مساعده بارك الله فيكم

[أبَِو مَِشاُري]

انا سويت فيزا على بنك بوبيان قلت يمكن اشترى شي من اى موقع بالانترنت .

سؤالى هو :

هل فيه اشياء لازم اسويها قبل لا اطلب اى شي من اى موقع ؟

وشنو المواقع المضمونه بالشراء ؟


وبارك الله فيكم وجعلها فى ميزان حسناتكم .

 

[ساحل الليل]

السلام عليكم
ياهلا اخوي ابو مشاري
ما تسوي اي شي يالغالي دام انك طلعت الفيزا خلاص بس تحط البيانات لمن تشتري اي شي وبس
والمواقع المضمونه هي www.amazon.com
مضمون وكل شي فيه
واي شي تبيه بالخدمه

 

[بور-صا]

شوف اخوي بو مشاري اي موقع تشوف فيه علامة القفل باللون الاصفر من تحت على اليمين ترى هذا مضمون ومافي خوف منه .

وبالتوفيق

 

[هادي33]

الاهم اخوي لما تعبي البيانات تكون كلها صحيحه !!!

خصوصا العنوان يكون نفسه ألي كتبوه البنك بالانجليزي عندهم ....

وتذكر كلامي لما تطلب اي شي ان كل المعلومات تكون صحيحه على شان يالله تمشي العمليه ....

ونصيحه ابتعد عن المواقع المشبوهه وتجه للمعروفه عالمياً ...وفي مواقع تعطي عروض خياله

مثال ايفون سعره 70 دينار !!!! او لابتوب قوي سعره 90 دينار !!! يعني شغلات تغرييك ...فحط بالك اخووي...

 

[فخامة كبريائي]

السلام عليكم ,, الأخوان ما قصروا بالشرح ,,
بس حبيت اضيف ,, مثال موقع Ebay.com من أضمن المواقع والدفع عن طريق الــ PayPal وهالشركه مضمونه لأنه في حال عدم وصول السلعه لك تقدر ترد فلوسك ,,وتقدر اذا لقيت شغله مثال بأي موقع ثاني ومتخوف منه ,, اتراسل البيبال المذكوره أعلاه واتأكد منهم انهم يتعاملون ويا هالموقع ولا لا واذا قالولك ايه يتعاملون اشتر وانت مرتاح لأنه فلوسك ترجعلك وشاكرلك واعتذر على الإطاله
تقبل مروري اخي الفاضل

 

[أبَِو مَِشاُري]

ومواقع البيع هل لازم اسجل عندهم او لا

وشلون اعرف البضاعه متى توصلنى

 

[فاضي حدي]

اخوي الاخوان مانبهوك بشغله

لازم يكون عندك بريد بارامكس

روح لهم صناعية العارضية اهناك واهم يعلمونك طريقة الشراء

 

[أبَِو مَِشاُري]

لازم بريد ارامكس ؟

والبريد شلون اقدر احصل عليه عن طريق النت

 

[fahad95]

السلام عليكم اخوي تبي تشتري من موقع حراميه ولا تنشر رقم بطاقتك على النت ولا احد يقدر يبوق 5 فلوس ؟؟

خلها فاضيه الفيزا واذا لقيت شي دق على البنت وقولهم حطو لي مبلغ كذا بالفيزا واشتر وبهل طريقة

تضمن ان فيزتك فاضيه محد يقدر يشتري فيها وللامان اكثر كل 6 شهور او سنه سو بدل فاقد عشان

يتغير الرقم وسلامتك

 

[فخامة كبريائي]

اي نعم اخوي روح صناعية العارضيه في بريد ارامكس وفي بريد الدي اج ال ,, الدي اج ال اسرع طبعا ,, ولمه تشترك بالموقع تحط بياناتك الصحيحه ,, وبخصوص وصول البضاعه تقدر اتابع البضاعه الي شريتها عن طريق الموقع اذا الشخص دزها ولا لا على بريدك الموجود في امريكا والي انت فتحته اهني بأرامكس او الدي اج ال ,, وتقدر اتابع البضاعه لي توصلك الكويت