان وأمريكا الشمالية وأوروبا وآسيا.

في الوقت نفسه خفضت تويوتا توقعاتها بشأن خسائر التشغيل خلال العام المالي الحالي الذي ينتهي في 31 مارس المقبل إلى 750 مليار ين وليس 850 مليار ين كما كانت تتوقع قبل ذلك ورغم ذلك تظل هذه الخسائر الأكبر في تاريخ تويوتا . كما خفضت توقعاتها بشأن صافي خسائر العام المالي الحالي من 550 مليار ين إلى 450 مليار ين.

وكانت شركات نيسان موتور وميتسوبيشي موتورز ومازدا قد أعلنت تسجيل خسائر خلال الربع الأول من العام المالي في حين أفلت من دائرة الخسائر هوندا موتور التي تراجعت أرباحها بشدة لكنها نجحت في البقاء داخل دائرة المكاسب.

شنو تتوقعون بنزلون الاسعار
ولا بتصدي عندهم

 

[راشد777]

يعطيك العافيه اخوى على موضوعك وعندى رد فقط على العنوان وهو لو تسكر شركة تويوتا الام اللى فى اليابان او تمشى موظفينها وما يبقى غير واحد او اثنين راح ترفع الساير سعر سياراتها وما لها شغل بأحد .ياعمى هالعالم تاكل ماتشبع.

 

[الاولى]

صحيح
الساير يرفع ما ينزل
فيه ناس تشترى
أنا (نيسانى) متعصب
عاش نيسان

 

[Winchester SX3]

في عرف بالكويت

إذا خسران إرفع السعر
وإذا ربحان هم إرفع السعر

وماتنزل الا لربعك غير هذا ما ينزل السعر

أسأل الله أن يفكنا من الحسد اللي بالديره

 

[GMC يفرض هيبته]

ياحلو مواصفاااات البريمي ..........؟


انا بعرف الساير سياراته ذهب ......؟ يوم يرفع اسعاره ..؟ المشكلة كلها موصفاتها ولا شيء
بالنسبه للخليج .........................؟؟

واسعار الخليج اررخص بواجد ........؟

لا وبعد مايفتح ملف للخليجي ؟؟ الظاهر اليابان..؟ بتعلمه اشلون يفتح ملفات للعالم علشان الخسارة الي حصلت ...؟

بس انشهد ان حظه قايم يوم حطوه وكيل تويوتا ... الي موهب حظ بودستور ..؟؟ههههه

 

[ابوساره009]

والله ياشباب لاقى ناس تشترى والله لو يقاطعونه الناس كان

نزل الأسعار للعملاء بس المشكله لو يقاطعونه راح الحكومة تشترى السيارات

الى عنده كلها وتعطيه أكراميه على البيعه

بس الطماع طماع المشكله الشركات عندنا ماخذين راحتهم ترفع على كيفها وماتنزل نهائى لأي سبب

وبالأخص شركة الساير الله يجزاه خير ماعنده رحمه للعملاء ولايكفيه أى سعر

 

[طلال701]

مشروع خليها تصدى بالسعوديه جاب نتيجه مع الشركات ليش ما نسوي مثلهم ونجرب بالكويت وخاصه مع سيارات الساير . يا جماعه تراه موزع مو وكيل يعنى تحت الضغط يخضع عشان لاتنسحب منه حقوق التوزيع بالكويت

 

[افهمني افهمك]

مشروع خليها تصدى بالسعوديه جاب نتيجه مع الشركات ليش ما نسوي مثلهم ونجرب بالكويت وخاصه مع سيارات الساير . يا جماعه تراه موزع مو وكيل يعنى تحت الضغط يخضع عشان لاتنسحب منه حقوق التوزيع بالكويت

السعوديه اكثر دوله مستهلكه للتيوتا بالوطن العربي..... وخدمتهم تعبانه مو مثل الساير
ومعا هذا يشترون....

سالفه ينزل الاسعار انسااااااااا
وانا سالت البايع عن الكامري قالي رفعنا سعرها عن 2009 اب 500 زياده

 

[ابوساره009]

والله مفروض نسوى

مثل ماسوى السعوديين خليها تصدى عند الساير

من شان والله يعتبر ويخضع للواقع

 

[liger79]

الحمد لله انه في سيارات غير تويوتا بالكويت ولا جان ألحين سعر الكورولا 39 ألف دينار ولا بدون رموت كنترول ههههههه

 

[azizan1]

ياجماعه لمن تحج البقر على اذونها الساير ينزل ولا كامري على 7250 ليش شاري طياره كلها 4 سلندر والسياره استراليه بعد على شنو مادري

 

[M7med]

والله انا اقول عنه مانزل انشاء الله عمري ماشريت تويوتا ولا اظن راح اشتر ي

 

[نيويورك]

الوكيل بالكويت يوزع بالكويت و هم يوزع بالعراق .. و بالتالي مو مضطر ينزل اسعاره ..

 

[ابويوسف العتيبي]

السلام عليكم ورحمة الله وبركاته

اخواني علي قولة المثل الشئ بالشئ يذكر ( وعلي طاري الساير )

انا صار معاي موقف وحبيت انقله لكم حتي تعرفون الي اي درجه وصل فيهم التغطرس والحسد

تقريباا نص شهر 2 اللي طاف سمعت انه لاند كروزر بالسعوديه افضل من مواصفات الساير وارخص

المهم رحت للوكيل بالرياض بشتري لي gxr حصلته عندهم بحدود 13500دينار تقريباا

لكن تدفع عربون وتحجز ويجيك الدور بعد 4 الي 5 شهور من كثر الدوس علي والغالبيه المعارض

اللي تسحب منهم بالهبل ويكونون حاجزين من فتره طويله المهم رحت المعارض ( مكاتب السيارات )

وحصل السياره اللي في بالي وشريته منهم 185000 الف ريال تساوي وقتها تقريباا 13700 دينار

وجيت للكويت وحبيت ابدل زيت سيارتي وين اقرب واحد لي ولا فرع الساير بالاحمدي

وصلت عندهم ودخل ولا ذلك الهندي قلت له بس ببدل الدهن واجيك عالسياره ولا يطلب من الدفتر

عطيته دفتر السياره طبعاا قبل اجمركها ويطالع ولا سعوديه

جان يقول لي عطني هويتك عطيته البطاقه المدنيه تدرون شنو قال لي

قال لي لا مانبدل لك دهن لانك كويتي لو انك سعودي مايخالف لكن كويتي والسياره سعوديه لا

قلت زين اذا حولتها كويتيه ادخلها عادي قالو لي لا لانها مو وارد الساير

قلت ماكو الا بنشر الجمعيه السوري ابرك منكم وليومك ماشفتهم ولا مريتهم

مع انه انا سمعت انه تقدر تقدم عليهم شكوي عند وكيل تيوتا الشرق الاوسط

لانه الساير مو وكيل بالاصل موزع فقط

 

[الشمري1]

ليش تتعبون نفسكم الساير ماينزل شي
ماينزل شي
ماينزل شي
ماينزل شي

 

[GMC يفرض هيبته]

كثر الدق يفك اللحام ...............!!

يالساير نزل اسعارك ...... !!! خل رزقك يتبارك ..............!!!

اوحلالاها لو ان شركة البازعي وكيلنا في الكويت !! كان غدا الشر !!؟؟

 

[sooo]

اخليها تصدي وربي ولا اشتري واقاطعهم واستعمل سيارة سكراب ولا اكون مديون

 

[sasasa]

لو انا مكان الساير ارفع اسعار السيارات 200 بالاميه

الناس ماعندها مشاكل تشترى بالغالى تدفع من غير مشاكل مشافيح

تروح للساير تبى تشترى سياره يقولك انطر بعد شهر لغايه ماتوصل الدفعه

اليديده هذا يعنى ان الناس ماعندها مشاكل بالدفع حتى لو زادت الاسعار

تدفع وبكل صدر رحب ولا فوقها ابتسامه

شنو الشيى الى يخلى الساير مايزيد بالاسعار

هل الناس كاسروه باسعارها هل الناس تركت سياراته تبور بمكانها وتخيس

لكزس 17000 الف ماكو طار انطر بعد شهر

لاندكروز 18000 الف ماكو طار

المشكله ان اسعار السيارت هذى غاليه وطارت كلها فمابلك بالسيارات الرخيصه


يقولك المثل

الناس عندها فلوس ماتدرى شتسوى فيها = أنا اقول الساير أولى فيها

 

[العشير1]

السلام عليكم
عندي مشاركه بسيطه :
عندي جيب فورتنر امريكي 8 سلندر جايبه من برا
طبعا الساير يطردك من المواقف
للسيرفس ؟ اشتري القطع من الساير واركب برا
موتري كل الميكانيك ( مكينه + قير + بككس + هيدروليك ..... الخ لكزس )
وعندي علم باسعار قطع الغيار
قبل 4 ايام رحت لحفر الباطن عندي شغل قلت فرصه ادخل موتري عند ( عباللطيف جميل ) اسوي له سيرفس لان السياره كويتيه
المهم طلبت سيرفس ال 140 الف كيلو رد علي الزوول المسؤول : 1000 ريال
سألته ؟ شنو اللي راح تسوون ؟
قال لي الزوول : تبديل زيت وفلتر مكينه + تبديل فلتر الشوته ؟؟؟؟؟؟؟؟؟؟؟؟؟؟؟؟؟؟؟؟؟؟؟؟وبس
قلت له من صجك ب 1000 ريال
قال : نعم
سألته كم اسعار القطع ؟ قال لي 400 وأجور 600
قلت له : طيب بدل لي زيت وفلتر مكينه + زيت وفلتر جير
قال لي الزوول : 1860 ريال
المهم بعد الصياح واللجه مانزل ولا ريال
رحت لقطع الغيار سألت عن فلتر هوا المكيف اللي يجي بالطبلون ( طبعا عند الساير ب 15 دينار بدون خصم )
والله العظيم طلب مني 1550 ريال وشفت القطعه وسعرها على الكمبيوتر
كنت اظن ربعنا حراميه
لكن والله طلعوا فيه حراميه كباااااااااااااار واللي عندنا ارحم
فأحمدوا الله على العافيه
صحيح ( ماتعرف خيري لما تجرب غيري )

 

[صقرالبحر]

هيوانداي البديل الناجح جدا
سيرفس 7 دنانير فقط
لغايه 60000 كيلو
ومن ثم سيرفس 60000 ب 60 دينار
لكن شيبدلون ؟؟ مايخلون قطعه تشم الهوا
الا وبدلوها

هيوانداي جينسز 8 سلندر من جرب قيادتها ؟
من شاف التسارع مالها
منو تعرف علي مميزاتها اللي لو عشره من الساير ماحطها
منو عرف السعر والكفاله وخدمه مابعد البيع ؟

طبعا لا من الركض ورا هالساير ليش علشان ابيع السياره بسعر زين بعدين

مو نفس الخساره لانقص علي روحنا

نصير سيارات هيونداي الاصيله