لمن لديه خبره بالقطاع الخاص والهيكلة

الموضوع في 'الوظائف والأعمال التجاريه' بواسطة وقاص, بتاريخ ‏7 أغسطس 2009.

حالة الموضوع:
مغلق
  1. وقاص

    وقاص عضو جديد

    التسجيل:
    ‏29 يوليو 2009
    المشاركات:
    120
    عدد الإعجابات:
    0
    السلام عليكم ورحمه الله وبركاته

    موظف بالقطاع الخاص ويستلم راتبه وكل شي تمام ودوامه صبح فقط

    وتقريبا الدوام سهالات وافضل من الحكومة بصراحة

    ولكن 8 شهور متتاليه اشكاليات بالرواتب والموظفين المقيمين انذلوا ذل على رواتبهم

    الكويتيين بعد نقاش حاد استلموا راتبهم وبال8 شهور صار المعاش يعطونك اياه كل شهرين ثلاثه مرة وحده

    يعني ما تستلم شهر او شهرين والشهر الي بعدهم تستلمهم كلهم مع بعض

    وباليد !!!!! وبعد طلعت روح وهالامر سبب لنا مشكله الواحد وراه اقساط

    عموما بسبب المرض الشديد انقطعت عن العمل بعلمهم فترة بسيطة

    وتفاجأت وانا بالبيت الشركة تقفلت !!!! ويقولون الشباب التامينات مو مدفوعه

    شنو العمل الحين ؟

    راتب الهيكلة ماشي ومستمر والواحد ما يبي ياخذ راتب وهو ما يستحقه لازم يحلله

    فكرت اروح للهيكله واقولهم عن الامر لكن قال لي واحد من الربع

    يا عمي تروح لهم يقولون 8 شهور معاشك ما نزل بالبنك اكيد انت توظيف وهمي

    وشغلها فيني :)

    الحين الواحد محتار يبي استقالة وما ابي ينزل لي من الهيكله وخصوصا الحين انا واقف عن العمل فلا استحقه وانا لقيت دوام بجمعيه ودوام صبح وراتب زين لله الحمد ومع صحبه ملتزمة وما ودي تروح مني الوظيفة


    افيدوني الله يفيدكم
     
  2. general

    general عضو جديد

    التسجيل:
    ‏1 أغسطس 2009
    المشاركات:
    1,510
    عدد الإعجابات:
    5
    مكان الإقامة:
    بلاد الله الواسعة (الكويت)
    اخوي اولا دعم العماله مالهم شغل يقولون لك 8 اشهر رواتبك مانزلت البنك معناته توظيف وهمي السبب كالاتي افرض الشركه كانت تدفع لك باليد (مافي قانون يلزم الراتب يجب ان ينزل للبنك بالنسبه للكويتيين) لي جذي دعم العماله مايقدر يألف من عنده .
    ثانيا التأمينات اذا مو مدفوعه فهي على الشركه انت مالك شغل فيها وماكو شي اسمه الشركه تقفلت الا اذا تم فسخ العقد (احتمال شركتك ضعيف بأنها فسخت العقد) لذلك المبلغ على الشركه وانت مالك شغل بشيء .
    ثالثا مو انت بكيفك تروح الدعم عماله أو التأمينات وتقول لهم استقلت (يجب على الشركه ترسل كتاب ونموذج اشعار خاص بالتأمينات ان انتهت خدماتك يعني انت قانونيا لازلت موظف بالشركه ودعم العماله) خل الشركه تسوي هل كتاب والاجراء عشان ينشال اسمك من التأمينات (انت الحين معلق وراح تواجه امور سيئه اذا لازال اسمك موجود بالتأمينات حتى الديوان ماتقدر تسجل فيه ولا تقدر تسوي اي شي لان تعتبر انت موظف)
    بعد ماينشال اسمك من التأمينات اوتوماتيكيا دعم العماله راح يوقف لان دعم العماله قاعد يعرف انك موظف من التأمينات (بس الافضل تروح لهم فورا عشان معرفتهم باتسقالتك او تفنيشك يعرفونه عقب 3 الى 4 اشهر ورواتبك راح تنزل لك وان صرفته بيي لك كتاب انذار عادي ترد مبالغ الاشهر الي فاتت ) فماتسوى عليك .
     
  3. وقاص

    وقاص عضو جديد

    التسجيل:
    ‏29 يوليو 2009
    المشاركات:
    120
    عدد الإعجابات:
    0
    والله ما اقول الا ربي يجعلها بميزان والدينك الطيبين
     
  4. general

    general عضو جديد

    التسجيل:
    ‏1 أغسطس 2009
    المشاركات:
    1,510
    عدد الإعجابات:
    5
    مكان الإقامة:
    بلاد الله الواسعة (الكويت)
    خدامينك
     
حالة الموضوع:
مغلق