سؤال عن أشرطة سوني 3 ...ممكن أحد يفيدني

[أبو ناصر العجمي]

السلام عليكم

حبيت أسأل إذا بغيت أجيب أشرطة ألعاب سوني 3 بعضها توه نازل بالسوق صارله فتره بسيطه جدا وما دخل الخليج لحد الآن وبعضها إصدار صارله شهور تقريبا نازل بالسوق عندنا .. فهل تنصحوني أشتريها ولا لأ ... وهل أشتري المستعمل جديد بقراطيسه ...

ويا ليت أحد يخبرني كم أسعار الأشرطه القويه خاصة اللي فيها حرب ومراحل كثيره ..


مشكورين ويعطيكم العافيه ..

 

[بوفهيد]

بوناصر هالايام الكل يشتري مستعمل و اذا ماحصل الشريط الى يبية شراه جديد

شكلك بره الكويت و طايحلك على مكان يبيع اشرطة

 

[أبو ناصر العجمي]

والله تقدر تقول يا بو فهيد

أنت شرايك شور علي .. أجيب مستعمل ولا جديد ...وفيه أشرطه توها نازله قويه جدا جدا وما دخلت الخليج لحد الآن مدري أجيب عينه بسيطه ولا كميه منها ..

 

[فخامة كبريائي]

أبوناصر ,, بخصوص الأشرطه عندي احد الأصدقاء قام بتوريد بعض الأشرطه معه أثناء عودته الخارج ,, فتم تصدير جميع هذه الأشرطه من قبل الجمارك وإعطائه وصل امانه ليتم فحص هذه الأشرطه من قبل وزارة الأعلام وبعد شهر تقريبا تم الإتصال على الشخص لمراجعه وزارة الاعلام واستلام الأشرطه ,,

 

[بو عبدالله 1]

الناس ما تاخذ الا مستعمل بالكويت


لانه اليديد غالي حيل .. افضل انك تييب المستعمل

 

[alwa7s7]

السلام عليكم اشتر مستعمل افضل

 

[ماستر الذهب]

السلام عليكم

العاب xbox 360 كوبي ورخيص اما ps3 العاب غالية وبعض المحلات تنصب على الناس

 

[shocked]

حبيبي بوناصر

قبل لاتفكر بالكمية اللي بتجيبها، فكر بخطة بيعها وتسويقها.
فإن الشراء سهل والبيع صعب.
---------------------------------------
حاول تظبط شغلك بجمارك المطار وله بدش بمتاهات ودهاليز.

موفق خير

 

[أبو ناصر العجمي]

يعني المشكله الأساسيه بالمطار صحيح ..

إذا على الجمارك والإعلام إن شاء الله أمرها هين بإذن الله تعالى ..

شكرا لكم جميعا