وكالة غشتني بسيارة شنو الحل

[kfsdhm]

السلام عليكم

انا شريت سيارة من الوكالة وقالي البياع انه السيارة ماراح يتغير شكلها الا بعد 3 سنين وتفاجات انه الوكيل نزل الشكل الجديد ونفس المديل 2010 يعني قالي انه السيارة 2010 وطلعت 2009 بس الشكل يختلف شنو الحل معاهم هالقضاء ياخذ حقي

ومشكور
لانه والله الشغلة تنرفز وسامحوني على الاطالة

 

[مودQ8]

هذا مو غش

 

[fayoona74]

اذا الاوراق اللي بينك وبينهم مكتوب فيها شي والواقع شي ثاني هني تقدر تقاضيهم
مثلا بالعقد السيارة موديل 2010 واللي استلمتها 2009 او مكتوب صراحة ان شكلها ماراح يتغير الا بعد 3 سنوات وهذي فرضية مستبعدة تماما
غير جذي عوضك على الله المهم سيارة يديدة حلوة لماعة

 

[Taekwondo]

انا ردي مو قانوني لكن نصيحه حق اللي حاب يشتري سياره مثل ما صار معاك .. اول شي مبروك والله يعطيك خيرها ويكافيك شرها ان شاء الله اللي يبي يعرف موديلات السيارات والاشكال اليديده يدش عالم الانترنت ويتصفح فيه قبل لا يشتري ويتوهق

 

[ostath]

انا ردي مو قانوني لكن نصيحه حق اللي حاب يشتري سياره مثل ما صار معاك .. اول شي مبروك والله يعطيك خيرها ويكافيك شرها ان شاء الله اللي يبي يعرف موديلات السيارات والاشكال اليديده يدش عالم الانترنت ويتصفح فيه قبل لا يشتري ويتوهق

انا سويت هالحركه يوم نويت اشتري يوكن قبل سنه و عقب ما شفت الموديل 2009 نفس شكل 2008 خذيت اليوكن و انا مرتاح

 

[Taekwondo]

الله يعطيك خيرها ويكافيك شرها يا استاذ سياره كد ومد صراحه

 

[kfsdhm]

اوكي انا الحين ما اقدر احاسب الموظف اللي غشني بالكلام
الوكالة عمرها ما تيب سيارات مثل اللي بالنت مثل المكسيما تبيعها الوكالة على انها موديل 2008 واهية موديل 2006 وعلى فكرة شرمة نيسان مغيرة شكل المكسيما من ال 2004 واحنى ماندري والكامري والاوريون اللي هابين فيها حسبالنا انها يدييدة ترا حدها قديمة واحنى ماندري الوكيل قاعد يقص علينا شنو الحل هل نقدر انقاضيهم واذا يبنا سيارة من برة الوكيل ما بستقبلها شنو لازم نشتري من عنده الواحد حر من وين يشتري سيارتة واهوه الوكيل ملزوم يدخل السيارة لانه السيارة مكفولة من المصنع مو من الوكيل شنو الحل والله قاعدين يضيقون علينا شنو نسوي والقانون مو معانا شنو نسوي

 

[fayoona74]

اذا صار عندك اثبابات مكتوبة ان الوكالة تقدم سيارات موديل قديم على انها موديلات حديثة اكيد تقدر تقاضيها وتقدر تقدم ضدها شكوى للشركة الام وتنسحب الوكالة منها اذا قاعدة تغش

 

[شيل و مشي]

اخوي اذا عندك اي شي تشتكي فيه راسل الشركة الام
انا لما كنت بسنغافورة شهر 5 وهي معروفة بغلائها الفاحش دشيت ستاربكس وشريت كوفي فرابتشينو حجم صغير مع كريم وكراميل بعد الضرب والطرح والتحويل من الدولار السنغافوري الى الدينار الكويتي صار سعره 1.200 والشايع يبيعه علينا نفس الحجم ونفس المكونات بسعر 1.800 انا دزيت شكوى لستاربكس الام بامريكا وبعد اسبوع جان اييني ايميل من الشايع يعتذر باعذار واهية ويقول المواد الاولية اسعارها غالية مثل الحليب والقهوة والجمارك مرتفعة ياخي هناك بسنغافورة سعرها مع الضرايب الحكومية والجمارك عندهم مرتفع وسعره جذي وبالكويت ناهبينا نهب بكل النواحي من اجهزة الكترونية وكمبيوترات وموبايلات الله يعافي النت اللي خلانا نشوف ونعرف ونقارن الاسعار اهني وبره

 

[q8royale]

لابتوبات اللي يبيعونها الوكلاء بالسوق ضعف السعر الاصلي

شوفوا الرابط اللي تحت

 

[kfsdhm]

اخت فيونه انتي من صجج الحين انا الحافي المنتف اللي قاعد اشتري سيارة بالاقساط اكلم الشركة الام اللي الساير قاعد يدخل عليها ملايين انتي من صجج ولا جنة في شي ولا راح يسحبون الوكالة ولا شي

 

[fayoona74]

اي ليش لا منتف ولا مليونير هذولي الاجانب مو مثلنا ناس متحضرة ومتطورة ومخهم متفتح يهتمون مو عرب يشوفون من انت ومن طرف منو ومن ولده يهمهم سمعتهم واللي يمثلهم واذا في اثبات عليهم يسحبونها ونص ليكون اهم بعازة الوكيل اللي بالكويت يحطون غيره وجنه الورد بعدين الواحد يسوي اللي عليه والباجي على رب العالمين

 

[Taekwondo]

اخوي توكل على الله واذا عندك شي راسل الشركه الام وترى ما يقصرون معاك ، واحد من الشباب كان عنده بي ام الفئه السابعه وعليها تأمين شامل من الوكاله المهم حبيبنا مسافر على السياره وبالدرب صارله حادث وشال السياره على ونش ردها الديره الوكاله ما صلحوها له قالوله انت مسوي حادث برى الكويت المهم صلحها على حسابه برى الوكاله ، وبعد فتره عرف سالفة الايميلات والشركه الام وقام راسلهم ، يومين دقوا عليه وكالة الكويت يتأسفون وعطوه سيرفس مادري جم سنة جدام اب بلاش

 

[بو عمر77]

كل العالم ما فيها شغلة الوكيل ( المحتكر ) ، إلا إحنا بس فعلا الانترنت غير أشياء وايد

 

[kfsdhm]

والله اخوي المشكلة الانترنت بطل عيونا على اشياء وخلانا نفطن وخلانا نفكر بمشاكل ما كنا نفكر فيها انا بجرب ادز ايميل للشركة وبشوف

عندي سوال للمحامين اذا كانت صناعه السيارة مثلا سنة 2009 اللي موجود بالباب والدفتر 2010 اقدر ااجازيهم

 

[fayoona74]

اذا باعوك 2009 ومكتوب 2010 زين احسن لك موديل يديد من صالحك ليش تبي تقاضيهم

 

[kfsdhm]

بس الشكل غير شنو الفايدة خلاص انا السياره عافها الخاطر تكفون وين ما اطقها عوية

 

[k55amg]

ود السيااره الفحص الفني ويعطونك تقرير وبناء عل التقرير ارفع قضيه تعوويض عن الضرر اللي صاابك على اساس التدليس وقبل فتررره قريبه صدر حكم اول درجه ضد وكاله باغلاقها اسبوعين وتعوويض المتضرر 2000 دينار مع العلم السيااره مااشيه 4000 كيلو ورفضت الوكاله ادخلها الصيانه اثر خلل بالسياره

اخوكم / الأحنف بن قيس