اختكم تبي النصيحة شرايكم ...

[انوفستي]

تكفوووون ياجماعة الخير عندى فليسات بستثمرهم باسهم شتنصحون فيه بس شرط شرعيه والاستثمار بحدود سنتين

بيتك الامان والاطمئنان

 

[كلمتين]

و الله الشباب فزعتهم قشره

:d:d

 

[سحــر الحــلا]

مشكورين على الردود الطيبة ماقصرتواااا

وبالنسبة للاخ اللي علق وقال كلها 2000 ايه والله لكها 2000 ومستانسه فيهم هههههههه

احلام فقير

انا رسيت على بيتك الأمان والاطمئنان ........

شرايكم

 

[shark_1]

ماني عارف شنو سر هالشركه الكل يتهافت عليها مع انها شركه تخوف من حيث راس مالها ومن حيث حقوق المساهمين والقروض الي عليها

بالتوفيق اختي

والله انك صدقت . 2000 دينار تبين تستثمرين بالبورصه

اختى اهربى

 

[أبو عمر]

با جماعه كلها الفين دينار وانتوا حايسين وين توديها الأخت
انا اقترح تشتري شيء مضمون بإذن الله
1000 سهم بيتك بقيمة 1240 دينار
10000 سهم صفاة طاقه بقيمة 940 دينار
الباقي 320 دينار
خشيهم تشترين فيهم كسور اسهم او قطعة ذهب براحتك
ودمتم

برأيي هذا أحسن الخيارات فى الوقت الحاضر فالاثنين يستعدون للصعود .
أحسنت

 

[معذب الونات]

السلام عليكم

هذي أول مشاركة لي معاكم واتمنى القى منكم تفاعل ...


أنا أعرف بالاسهم بس مو ذاك الزود يعني أطقطق ...

وعندي ألفين ...

فكرت أحطهم وديعه لاني مو محتاجتهم الحين ...

بس غيرت رايي وقلت ودي أحطهم بشركة منا القابضة أشتري وحده 2500 سهم


وأطول بالي ومتى ماارتفعت أبيع ... يعني ماعندي مشكلة لو انطر سنتين

لاني جربت حظي من قبل بشركة زين وطلعتلي مبلغ حلووو

صح ان مو كل مره تسلم الجره بس قلت مبدئيا شركة مضمونه وانا اهم

شي عندي تكون الشركة عندها سمعة خاصة وانها بادية بمشاريع

ادري ان البيع والشراء مسوؤليتي بس ابي اسمع ارائكم ؟؟

لاتبخلون علي جزاكم الله خير

نصيحه لوجه الله

خير من يفتي اذا استفتيتي هم:
مشرفنا ابو علي , وابو سلمان ( نفي قيتور ) , أسد سليمان , العبدلي , محلل متدرب , أبو يوسف , لاب توب , بورش , وبو سليمان , وابو مصطفى والموسوى عسى الله يقومه بالسلامه وفيه كذا اسم بس ماتحضرني اسمائهم


اسأليهم شخصيا وكلامهم مسمار بلوح
وناس أهل ذمه ولا يهونون باقي الربع , لكن انا خصيتهم بالذكر لانهم ماشاء الله عليهم لهم نظره واصحاب علم بالتحليل الفني

​

 

[ابوسارونه]

ألفين .. مع كامل احترامي .. أرجح ان تسافرين فيها وتستانسين جم يوم
ألفين شتسوي؟ وجم بتوصل .. أربعه ؟ خمسه .؟ سته؟ وبعدين!!


أعرف مضارب محترف .. يعطي علي الالفين .. 100 دينار اسبوعياً
ولكنه يشرط .. ان تتشارك معه بالربح والخساره .. وكل ماكان فوق الـ 100 دينار بالاسبوع .. له حلالاً زلالاً .. واي خساره عليك .. وحدك .. والمقياس .. كشف حساب اسبوعي بعمليات محفظته بالكامل .. ويقاس الربح .. والخساره

ومع ذلك .. لا انصحك بالاشتراك .. ولا انصحك بالسوق .. ولولا انفلوزنزا الخنازير لقلتلج .. روحي تايلند

 

[أبو عمر]

أخوي معذب الونات
يعني بس اللي حطيت أساميهم يفتهمون وخبره وثقه والباجي مو شي بنظرك ولا يفتهمون بالتحليل الفني أو بالسوق ؟!

لا غلطان !
اذا عندك نقد على سهم أو اقتراح ذكره الاخوان قوله ، بس لا تقول بس فلان وعلان هم اللى يفتهمون !

 

[أبو عمر]

أ
أعرف مضارب محترف .. يعطي علي الالفين .. 100 دينار اسبوعياً
ولكنه يشرط .. ان تتشارك معه بالربح والخساره .. وكل ماكان فوق الـ 100 دينار بالاسبوع .. له حلالاً زلالاً .. واي خساره عليك .. وحدك

يا سلام بسيطه هذى !
الربح له وأي خساره عليك !

 

[ابوسارونه]

يا سلام بسيطه هذى !
الربح له وأي خساره عليك !

تلميذ .. عندي اقتراح لك


انت صارلك جم سنه .. نكك تلميذ .. واعتقد انك طلعت من هالمرحله
أتمني .. تطلب من الاداره تغيير نكك الي بـاحث .. فأنا ارى بك .. شخص جدير بهذا المسمي

لك التحيه​

 

[معذب الونات]

أخوي معذب الونات
يعني بس اللي حطيت أساميهم يفتهمون وخبره وثقه والباجي مو شي بنظرك ولا يفتهمون بالتحليل الفني أو بالسوق ؟!

لا غلطان !
اذا عندك نقد على سهم أو اقتراح ذكره الاخوان قوله ، بس لا تقول بس فلان وعلان هم اللى يفتهمون !

لا لا لا
لا حشى مو هذا القصد

لكن ما ابي يصير فيها مثل ما صار فيني

طحت بناس يطبلون ,

ولولا الله ثم ابو النصح مشرفنا جان رحت فيها


هذا القصد

ان شاء الله اللي فيهم خير كثير
بس انا حددت ناس معينه لاني تعاملت معاهم وكان فعلا رجال موقف ورجال مشوره , وهذا ما يلغي الباقين لكن كل شخص يذكر ما واجه

والا الناس اللي فيها خير كثير ان شاء الله


واعتذر اذا احد فهم كلامي كإساءه من غير قصد مني

 

[أبو عمر]

ابوسارونه

ألف شكر على الكلام اللطيف

بعض الناس يعتقدون ان التحليل الفني وتحليل السوق من علوم الذره !
لا خلني تلميذ على طول ما عندي مشكله ،، ماكو أحلى من التواضع يا بو سارونه
وتحياتي لك

 

[أبو عمر]

معذب الونات
يعطيك العافيه
نيتك طيبه وقلبك أبيض

 

[الهطلاني]

يسلام علي التعاون الكل يبي يساعد الاخت

 

[أسد سليمان ملك]

احسن مافي العنوان اختكم الكل اتي وادلي بدلوه

يسلام علي التعاون الكل يبي يساعد الاخت

ممكن تفهمني شنو تقصد

 

[meshal bader]

يسلام علي التعاون الكل يبي يساعد الاخت

هههها رمضان كريم

 

[الطير القطامي]

انت صح ما شفت ردى

والله ياخوك الله يستر الحريم كثرن بالمنتدى

الظاهر السوق راااااااااااايح ..........؟؟؟؟؟؟؟؟؟

 

[Shima]

يسلام علي التعاون الكل يبي يساعد الاخت

انت ليش تكرر هالكلام ليكون انت سحر الحلا ,,


امزح لاتصدق ..


اكيد محد ساعدك يوم سألت ,,,

 

[الهطلاني]

ماني عارف شنو سر هالشركه الكل يتهافت عليها مع انها شركه تخوف من حيث راس مالها ومن حيث حقوق المساهمين والقروض الي عليها

بالتوفيق اختي

هي تقول ابشتري وحده 2500 سهم بقيمه 2000 دينار وللعلم وحدة منا 10الاف سهم بقيمه تقريبااااا 4170

 

[الهطلاني]

انت ليش تكرر هالكلام ليكون انت سحر الحلا ,,


امزح لاتصدق ..


اكيد محد ساعدك يوم سألت ,,,

اقسم بالله مره كتبت موضوع ومحد رد عليه الاثنين من الاعضاء للاسف