اخذ العربون ثم خرج و لم يعد

الموضوع في 'قسم الإستشارات القانونيه' بواسطة Abdulla990, بتاريخ ‏22 أغسطس 2009.

  1. Abdulla990

    Abdulla990 عضو جديد

    التسجيل:
    ‏10 نوفمبر 2007
    المشاركات:
    447
    عدد الإعجابات:
    0
    السلام عليكم و مبارك عليكم الشهر
    يا جماعة عندي سؤال صغير و ما نستغني عن نصايحكم
    اكو حرمة من جماعتنا قاعدة ترمم بيتها و احتاجت عامل المنيوم يضبط لها المطبخ
    طبعا تبرعت انا بالمساعدة و اتصلت على واحد حاط اعلان في جريدة الصدى و اتفقت معه و جاء و اخذ القياسات و بعدين راح على اساس انه يشتري الأغراض و يرجع بعد يومين

    و اتصلت بي اليوم و تقول انها تدق عليه و هو مطنش و قالت انه رجع ذاك اليوم و اخذ منها عربون( علشان الأغراض على قولته) و الحين ما يرد على اتصالاتها
    بصراحة ضاق خلقي لأني انا اللي جبته و حاولت اعرف كم اخذ علشان اعطيها فلوسها بس ما رضت تقول
    و انا حاس بالذنب لأنه جاء عن طريقي للأسف

    عندكم طريقة علشان نعاقبه على فعلته؟؟ و خصوصا انه لم يحترم سنها الكبير و ثقتها به
     
  2. KhaledBenz

    KhaledBenz عضو جديد

    التسجيل:
    ‏16 يونيو 2009
    المشاركات:
    153
    عدد الإعجابات:
    0
    عطنا رقمه ونحاول نتصل عليه ونستدرجه للقيام بعمل شبيه والاطاحه به :)
     
  3. Abdulla990

    Abdulla990 عضو جديد

    التسجيل:
    ‏10 نوفمبر 2007
    المشاركات:
    447
    عدد الإعجابات:
    0
    الله يجزاك خير اخوي خالد فكرتك ممتازة :)
    بس خلنا نعطيه فرصة الى باجر و اذا ما رد نحط رقمه في المنتدى للتحذير منه و ايضا لتنفيذ الفكرة :)
     
  4. k55amg

    k55amg موقوف

    التسجيل:
    ‏9 يونيو 2009
    المشاركات:
    52
    عدد الإعجابات:
    0
    مكان الإقامة:
    الريان باذن الله
    دزلي رقمه على الخاص وانا اعرف اتفاهم معاه :)
     
  5. KhaledBenz

    KhaledBenz عضو جديد

    التسجيل:
    ‏16 يونيو 2009
    المشاركات:
    153
    عدد الإعجابات:
    0
    الله يخليك اخوي حاظرين بس حذاري كل المنتدى يدقون عليه ترا بيعرف ويشك بالموضوع :)
     
  6. مهم للغاية

    مهم للغاية عضو نشط

    التسجيل:
    ‏12 يوليو 2008
    المشاركات:
    594
    عدد الإعجابات:
    2
    مكان الإقامة:
    الكويت
    دق سلف ... اقرب مخفر ... بلغ بالموضوع ... وتلقاه يبوس الايادي والقامات والارجل عشان يسوي لك الالمنيوم ببلاش ويعطيك هدية عربون مجانا ....

    العامل اذا شاف السالفة فيها مخفر يصير زرزور منتف
     
  7. بونواف

    بونواف عضو جديد

    التسجيل:
    ‏13 يناير 2008
    المشاركات:
    1,335
    عدد الإعجابات:
    0
    مكان الإقامة:
    الكويت الحبيبه
    اخوي المقاولين كلهم جذي ياخذون عربون ويطنشون علشان يضمن شغل اذا خلص الشغل الي بيده لا تحاتي راح يتصل فيك اصبر عليه ...
    وبنفس الوقت احرقه اتصالات لما يرد اذا مارد خلال 3 ايام اتخذ اي اجراء مناسب
     
  8. general

    general عضو جديد

    التسجيل:
    ‏1 أغسطس 2009
    المشاركات:
    1,510
    عدد الإعجابات:
    5
    مكان الإقامة:
    بلاد الله الواسعة (الكويت)
    اخواني الاعزاء يرجى عدم الانجرار وراء الحلول الغير قانونيه لان باجر لها عواقب سيئه ماكانت بالحسبان (بالنسبه لكم) الافضل الذهاب لاقرب مخفر ولاتخاف المباحث ماراح يقصرون مع المقيمين (فاهمين قصدي) وماتطلع الا بحق
     
  9. ostath

    ostath عضو نشط

    التسجيل:
    ‏8 سبتمبر 2007
    المشاركات:
    1,242
    عدد الإعجابات:
    2
    دق عليه من تلفون ثاني ...يومين اذا مرد ؤوح لحماية المستهلك و قولهم السالفه و عطهم رقمه و اهم يتصرفون (صارت معاي من قبل) يومين و يايني البيت و حظرتك عاوز اييه اللي يريحك اعمله انا بالخدمه و قام يقولي على 20عذر بس قلتله عطني فلوسي ...روح حماية المستهلك التابع لمحافظتك
     
  10. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    عزيزي عبدالله 990 مبارك عليك الشهر
    اذا المقاول عندك عنوانه وبطاقته المدنية وعندك وصل بتسليمه المبلغ لقاء العمل المتفق عليه او في عقد موقع بينكم وأخل بالتزاماته تقدر ترفع عليه شكوى بالمخفر وهم ترفع عليه دعوى مدنية للمطالبة بالزامه بانجاز الاعمال المتفق عليها او تنفيذه على حسابه مع مطالبته بالتعويض جراء الاضرار التي لحقت بالمرأة من فروق اسعار واي اضرار مادية ومعنوية
    اما اذا سلمته فلوس بدون اي اثبات عوضك على الله
     
  11. بـوشوق

    بـوشوق عضو نشط

    التسجيل:
    ‏8 يوليو 2009
    المشاركات:
    218
    عدد الإعجابات:
    0
    مكان الإقامة:
    kuwait
    اخوووي الله يكفينا من النصابين ولكن علي قوله المثل (ماضاع حق ومن وراءة مطالب) اذا مصري خيطان واذا سوري الفروانيه واذا لبناني السالميه وحولي والله يعز ديرتنا لكشتهم لكش بس حط رقمه حسب جنسيته عند عقيد المناطق ويطلعه لك كل منطقه ولها كبير عندهم
     
  12. Abdulla990

    Abdulla990 عضو جديد

    التسجيل:
    ‏10 نوفمبر 2007
    المشاركات:
    447
    عدد الإعجابات:
    0
    مشكورين يا جماعة و بيض الله وجوهكم كلكم و جزاكم الله خير
    الحمد لله السالفة انتهت على خير إن شاء الله
    طبعا انا استمريت ادق عليه من ارقام مختلفة الى ان رد و قال شوية اعذار و خرابيط
    و انا تكلمت معه بكل هدوء (علشان ما يخاف و ينحاش :) ) و طلبت منه يرجع للبيت بحجة اجراء تعديلات جديدة على الشغل و لما جاء اخذت منه وصل استلام و بطاقته المدنية الأصلية :)
    و النتيجة انه رجع في نفس اليوم و اشتغل بما يزيد بكثير على المبلغ اللي اخذه :)
    و مرة ثانية مشكورين و ما قصرتوا