فحصت سياره وماعرفت اللي طلع لي الرجو الدخول باسرع وقت تكفون

[جاسم الجسوم]

السلام عليكم شباب انا فحصت يوكن دينالي 2003 طلع لي قاز قيه صباب
+ تبخير بسيط بالمكينه
اتمنى انكم تفيدوني بأسرع وقت

هل يسبب اضرار وجم يكلف تصليحهم وهل هي شغلات استهلاكيه انا اللي خفت منه تبخير بالمكينه راعي السياره يقول اذا سويت قاز قيه الصباب راح يروح التبخير من المكينه وماادري ممكن تفيدوني

 

[جاسم الجسوم]

واذا راح اطيح جم اقوله يطيح لي

 

[نواف الخالدي]

انت فاحص السياره بالرمال عدل ؟؟

اذا المكينه تبخر معناته تحتاج تجفيت

 

[خالدناصرالعتيبي]

السلام

حسب معلوماتي البسيطه

السيارات بعد سنة 2000 المكاين تصنع من ألمنيوم

بخلاف السيارات القديمه وعليه لاتحتاج ربل صباب او كازكيت ولا عيار كما الموديلات القديمه

والخوف من ان تكون حراره نالت من المكينه ورقعها بدون خراطه وتنزيل مكينه

لكن أإرجوا الحذر من الخلط بين دخان الصرفيه المستمر أثناء التشغيل والدخان الذي ينتج بعد دوس البانزين بقوه إذا إستمرت السياره بالعمل مده طويله وهي متوقفه

حيث بالحاله الثانيه تتجمع أبخره بدبة الكزوز وحين تصل لها الحراره تحترق وينتج عنه دخان والسبب هو التصميم المكتوم للصوت بالكزوز وهذا ليس بعيب ولا يؤثر نهائيا وهو لدي بسيارتي وأثبتوا لي بالوكاله هذا الكلام

أتمنى الصوره وضحت قليلا

 

[جاسم الجسوم]

جزاك الله خير
يعني ماياثر علي الاستعمال

 

[LEEDAR]

​

التبخير عاااااااادي وموجود بكل سياره مايخوف وربل الصباب اذا السياره ماتدخن عااااادي

 

[محمد المريشد]

السلام اخوي جاسم انا كل سياراتي من التواهوووو ولي اعرف التبخير اهوا صرفيه بس انت ابخاطرك الموتر اخذه ..... وعندك احسن كراج حق هاسيايرررر الباخره في اشويخ واذا............ تبي اكلف اقل عندك السكراب المكينه على 300 لي 350 دك
ـــــــــــــــــــــــــــــــــــــــــــ
بس ممكن اتوضح انت وين فحصت السياره
ولاتقول الرمال ذهبيه
عشان مايفهمون شي ولايعرفون يفحصون اي سياره
والله لوتيبلهم قاري وهو قاري راح يقولون لك المكينه خربانه والله
واذا تبي رقمي الحين ادز لك على الخاص
وسامحني طولت عليك

 

[اطلس]

السلام عليكم

السلام عليكم أخوي جاسم احذر التبخير يعني بداية صرفبة

 

[Se7T]

اخوي
انا عندي سيارة فحصتها قالولي ربل صباب وتبخير بسيط
رحت لكراج صاحبي قالي مايأثر واذا تبي تصلح تجفت احسن
وسافرت على السيارة لمكه وبدلت دهن هناك ورديت الكويت ورحت بشوف ينقص او شي
لقيت حتى الدهن جديد وصاحب المحل قالي لاتبدل جديد مع العلم السيارة يوكن
وكنت امشي لايقل عن 160 الى 180
توكل على الله بس خل ينزلك
وللعمل معظم السيارات بالكويت ربل صباب بسبب الحرارة العالية ولاتصلح نصيحة

 

[TOYOTA]

مرحبا اخوي التبخير بعد فتره بسيطه تصرف المكينه واحتمال (تضرب)المكينه نزل من السعر 400دينار اذا لك خاطر بالسياره

 

[بور-صا]

اخوي افضل لك شوف لك سيارة غيرها اضمن خاصة انك تبي تستعمل

والله يوفقك

تحياتي

 

[الكاريبي]

الرمال الذهبية فحصهم مو شي أنا أذكر التبخير بداية صرفية أفحصها عند قولدن صن أو النجم الثلاثي يكون أفضل وأنت مو مجبور بسيارة والسيارات واجد
والله يوفقك

 

[مهم للغاية]

كل شركات الفحص الان تكتب في نتيجة الفحص ربل صباب عشان يطلعون من المسؤولية

حتى لو السيارة توها طالعه من الوكالة يكتبون ربل صباب

عشان اذا السيارة بعد فترة صارت صرفية ... ورجعت لهم يقولون لك احنا كتبنا لك ربل صباب

كمبيوترات ومكاين الفحص اللي بالقراجات يبيلها ربل صباب

 

[جاسم الجسوم]

كل واحد يقولي كلام شباب اخذ السياره ولالا وجم يكلف تصليحها وجم اطيح من راعي السياره

 

[بوعبدالله 11]

اخوي لاتاخذها الا اذي نزلت من سعرها واتفق مع صاحب السياره علي قيمة التصليح واخصمهم من المبلغ ومثل ماذكرلك الاخ روح كراج الباخره جدا ممتاز
واذا كان مايبي ينزلك شي لاتاخذ السياره لانه احتمال يكون راس المكينه في شي والدلاله تبخير +قازقيت راس والله يعينك ويرزقك

 

[liger79]

أخوي جاسم مع احترامي لآراء الاخوان التبخير طبيعي بأي سيارة مستعملة وخصوصا السيارات اللي موديلاتها حديثة وهذا شي استهلاكي وطبيعي ... بس الفرق في درجة التبخير أهم شي نسبة الماكينة كم كانت ؟ والسيارة كم ماشية ؟ اذا السيارة ماشية فوق 170_200 ألف اهني الواحد يخاف ... والرمال الذهبية المعروف عنه يقولك جذي يبي يبري الذمه لأن السيارة مستعمله ويحط ثغرة بكل فحص عشان اذا صار بالسيارة شي يطلع منها بدون مشاكل ... اذا الموتر عاجبك توكل على ولا يوقفك التبخير وقازقيت الصباب شي بسيط وا يحتاج كل التردد ... صل استخارة وتوكل على الله ... وآسف عالإطالة

 

[جاسم الجسوم]

انا فحصت السياره عند النجم الثلاثي اللي بحولي ونسبه المكينه 70%

 

[جاسم الجسوم]

والسياره ماشيه 162 ميل

 

[abuahmad58]

اخوي نصيحه لاتاخذ دينالي اذا لقيت يوكن عادي احسن هل كلام عن تجربه شخصيه مكاين 6.0 ليتر وايد استهلاكيه all wheel drive يعني دفع رباعي علي طول الي سرعه 100كم بعدين يتحول خلفي مصرف بانزين وقطع غيار غاليه
والتبخير بدايه صرفيه والي يقول عادي كل السيارات اتبخر مع احترامي للجميع كلامه مومضبوط
او متعود علي السكاريب الي كل يوم واقفه عليه بالشارع

واكرر لك النصيحه منت ملزوم تاخذ سياره فيها صرفيه ,,, ولا ينقص عليك الدنالي سعره بالارض
اليوكن العادي اغلي منه بالبيع والشراء

وموفق خير ان شاء الله

 

[ابو عبير]

اخوى انت تبى تاخذ سياره ودش دوره بالشويخ ولا بتاخذ سياره دق سلف وامش يبا سياره بدالها الف سياره خلك منها وشوفلك غيرها بلا مكينه بلا ربل انت مو ماخذها بلاش