هل تحب ديرتك؟

[Watcher]

السلام عليكم اخواني و اخواتي

طبعا ادري شنو الكل راح يقول لمن يقرا العنوان

هل تحب ديرتك؟

طبعا مايبيلة ,, اكيد احب ديرتي,, واموت عليها ,, وافديها بروحي ,,,,,

وانا اولكم ... بس السؤال الحين هو ,,,
اشلون تقدر تثبت انك تحب ديرتك و شنو سويت بحياتك او شي يذكرلك بعد العمر الطويل لهالديرة.

لأنكم اكيد تدرون ان الحب ماهو كلام وبس، و ماهو احاسيس و مشاعر بدون افعال.

بمعني
ما يصير ارمي الزبالة (وانتو بكرامة) فالشوارع و اقول احب ديرتي.
مايصير اشفط بسيارتي بعد نص الليل و ازعج العالم عشان استعرض مع الربع واقول احب ديرتي.
وكلنا (وانا متأكد) اننا كل يوم نشوف اشخاص يسون شغلات تخليك تشعر بالغضب او بالضيق واذا سالتهم يردون بدون تردد ( أي اكيد احبها).

ما يصير ما يصير ما يصير و شكثر الي نسوية و احنا ما ندري انه يدل على عدم الحب و عدم المبالاه بهذة الديرة الغالية الي عطتنا وما طلبتنا.


ولهذا السبب حبيت اطرح الموضوع للنقاش وحبيت اسأل

هل تحب ديرتك؟
وليش تحب ديرتك؟
وشنو الاثبات على حبك لديرتك؟

 

[فهرنهايت]

الله يعطيك العافيه على الموضوع الحساس

بالنسبه لي أنا أحب ديرتي ولكن حب سلبي

أقولك شلون : أنا ما أحب أشوف أي سلوك غير حضاري سواء مني أو من غيري

ولكن لا أنكر عليهم يعني نشوف الغلط ونسكت .

مثال لو تشوف واحد جدامك بالإشاره قط زباله ولا كلينكس , تقدر توقفه وتقول له هالشي غلط ؟؟؟

أي سلوك سلبي تقدر تقول لصاحبه هالشي غلط .

ــــــــــــــــــــــــــــــــــــــــــــــــــــــــــــــــــــــــــــ

للأسف بالوقت الحالي كل واحد يقول

((( مالي شغل )))​

​

 

[Watcher]

مشكور اخوي فهرنهايت على تفاعلك الجميل و شعورك الطيب حق ديرتك

 

[om aziz]

أحب ديرتي
وما تمشي معاملتي بأي وزاره الا بواسطه
احب ديرتي
و حامض على بوزي الاعمال الممتازه مع انه تقديري امتياز كل سنه
أحب ديرتي
ومدارس الحكومه صارت فلم رعب يعني لازم انقلش او باكستاني سكول وكع من هالفلوس
احب ديرتي
وحتى الهندي صارت عينه قويه يبوق ويقتل ولااا عالباال
احب ديرتيييييي مووووووووت
واذا مت بالعراق مع الاسرى قيمة حياتي 60 الف دينار!؟
وعمار يا كويت

 

[q8royale]

السؤال : هل ديرتي تحبني ؟؟

الجواب:
1) سرقة بالبورصة - ما لقوا الا صغار المستثمرين يبوقون فلوسهم
2) هنود مدراء على كويتيين
3) دكاترة كويتيين استقالوا و الان بالخبر يعملون بمستشفى خاص
4) واسطات علشان يشغلون غير كويتيين
5) تعيين عدد 2 مهندس من الجنسية العراقية باحدى الوزارات بامر وزير كويتي وفيه كويتيين صافين دور مو لاقين شغل
6) تسريح فاضح لكويتيين بالقطاع الخاص
7) الشباب دور علشان بيت العمر - الناس عيالها كبرت و صار عندهم احفاد وتو يطلعلهم بيت
8) القانون ضعيف جدا امام الواسطة
9) المستشفيات عندنا - اييييييييييه يمرضونك اذا رحتلهم - وخل يروحلهم واحد من ذول يا باشه يشيلونه على كفوف الراحة كون الطاقم الطبي كله من ديرة ازيك

بس تعبت .....

 

[متابع الســــوق]

احب ديرتى وفديهاااا بروحى بس ديرتى ماتحبنى
فديتها وجثمانى بالعراق
فديتها شهيد على ترابها
فديتها بالعمل المخلص
وابسط حقوقى السكن ناطر 20 سنه
هل ديرتى تحبنى هذا السؤااااااااااال
لكن هذى ارضى ورض اجدادى
وراح افديها بدمى حتى لو ماحبتنى ​

 

[فضل]

طبعا أحب ديرتى

وليش ما احب ديرتى ، وانا انولدت فيها وترعرت من طفولتى الى الان

وتدرجت فى مدارسها ، وتنفست من هواها واكلت من خيراتها

و و و ، وما اقدر اوفيها حقها الى يوم الدين

ومو معناة ان بعض المسؤؤلين اساؤا التصرف انى اكره وطنى

بالعكس ، احاول اصلاح ما يمكننى اصلاحه بشتى السبل

والحمدلله ان ديرتى من احسن البلدان فى العالم إن لم تكن الاحسن

وشوفوا غيركم من البلدان واحمدوا ربكم

وشكرا لصاحب الموضوع​

 

[الذيبة]

عــمـــــــــــــــــار يــــــــــــــا كــــــــــــــــويت ,,,,,,,

 

[قلم حر]

طبعا ما احبها حب عادي الا اموت فيها وبترابها​

 

[NoOoOoR]

أحب ديرتي
والحمدالله احنا احسن من دول وايد غيرنا
والله لا يغير علينا والله يخليها لنا أمين يارب

 

[Watcher]

طبعا حب الوطن غالي
وابي ارد على الي يقولون ديرتي ما تحبني

طبعا غلطانين​

عشان ابي اذكرهم بأشياء ممكن تكون عدت عليهم
اول شي انك لك ديرة واحدة مالك غيرها لكن ديرتك لها الاف غيرك

ثاني شي لو ديرتك ما تحبك ما كان لك اي عزة وكرامة ولا اي اعتبار و لا احترام بين شعوب العالم
لو ديرتك ما تحبك ما كانت وفرتلك اشياء وايد (كلنا نعرفها) تميزك عن بقية الشعوب ويحسدونك عليها

اخواني مثل ما قال العضو المحترم الاخ فضل مو معناة ان بعض المسؤؤلين اساؤا التصرف انى اكره وطنى او ان ديرتي ماتحبني. بالعكس ، احاول اصلاح ما يمكننى اصلاحه بشتى السبل.
و اذ ما بديت بنفسي ما را ينصلح اي شي بالدنيا

ولا تنسون ان الي يسوون اي تجاوزات ما تعجبكم او يضيقون خلقكم سواء كان في المعاملات الحكومية او الحصول على بيت او او او ...
هم مواطنين مثل و مثلك و لازم نسألهم نفس الأسئلة

هل تحب ديرتك؟
وليش تحب ديرتك؟
وشنو الاثبات على حبك لديرتك؟

ومشكورين على التفاعل

 

[فهرنهايت]

أخــوي شـبــتــســوي إذا كــان الأغــلــبــيــه يــقــول لــك :

(( أنـــــا ومــــن بــــعــــدي الـــطــوفــــان..! ))​

 

[Watcher]

أخــوي شـبــتــســوي إذا كــان الأغــلــبــيــه يــقــول لــك :

(( أنـــــا ومــــن بــــعــــدي الـــطــوفــــان..! ))​

وهذا الي جايبنا ورا
اللهم اهدينا اجمعين لما تحبة و ترضاه

 

[away1979]

اللهم أحفظ الكويت وبلاد المسلمين من كل مكروه​

 

[yoyo1983]

هل تحب ديرتك؟

بالطبع
وليش تحب ديرتك؟

لأني عشت على خيرها وتربيت فيها وربت اهلي كلهم


وشنو الاثبات على حبك لديرتك؟

اخلاصي في عملي لرفع اسم الكويت

 

[Watcher]

هل تحب ديرتك؟

بالطبع
وليش تحب ديرتك؟

لأني عشت على خيرها وتربيت فيها وربت اهلي كلهم


وشنو الاثبات على حبك لديرتك؟

اخلاصي في عملي لرفع اسم الكويت

مشكورة اختي ليلى

بس ياريت الكل يكون عندة نفس الخلاص لديرتة ويكون صج مو بس كلام