انواع الرجال ....قصيده

[NICK]

قصيده جميلها فيها من الحكم شي الجميل استمتعوا بقرائتها




ياكثرهم .. لا قلت لك .. عرفة وجيه
وياقلهم .. لا قلت .. قـدر ومعـزه
رجلٍ .. تعزه بعد ماتلتقـي .. فيـه
ورجلٍ .. قبل ماتلتقي بـه .. تعـزه


ورجلٍ .. ترزه بالمجالـس مباديـه
ورجلٍ .. فلوسه بالمجالـس تـرزه


.. ورجلٍ يموت ولا يجيبون طاريـه
ورجل ٍ .. يجي طاريه في كل حزه


ورجلٍ يهزه .. بعض موقف ويشقيه
ورجلٍ .. مهوب أيّات موقف يهـزه


ورجلٍ .. ضعيف .. ويستفزه معاديه
ورجلٍ .. كلام اعـداه .. مايستفـزه


ورجلٍ .. تلزه يعترف لك بخافيه
ورجلٍ .. على خافيه .. محدٍ يلـزه


ورجلٍ .. يوزونه .. ويزعل بنيخيـه
ورجلٍ .. يزعّل من يحاول ، يـوزه


ورجلٍ .. تكزه لا زم انك توصيه
ورجلٍ .. بليّا ما توصيـه .. كـزه


من لا فرش .. للمرجله ماتغطيه
ومن لايخز .. الناس .. محدٍ يخـزه


ان كنت تعرفني فهي .. عرفة وجيه
مو شرط لك بالقلب قدر .. ومعـزه ​

 

[دنياء غريبه]

صح السانك

يسلمووو على القصيده الرائعه

لاعدمنــــــــــــــــــــــــــاك

 

[yoyo1983]

شكرا

 

[NoOoOoR]

صح لسانك

 

[فضل]

صح لسان قايلها ، و وافر الشكر ل ناقلها
وسلامى لكل لمن قراها ​

 

[قلم حر]

للاسف صار راعي الدينار هو الاصل والفصل
هذا زمن الرويبضه​

 

[الذيبة]

من يغص في اعماق هذه القصيدة سيجد الروح الحقيقية التي تسلط الضوء
عن كل المتناقضات في هذا الزمن الذي يضم الكثير من السلبيات ,,,
صـح لــســـانك يــا nick لتعلن للأغلبية انه ما يصح الا الصحيح
تسلم يمناك على ما سطرت ,,,​

 

[zoya_y]

والله مافهمت شي

 

[NICK]

تسلمووون كلكم على مروركم الحلو

وصح اللسان قايل القصيده وما انا الا ناقل

والشكر للجميع

 

[NICK]

من يغص في اعماق هذه القصيدة سيجد الروح الحقيقية التي تسلط الضوء
عن كل المتناقضات في هذا الزمن الذي يضم الكثير من السلبيات ,,,
صـح لــســـانك يــا nick لتعلن للأغلبية انه ما يصح الا الصحيح
تسلم يمناك على ما سطرت ,,,​

الله يسلمك ..يالذيبه كلامك الاحلى
وشكوره سويت ودنيا ء وقلم حر وفضل ونوور

 

[الاولى]

أرجال تسمع كلام النساء وتوديه
أرجال أفعاله كلام عز ومرجله
العليا صعبه علا الرجال خطاويه
سهله على الى فعله من فكره

 

[شجرة العود]

نقل رااائع تشكر عليه أخوي nick
كلمة رجال لما تسمعها تحس بمبادئ وقيم وشموخ ونفس الوقت تحس بنذالة ونفس رديية​

 

[NICK]

نقل رااائع تشكر عليه أخوي nick
كلمة رجال لما تسمعها تحس بمبادئ وقيم وشموخ ونفس الوقت تحس بنذالة ونفس رديية​

الله يسلمج اخت شجرة العود ..مرورج الاحلى
وبالعكس رجال ماتنقال للخسيس والنذل والرجال الي فيهم خير كثيرين

...

 

[kuwait-kuwait]

بعد اذن صاحب الموضوع ذكرتني بقصيدة الشاعر والراوية عبدالله بن عبار العنزي يصف فيها الرجال يقول فيها

الـنـاس كـلـن لـه طـبـايـع وعــادات وكلـن عـلى التـقـليـد والسلـم داوي ‏
النـاس من خلقـت تـناويـع وأشتـات مثـل الأصابـع مـا تجـي بـالتسـاوي
وتـرى البشر لهم مثـايـل وصيـفـات مثـل المعـادن بـه جـواهـر ومـاوي
تـلـقـا العـلـوم الـغـانـمـة والـرديــات مع البـدو وأهـل القـرى والشواوي
رجـل عفيف ولا مشى دروب سيات عـنده عـلى حسـن الطبايـع بـراوي
عـاقــل لطيـف ولا تـجـي منـه زلات يرجي الولي ما هـو لغيره رجـاوي
عـنـده يـقيـن أبـواب ربـه وسيعـات وكـل الملأ مـوعـود رزقـه سمـاوي
صاحـب عقيـدة ما ذكر فيـه بـوقـات ما حاد عـن مظمون قصـد الفتـاوي
ورجل يدور العـز سهـران مـا بــات للمرجـلـه والطيـب والجـود هــاوي‏
يـدور بـالـدنـيـا مـعـالــي وطـــولات شبحـه بـعـيـد وبالفـخـر لـه منـاوي
يلقـا المصاعب بالعـزوم الـقـويــات وينطـح عـظايـم كـايـدات الـدعـاوي
صنديد مـا تشكل عليـه الصعـوبـات لـو ثـقـل حملـه لأثقـل الشيـل قـاوي ‏
ورجـل مجـرب في جـميع المهمـات رام الـفخـر لـو حـال دونــه بــلاوي
مبـداه عـالـي والمقـاصـد رفيـعــات شبـحــه بـعــيـد ولا مـرامـه دنــاوي
يـنـظـر أمـام ولا يــدنـق لـدنـســات حـيثـه عـلى فـعـل الفضيلـه شفـاوي ‏
جــزل وأشـم ولا مـبــاديـه هــزلات عـون الرفـيـق وبـاللـوازم حـمـاوي‏
ورجـل كريـم وفـيه بـالطيـب هـبـات يفـرح بـه الهاشل إلـى جاه ضـاوي ‏
‏ شهم وكريم وبه شهامة وشومـات يتعـب على الجزلة صبور وحيـاوي‏
ما يذخـر الواجب اليا شاف عـازات لـو كـان مالـه جـرد بشـت حسـاوي
يـرغـب لـفعـل الغـانمـة بـه مـروات يشفـق عـلـى حالـة رفيـقـه ويـاوي
ورجـل فهيـم وكـل طـرقـه سنيعـات مـدرك بـصـيـر ولـلمشـاكـل أيـداوي
للخيـر في وجهه رسوم وعـلامـات علمه صعـد من فوق راس النبـاوي
سهـل الجناب لعـزوتـه والقـرابــات كـان أنقطع بالناس وصـل العـراوي
وللضد أحـد من السيوف الـرهيفـات عـلى خـصيمـه مثـل حـد الرهـاوي
ورجل حشيم ولـه كرامـة وجـاهـات يـفعــل جـميـل وللجـمـايـل جـزاوي
طيبـه نقـي مالـه مقـاصـد وغـايـات وعـن الخطأ صافي ضميـره نقـاوي
يرفا الخمال أن شاف غره وخملات ما هو على الصاحب كثير الشناوي‏
لـو شاهد عيـوب الملأ كبر أبـانـات يـستـر ولا هـو لـلـمـعـايـيــب راوي
ورجـل ثـقـيـلٍ بـالـمجـالس وسكّـات يأخـذ عبر من قول وصف الفراوي ‏
أن صـار بالمجلـس مغـالـط ولجـّات وأصبـح لمهروج السوالف مـلاوي
يـشـوم دام الـهــرج مـالـه مـجـالات كـان أنطـلـق بـالثـرثـرة كـل غـاوي
وأن هرج هرجـه مثل نقد الجنيهات قـرايـضـه مـثـل القــراح الصفـاوي
ورجـل صمـال ولـه مراميع جـزلات يتعـب على علـم الفخـر مـا يـراوي
وأن جاء نهار فيه صولـه وجـولات يرخـص حياتـه دون ربعـه هـداوي ‏
وأن صار ما بيـن الرفـاقـه حـزازات يسعى لهـم بالصلح ما هي هـزاوي
يسعى لهـم بالصلح في حسن نـيّـات حـيثـه لفـعـل الخيـر راغـب ونـاوي
ورجـل قـليـل الـفـود بـواق غـــرات عمّـال عـن درب الحقيقـة عـمـاوي
ضـاع الشبـاب وضيـعـه بـالـمـلـذات بيـن الملاعـب والطـرب والغـنـاوي
يـدور بـالصاحـب هزايـع وعـثــرات ويتعـب عـلى رفق السفيه الفـلاوي
بـالناس تلــقـا لـه عـوايـن وشــلات فاسـد ولأصحـاب المفاسـد أيخـاوي
ورجل طمـن وأفعـال جـده قـديمــات نسل الرجال أهـل الكـرم والقهـاوي
لـو كان جـده مـن رجـال الشـكـالات مجـده محـاه وبـات يطـويــه طـاوي
مـا يـنفـعـه تمجـيـد جـده إلـى مــات ولا يـؤخـذ الصالح بذنـب الشقـاوي ‏
ولا يرفع المثبـور ترديـد اللـي فـات راحت عـلى ما قيـل مثـل الحجـاوي
ورجل بخيل ولا يحـوش الجـمـالات لو كـان مالـه كثـر رمـل الـصـداوي
وش عاد لـو يملك خزاين وشيكـات ما يـنـفـق إلا فـي نـفـاق ورشــاوي
ماله على الجودا مساعي وهومـات دايـم عـن العـليا قـصـيـر الخطـاوي
مـن شـبـتـه مـا قـال وده ولا هـــات بـالـمـجـتـمـع كـوبـان كـنـه فــداوي
ورجـل دويـنـي والـفـعــايـل دنيــّات سهـاج لـعـلــوم الرجـال وسهــاوي ‏
صاحـب نفـاق وعـيشته بالحيــالات بلاف يـرخص شيمـتـه بـالحــراوي
ضعـيـف نـفس ولـه صنايع ودقـات دايـم علـى البلغـه بـعـيـد الخـطـاوي ‏
عـن الـفـخـر دايـم يدينـه قـصيـرات ما هو عـلى حفـظ الكرامـة غـلاوي
ورجـل يخـور بمنزلـه كـنـه الشـات طول الـمـدى تـلـقـاه بـالبـيـت ثـاوي ‏
لا زايـــر غــيــره ولا جــاه زورات وســط الـمـلأ لاشـك عـــده خــلاوي ‏
متريّـح ولا لـه عـن البيـت نـوهـات عنـد الحليله مثل وصـف الضـراوي
مـن خلـقتـه مربـاه بـيـن الخونـدات مـطـواع لشـوار الـمـرة مـا يــلاوي
ورجـل هـذور بـالمجالـس وكـشّـات يغـثي البشر بالقـروشـة والقـراوي
يـبـث مـا بـيـن الـخـلايــق دعـايـات يفـرح على الفتنه كـذوب وسـواوي
يـلـفـظ كـلام بـلا بـراهـيـن وأثــبـات مـا يـنـوخـذ قـولـه يهـقـي هـقــاوي‏
يـهـبــيـه رب الـكـون نــقــال نـمـات يـدور غــرات الــمـلأ والـمـســاوي
ورجـل مـريـج ولا تـفـيـده أرشادات عـدل القوام وجوهـر العقـل خـاوي
مـا يستفيـد مـن التجارب والأزمـات مـا غـيـر لـولاح السحـر والكـلاوي ‏
حقـر وسفيـه وكـل طرقـه سفـاهـات تمـضي حياتـه بين هـاوي وعـاوي ‏
الهايـت المسفـوه مـن صاحبه هـات حيـث النمورة مـا تشادي العـواوي
ورجـل إلـى شفتـه هدومه نـظيفـات شـكـلـه وسـيـم وزاهـيتـه الكسـاوي
وقـت الـرخـا نـفسه كبـيـره وقـنـات لا شـك مـابـه خـيـر يـوم الـحـداوي
يفخـر إلى سوى شباشـر وشوشات عـلـى الـقـرايـب دايـم لــه نـخــاوي
شــره عـلـى دانـي دوانـيـه بـالـذات لكـن عـن القـاصي مديـده ضحـاوي
حـتى الربايـع بالنعــوت معـروفـات هـنـف العـذارى زاعـجـات النعـاوي
بيض العواتـق بالتواصيف خفـرات سـود الـمـقـانع لابـسـات الغـشـاوي
يـجـذب لميع خدودهـن تـقـل لنبـات يـركـن عـلى قـلـب المشقـى مكـاوي
الـفـاتـنـات الـكـايــدات الـمـكـيــدات يـا مـا وقـع بشبوكهـن مـن هـواوي
من يخدعنه شـاف حسرة ولوعـات مـالـح نـكـاد الـمـر عـقـب الحـلاوي
كم هايـمٍ من وجدهن مضى الأوقات راحـت حيـاتـه بيـن هنـد ومضـاوي
كم من غلامٍ من سبب وجدهن مـات بـاسبابهـن لـفـوا عـلـيـه الغـطـاوي
البيـض فيهـن بالوصوف أختلافـات مـا هـن سوى مثـل الثمر بالقنـاوي
‏ البيـض فيهـن محصنات وعفيفـات الـلـه وهبهـن بـالحشيمـة عـطـاوي‏
وفيهـن كـذلـك طاهـرات وشريـفـات مـا عـرضـن لـمـروجيـن الحـكـاوي
أيـضـاً وفـيهــن سافـلات ورزيـلات ضـمـن معـايـيـب الـردا بـالـمـزاوي
فـيـهـن شـيـاطـيـن وبـهـن آدمـيـات صقـر النصافـي عـدهـن والخـلاوي
أطيـبهـــن اللـي بـالخـدر مستكنـات مـا عــرضـن بـيـن المـلأ لـلـزراوي
مـا يـنـقـبـل تـدويـجـهـن بالمحـلات لا دوجـن بالسـوق لأجـل الشــراوي
يـقـودن الـهـلـبـاج للسـوق سجـات كـنــه أجـيــٍر عــنـدهــن بـالـكـراوي
قـلـتـه ولانـي لـلـمـخـاليـق شمـــات ولا خيـر بـالـلـي مـا كـلامـه قـداوي
قـلـتـه وتـوصيـف الخلايـق كثيرات سجلت من وصف المجرب شفـاوي
الطيـب كـايـد والمراجـل عسـيـرات ولا كـل مـن يـقــدر يــنـط الـعــلاوي
ومن لا كسبها بأول العمـر هيـهـات مـا حـاشـهـا عـود مـن الكبـر ذاوي
تـم الكـلام وبالعــدد عـشـر عشـرات قافـي بديتـه مـن ضميـري شفـاوي

 

[NICK]

بيض الله وجهك ..
والله من اروع القصايد الي قريتها

 

[kuwait-kuwait]

وجهك ابيض طال عمرك

 

[ابو مرايم]

ورجلٍ .. يوزونه .. ويزعل بنيخيـه
ورجلٍ .. يزعّل من يحاول ، يـوزه

صح لسانك .....

 

[NICK]

صح اللسان قايلها

واشكر مروركم