زيادة القرض الاسكاني من ال70 الى 100 الف !!!!

[wooow]

السلام عليكم

اخواني هل صحيح فى توجه حكومي لزيادة القرض الى ال100 الف وهل اللى شرى بيت بال70 يحقه 30 تكمله لل100 مثل القسائم اللتى وزعت قبل الغزو وكان قرضهم 54 الف وبعد التحرير رفعو الفرض الى ال70 واخذو 16 الف تكمله للقرض
ودمتم

 

[LAHOoOB]

والله يا خوى مادرى صحيح ام لا
بس بصراحة ما اتمني يزيدون القرض لان بالنهاية راح يشلع العقار اكثر واكثر
طمع فى شجع في بخل هذا حال تجار العقار الله المستعان

 

[aalanazi]

أ خوي شئ أكيد اذا زاد القرض والمواطن ماأخذ 70 ألف راح بنك التسليف يعطيه الفرقية اللي هي 30 ألف لان فية مادة تطبق بتاريخ معين هذا اذا قروا 100 ألف والباقي علي قرار مجلس الامة لانة تحت الدراسة وانتمني قبل الزيادة يضبطون الاسعار حتي الحيتان ماتاكلنا ؟!

 

[المهندس حسين]

الموضوع قُدم من قبل وتم رفضه

أما من ناحية أحقية المواطن اللي حصل على ال 70 ألف من قبل خاضعة للقرار نفسه إذا نص على ان يطبق من تاريخ الموافقه عليه بالتالي ينطبق على الطلبات الجديدة فقط

ما أتوقع يفتحون الباب للكل يستفيد لأنه راح يكلف الحكومة مبالغ طائلة

 

[الأبطح]

لو تطبق الزيادة من بعد شراء البيت بخمس سنوات مثلا
يكون لك الحق بطلب سلفة للترميم
خاصة لما تشتري بيت طاف عليه 10 سنوات وانت قاط اللي وراك ودونك
وتكتشف ان البيت بحاجة ترميمات شاملة
بهذه الطريقة يستفيد اللي شرا البيت وتحد من غلا العقار

 

[كويتي0]

والله لو زادوهاااا للميه تجار العقار راح يرفعون العقار


الحين ومحنا مفتكين من ارتفاع العقار شلون لو صار القرض ميه


وبعدين مهما قالوا وتوجهوا المسؤولين حبايبنا ( لا تصدق )


لانهم مشهورين الله يعطيهم العافيه بالتوجه مثل ماهم معروفين ومشهورين بعدم التنفيذ


اللي يبي يضحك يضحك هذي فرصه وهي نكته حقيقه

 

[general]

هذي ايضا محاوله فاشله لتوهيم الناس بأن العقارات يجب ان تصعد لكن الحقيقه راح تطلع عقب باجر بعد حكم التمييز الي راح يخلي كل مواطن كويتي شريف يحصل على بيت ب 120 ألف فقط

 

[سلمان الهندال]

من بؤك لباب السما ,, يمعود الله يسمع منك بس خوفك تولع اسعار العقار بروحها صايره نار ,, واتوقع اذا صارت مايعطون اللي اخذ من قبل

 

[life-enginer]

زياده مافي

السبعين ويمكن ينزلونها بعد التسليف يصيح انه مو قادر يوفي الطلبات على السبعين والترميمات

هالدور زياده وتم رفضها كذا مره من قبل ومنها رسمي بعد طلب مجلس الامه

 

[ابوساره009]

مانبى الزياده لأنها أذا زادو القرض راح ترتفع العقارات

ومراح يستفيد ألا التجار العقار

 

[خسران جداً]

انا اقول لو ينزلون ال70 الف الى 30 الف احسن........لان التجار خربوها الصراحه شنو هالاسعار العالميه هذي؟ والله لو كل الكويتيين إملينين اوكي نقول معذورين. بس انت حتى لو تاخذ ال70 او ال100 على قولتك ما راح تقدر تشتري بيت. فليش يخلون المواطن يدفع 70 الف او 100 الف. خله يدفع 30 الف احسنله مليون مره وبالاضافه الى انه ينطر دوره ويبني بيته من احسن مايكون

يعني انا اشوف ان لو يعطوني 30 الف و مواد بناء يوفرونها لي بأسعار رخيصه ومدعومه عدل...احسن من يعطوني 70 او 100 الف واخذلي بيت مكسر ويبيله ترميم 100 الف يالله يالله يطلع البيت سنع.

يعني ادفعلهم 30 الف والبيت يتحرر ومن احسن مايكون. ولا ادفع 70 او 100 الف واخرتها بيت مفلش..وشكله من كثر ما ادفعله ما راح يتحرر و راح يتوارثون عيالي وعيال عيالي الطلب مالي.

وانا اتمنى والله ومن قلبي...ان وزارة العدل تصدر قرار بإغلاق المكاتب العقاريه كلهم بدون إستثناء ويصير البيع والشراء بصوره رسميه. وبالوزاره والوزاره تنظم مجله اسبوعيه نفس كويت اليوم تصدر فيها جميع البيوت المعروضه للبيع ..يعني كل منطقه لها مجله...ويحطون السوم جم واصل والبيوت اللي انباعت واسامي اصحاب البيوت والسومه تكون بالوزاره على شان ما يصير فيها تلاعب.

لان المكاتب العقاريه يتبعون نظام حاضر طال عمرك ويا عمي اللي انت تامر فيه نسويه ومالنا شغل بالمواطنين.