استفسار عن ال سي دي الكتروزان

الموضوع في 'إعلانات الأجهزه الكهربائيه' بواسطة طلال., بتاريخ ‏18 أغسطس 2009.

حالة الموضوع:
مغلق
  1. طلال.

    طلال. عضو جديد

    التسجيل:
    ‏13 أكتوبر 2007
    المشاركات:
    47
    عدد الإعجابات:
    0
    السلام عليكم يا اخوان الرجاء ممن له معرفه بتلفزيونات ال سي دي

    شفت تلفزيون عند الكتروزان 47 بوصه ال سي دي هاي ديفيشن hd

    بسعر 319 فقط السعر حده مغري وقالولي ان الشاشه ال جي

    بصراحه متردد شلون الشاشه ال جي وهو مكتوب عليه اوزان وسعره

    رخيص ..لان نفس المواصفات عند سوني وسامسونغ تقريبا ب 600 وفوق

    وانا مستغرب شلون هالمواصفات بهالسعر الخيالي ..

    وهل الصوت والنقاوه مثل سوني وسامسونغ بما ان التلفزيون هاي ديفيشن ؟؟

    تتوقعون فيه تلاعب

    ولا كلامهم صحيح ؟؟؟ اتوكل على الله واخذه ؟؟؟

    ويعطيكم العافيه ...
     
  2. Nagooshy

    Nagooshy عضو نشط

    التسجيل:
    ‏17 مايو 2006
    المشاركات:
    3,228
    عدد الإعجابات:
    2
    مكان الإقامة:
    الخالديه - الكويت
    السلام عليكم

    انا من قبل شهر شريت تلفزيون من الكتروزان 32 بوصه lcd


    وبعد 4 ايام اخترب التلفزيون

    واتصلت فيهم ومن باجر يالي الفني وخذا التفزيون وثاني يوم يابه وركبه


    بصراحة اعجبتني خدمتهم بالصيانه

    يعني لو انا شاري التفزيون من الغانم واخترب


    راح يقولي تعال ييب التلفزيون الي الورشه



    وشكراا
     
  3. برقان 2008

    برقان 2008 عضو جديد

    التسجيل:
    ‏4 أكتوبر 2008
    المشاركات:
    52
    عدد الإعجابات:
    0
    اخوي الغالي تحية طيبه

    انا شفت عندهم جم ملاحظه بس باللبلازما 50 بوصه اوزون

    طبعا اكثر من سنه كان الصوت جدا ضعيف

    وقبل خمس اشهر حطو عرض على 50 بوصه بلازمه وكان الصوت ممتاز فاشتريت واحد بسعر مغري

    بس المشكله هي ان الرموت ما اقدر اتحكم فيه إلا من قريب يعني مسافه مو اكثر من مترين ولازم يكون مباشر على موضوع الأستقبال
    علما بان المشكله نفسها صارت معاي للرسيفر والفيديو ما يستقبلون إلا من قريب

    فتبين ان التلفزيون يعمل مجال مغناطيسي ما يسمح لموجات الرموت بالتغير إلا من قريب

    فهذي نقطه ارجو انك تتاكد منها إذا رحت المعرض اخذ الرموت وروح بعيد اكثر من اربع امتار وشوف شلون يستقبل

    وهذا طبعا في تلفزيون البلازمه ( غثني الرموت )

    إنشاء الله ما يكون في
    lcd


    اتمنى لك التوفيق اخي وسامحني


    اخوك بوعلي
     
  4. the1buyer

    the1buyer عضو جديد

    التسجيل:
    ‏4 سبتمبر 2008
    المشاركات:
    1,056
    عدد الإعجابات:
    0
    بسم الله الرحمن الرحيم ...

    اخوي والله انا شاري من عنده تلفزيون ماركه Changchong وما شاء الله شغاااااااااااال تمام وما فيه اي شي وألوانه وصوته واييييييييييد تمام

    صارله عندي فوق السنه والحمدلله رب العالمين شغااااال

    وبخصوص الشاشات ترى فعلا ماركه ChangChong الشاشه مالته Samsung وبالنسبه حق ماركه OZZAN فالشاشه مالته LG بس اهم شي تحطه ببالك درجه النقاوه (Contract) كلما زادت كلما كان احسن (^_^)
    --------------------------------

    ومن ناحيه ثانيه

    انصحك هم تروح حق علي الغانم وشووف عنده تلفزيون G-Hanz هذا ألماني تجميع الصين

    انا خذيت واحد حق ديوانيتي حجم شاشته 50 بوصه بلازما ب 280

    بس ما شاء الله شي فعلا ممتاز ويعجبك ومن حيث السعر وايد مناسب


    (( ان احتجت شي انا حاضر وبالخدمه راسلني على الخاص ))

    بو حسن (^_^)
     
  5. طلال.

    طلال. عضو جديد

    التسجيل:
    ‏13 أكتوبر 2007
    المشاركات:
    47
    عدد الإعجابات:
    0
    يعطيكم العافيه على الردود واللي فهمته ان السالفه حظوظ

    يعني يمكن اخذه ويعمر عندي ويمكن اواجه مشاكل بأول الايام

    بس ما قلتولي من ناحية الصوت يفرق من السوني والسامسونغ ..؟؟

    بالنسبه لاخوي بو حسن .. موضوع النقاوه قالي hd هاي ديفيشن يعني

    فل ودرجة الوضح اعلى شي ... وانشالله امرهم اليوم واجيك على سالفة

    الريموت والله كريم ...

    تحياتي ..
     
  6. طلال.

    طلال. عضو جديد

    التسجيل:
    ‏13 أكتوبر 2007
    المشاركات:
    47
    عدد الإعجابات:
    0
    بانتظار الاخوه اهل الخبره
     
  7. سلطان الكويت33

    سلطان الكويت33 عضو جديد

    التسجيل:
    ‏23 سبتمبر 2007
    المشاركات:
    706
    عدد الإعجابات:
    0
    نصيحه اخوي طلال اتعب على الكفاله مدام موجوده لاتحاتي

    وللامانه انا اشتريت منهم تلفزيون L C D قبل سنه 50 بوصه بسعر 299 دك

    وليما الحين شغال بالتمام ماركته Changchong

    وانتمنالك التوفيق

    ومبروك عليكم الشهر مقدما

    وكل عام وانتم بخير
     
  8. q8taub

    q8taub عضو نشط

    التسجيل:
    ‏6 يناير 2008
    المشاركات:
    285
    عدد الإعجابات:
    0
    سوني مسوي عرض
    ٢٩٩.٩٩٠ د
    لشاشه ٤٠
    ل س د
    مواصفات حلوه
    ابي اعرف رايكم قبل شراء
     
  9. rusii

    rusii عضو جديد

    التسجيل:
    ‏3 يناير 2009
    المشاركات:
    25
    عدد الإعجابات:
    0
    السلام عليكم

    اخوي انا شريت منهم ال سي دي سوني 40 بوصه 300 وشويه

    فل hd

    بس اجب اقولك ال hd عموما اذا تبي تستمتع بصوت والصوره لازم الدي في دي hd

    والرسيفر hd اهني تستمتع بصوت والصوره والنقاوه للجهاز

    يعني موتحط فيديو ووايرات اصفر واحمر وبيض وتبي نقاوه وصوت

    وتقول بعدين التلفزيون مو شي

    شريت dvd hd صوره موطبيعيه

    اما الرسيفر لاعادي لانه الاش دي غالي تقريبا 100ذ

    بس رحت الغانم وشريت وايرات اصليه تقريبا سعرهم 4 دنانير

    وفرقت الصوره وياي غير عن الوايرات بوطقه اصفر الاحمر ابو 100 فلس

    طولت عليك بس حبيت انصحك
     
  10. طلال.

    طلال. عضو جديد

    التسجيل:
    ‏13 أكتوبر 2007
    المشاركات:
    47
    عدد الإعجابات:
    0
    الله يعطيكم العافيه على النصائح القيمه ومشكورين ومبارك عليكم الشهر

    مقدما وانشالله من باجر بتوكل على الله وبروح اخذه ...

    تحياتي...
     
  11. kuwaityvip

    kuwaityvip عضو جديد

    التسجيل:
    ‏1 ديسمبر 2007
    المشاركات:
    261
    عدد الإعجابات:
    0
    انا شريت منهم نشافه ملابس وكل شهرين شايلها ومتهاوش معاهم الحين بعد سنتيت خلصت الكفاله وناطرها تخرب بصورها بلوتوث وانا اكسرها بمطرقه جدام الصيانه مالتهم
     
  12. مهم للغاية

    مهم للغاية عضو نشط

    التسجيل:
    ‏12 يوليو 2008
    المشاركات:
    594
    عدد الإعجابات:
    2
    مكان الإقامة:
    الكويت
    عسى الله يعوضك بخير منها

    ضحكتني عسى ايامك كلها افراح
     
حالة الموضوع:
مغلق