استفسار جزاكم الله خير

[WAKEE7]

السلام عليكم

شباب منو عنده فكره عن شغله سائق اسعاف حق مقيم عربي الجنسيه
شلون الطريقه وين التقديم واللى عنده فكره عن هالموضوع يرد علي ومشكورين

 

[بوفهيد]

و الله الى اعرفة اذا غير كويتي لازم يكون ممارس للمهنة و عنده خبرة في بلدة .. و مطلوب شهادة الخبرة و التقديم اكيد بوزارة الصحة .

و اتمني الشباب يفيدونك اكثر مني

تقبل مروري

 

[WAKEE7]

الله يجزاك الف خير مشكور على المرور طال عمرك

 

[وقاص]

السلام عليكم ورحمه الله وبركاته

اخوي مكانهم الرئيسي بصبحان

هناك يعلمونك عن كل شيء

لكن الي اعرفه والله اعلم

الكويتي فقط او الام كويتية وعندك واسطة قوووووووووووووووية وشهاده

اما غير الكويتيين فاعتقد في شركة متعامله مع وزارة الصحية والطوارئ الطبية خصوصا

تجيب لهم من برا وتشفط رواتبهم

يعني الممرض يعطونه 250 جنسيته مصري

والمسكين مستانس وفرحان وما يدري معاشه دبل ويشفطونه عليه

في مقابل انهم احضروه

الزبده هني ينطبق المثل المشهور عين عذاري

يعني اموت واعرف هندي مدري سيلاني ولا بنقالي يودي اوراق ويجيبهم

راتبه تقريبا 300 دينار

ويقولون عنه مراسل

وولد الكويتية الي متزوجه من غير الكويتي يبيع رقي عالشارع يدور اللقمة الحلال

!!!!!!!!!!!!!!!!!!!!!!!!!!!

شفيهم مواليد دولة الكويت

كويتيين بالمولد واهلهم من 40 سنة عالاقل بالكويت

مو افضل ؟؟

على الاقل شربوا العادات والتقاليد وفاهمين

بس فالحين يحطون البنقالي لانه يتحمل الاهانه

لا وتاليها بدوار الجليب يبيع افلام خلاعيه !!!!

حارس امن ( سكيورتي ) تجيبونه من برا !!!

يا اخي والله شي مو مضبوط

ويعور القلب لما تلقى عائلة كاملة من قبيلة معروفه ومشهود لها بطيب الاخلاق والالتزام بدين الله

عيالهم مو لاقيين وظائف والي يبيع تمر والي يبيع رقي والشمس كلتهم

والشرق اسيويين ياخذون راتب قوي وسيارة وشنو وظيفته مراسلة

ولا يوصل ممرضات

واخرتها يقولون والله البدون ما يوصلنا منهم الا المصايب

اهلنا ومن دمنا بدون

عموما اخوي ربي يرزقك ويوفقك

روح صبحان افضل لك هناك الخبر الاكيد

بس هااا شوف لك واحد يدزك افضل علشان تعرف توصل

ترى الكويتي نفسه لو ماله ظهر انطق على بطنه

تحياتي وموفق