شارك واكتب بيت شعر او قصيدة اوحكمة تقرقع في قبلك!!

[النجدي2007]

ياليتك مسوي الحركة ومضحكنا بدال مواضيعك الغبية يالي في بالي ههههههههه

 

[النجدي2007]

اسكت ولا كلمة كفاني منك ماجاني
ياكثر ماتكذب وفوت لك واعديــها
مو خوف منك او ضعف مني لشي ثاني
انك تحس بها في يوم وتعترف فيها

 

[Zero]

تمطر لـغيري من حنانك سحايب ويموت قلبي ضميان بيـن ايدينك​

 

[النايفه]

مدخل ... /

مسـآء الحزن .. ياهاك الخفوق الذابل الحيران !
مسـآء المزن .. وعيون السحاب ! ... وثرثرهـ غيمه !

مسـآء الجرح .. لاردّت جروحك .. أربعــه جدران !
مسـآء الفرح .. لانسنس هواك .. وضمـّـته .. ديمه!

مساحات الفرح تصغر ولا يبقى سوى همي
وضياع احلام وفراق(ن) ترك في داخلي بركان


تعبت استوهم الفرحه ..تعبت ابكي على حلمي
تعبت اوقف على اطلاله وادور له على عنوان


اشوفك يالحزن وافي كأن اللي رضعك امي!!
او انك جيت من غربه ولقيت فداخلي اوطان!!


جرى طبع البدو بدمك..فزعت بحربي وسلمي
تسل السيف في وجه الفرح وتعزز الحرمان


اداويك وتداويني .. وتخلط دمك ابدمي
قطفت القلب وعروقه وتبدل داخلي شريان


واذا اقبلت بجروحي تناديني " هلا عمي"
وانا أجاوب "هلا باللي وفا اكثر من الخلان"


وأشكيلك من جروحي وأشكي من تعب ظلمي
وتغرقني بأفضالك الى من جيت لك تعبان


وانا مبطي انقتل فرحي ولا باقي سوى همي
وضياع احلام وفراق(ن) ترك في داخلي بركان​

مخرج ... /

ياطعم الملح ! ياوحشة طعوني جيت لك بردان !
أبي لي " يد " ! تسرقني " صباح " وشمسنا نيمه !

مسامير السهر تركز بــ عيني .. وابلع الأحزان !
واجي بـ طعون .. يا الله عليها .. من التعب قيمه​

 

[بن عجاج]

حدد انت اليوم وياي المصير
و انا راضي باللي يهديه القدر

ان بغيت القرب من الفرحه اطير
و ان بغيت العكس ما حد ينجبر

لك ظروفك و انا لي قلبي الكبير
و كلنا يا صاح في الآخر بشر​

 

[بن عجاج]

مشكله لاصرت فعيونه تذوب
وهو درابك بس جنه مادرا

الحيا يمنعك وأشواقك هبوب
وين تلقالك من أحساسك ذرا​

 

[النايفه]

ليتك تشوف اللي جرى وصار فيه,,,,,,وتشوف ماشفته وارء سود الايام
اخفي جروحي في ضميري خفيه,,,,,,كني سجين ينتظر حكم الاعدام
حكم القدر لاصار غصب عليه,,,,,,مايمنع المكتوب تحطيم الارقام​

 

[بن عجاج]

ما غاب ذكراك عن بالي ولا تجمد
اي والله اذكرك لا صارت لنا جمعه

وتذكر انك بقلبي دوم تتردد
مكانك بين ظلعاني ولك لمعه

و اذا انت منته بحبي لك بمتاكد
شفني ليا جابوا اسمك تنزل الدمعه​

 

[النايفه]

"الود ودي في غيابك أنا أجيك وانثر دمووع الشوق وأعلن قدومي
وأعطرك من فيض شعري وأغنيك وأنسى على شوفتك باقي همومي"

 

[بن عجاج]

سـجـل دخـولك يــا الـغلا فـي حـياتـي
قـلـبي ظـلام وجـيـتـك تـبعـث الـنـور

وأعـطـيك عـهـد بــالوفـا ياغـناتـي
إن كـل قلـب عـقـب شـرواك مـحـظـور​

 

[النايفه]

عزالله أني للوصل جيت مشتاق ** شوق الغريب إليا سمع نوح ورقى

جيتك وشوقك مزبن القلب لاضاق ** جيتك غلا وأصفى من الشهد و انقى

جيتك قصيد وحب واحساس واشواق ** جيتك أبي وصلٍ بالاحساس يرقا

ياهاجسي واللي رفع سبع الاطباق ** و أحيا هشيمٍ من سحابٍ وبرقا​

 

[النجدي2007]

هدية بمناسبة فوز منتخب الكويت


http://www.youtube.com/watch?v=M2kIXOAEJVo

 

[kuwaitey]

أنتى الهــوا اللى أعـــرفه بس ما أتــقنه ......
الله يا حضــورك كــم بسيـــط وعظـــيم​

 

[بن عجاج]

عـذبــه ياكل الذوق بالحيــل عـذبـــــه
ماظـن بيــن الناس مثـلـك عــذوبـــه

البارحه وجه القمر صار كذبــــــــــه
وعندك زهـور العطر صارت كذوبه

حتى الفراش احتارمن ويــن دربـــه
بينــك وبيــن الــورد ضيــع دروبــه

واللي بسحــر الزيـن حسنه يشبـــــه
لـو ناظـروك النــــاس ماشبهــوبـــه

وصفـك على كل المخاليـق صعـبــه
وان ابتسمتــي زاد وصفـك صعـوبـه

رقـه وحـنيـــــه وعطــف ومحـبـــه
عـنـد الجميـع الله عليـك محـبوبـــــــه​

 

[النايفه]

ارثيك ويزيد خوفى من عيـون ً ماتسمـى
واكسر الخوف بطريقة شاعر تهجا الرواية

مايمثل غير حرف غارق فى وسـط يمـى
ارسمه فى بحر شعرى بسمة بين الشفايـة

وأطلب الرحمن وقتً ينجلـى فيـه همـى
والله ماقدر على التصبر والله اعلم بل خفاية

 

[بن عجاج]

قال احبك قلت والله ماابيك
قال بتخسرين قلت حبك خساره

وشلون احبك وانا مااطيق طاريك
لاشك دربي ابعدك عن مساره

الحب اخلاص ومايبي فيه شريك
لكن انت سويت من الحب تجاره

والله لو ربي خلق فيك مافيك
وينك وويني والغلا وين ناره

ماانت على بالي ولا القلب هاويك
يكفي التعب والسهريكفي مراره

قدري اني مااطيق النظم فيك
عفتك وقلبي عاف واصدر قراره

يكفي تغلي ياولد كافيك
ماعاد تنفع منك حلو العباره

خل غرورك ينفعك في تغليك
ياليتني انسى يوم شفتك نهاره

لاتسأل عني ولاتقول وش فيك
حب بنيته اليوم يعلن انهياره​

 

[النايفه]

تقهويتك سنين ولا نويـت أهـز ّ فنجالـي
عليك الله وامانه لا تجيـب العيـد واهـزّه

تحمّلت الجفا .. والهم مال .. وميّل عقالي
تنام وصاحبك يسهر طوال الليـل ويحـزّه

الا يا كم ّ دمحت لك الخطا يالصاحب الغالي
وحبك عاش فيني ما يشوف الـذل واعـزّه

معاذيرك كثيره في وصالي ضيّقـن ّ بالـي
أبيّن لك رضا .. وجه ٍ يجيك بحب ومنـزّه

بعد ما قدر ّ الله صرت في حلي ّ وترحالـي
ورايات القصيد اللي براس الشوق مرتـزه

تسريّني هجوسي لين اسجّ المرقب العالـي
واجر ّ الصوت بأشعار ٍ على المرقاب وتهزّه

رسمتك بالفضاء من حبر ليل وريشة اهلالي
تشوق البيد لمزونك ويهواك الضمى مـزّه

واشوف بتالي الايام غرك ّ ما حصل تالي ..
ليا.. لديت عيني في عيونك ما بها .. فـزّه

تجيني بالسهوله ما حشمت القلب وآمالـي
غلاك اللي بصدري برخص الاثمان تبتـزّه

حرام ان كان طيفك في دروبي دوم يبرالـي
عليه امن الصدود بسيفها فالعنـق وتجـزّه

خلاص .. الله يديمك يوم كفك عاف فنجالي
وابهديك الفراق اللـي يلـزك بعـد ويلـزّه​

 

[بن عجاج]

يفديش من يمشي على الارض يفديش
وانـا بعـد مـن ضمنهـم فدوتلـش

يا كثـر ماحبـش وياكثـر مغلـيـش
ويا كثر ماحلم فيش وعينـي تهلـش

ويا كثر مافرح بش وياكثـر مابكيـش
ويا كذبي يوم اقـول ذا القلـب ملـش

ودي اضمش حيل وبصدري احميـش
عن كل عـاذل فـي هروجـه يعلـش

يا ام العيون السـود قلبـي باايديـش
قلبـي هـواش ولا طرالـه يمـلـش

لو تطلبين الـروح لا شـك بعطيـش
برخص حياتي لجل عينـش ولجلـش

لش في ضميري قصر ماحدن يجاريش
متمركزه في عـرش قلبـي محلـش

يابنت قلبي اصبـح اليـوم يرضيـش
يامشي على امـرش ودوم يحسبلـش

مغرم خفوقي في محبتـش شاريـش
كم ليلتن لا ضـاق صـدرش زعلـش

يامه قضيت الليـل والعيـن تبكيـش
لا غبتي عني ومدري وش هو حصلش

يابنت قلبي مغرمـن فيـش هويـش
قلبي وروحي تحـت امـرش فدالـش​

 

[kuwaitey]

وش تبـــــيـن بقـــــصيـد الــــشاعـر وإكتـــــئآبـه
لــيه تستــبدليـن فـــــراق همــــــــي وصـال

لاتحســـــبيـن همـــــــي ينـــــتـهـي باالــــكتـابـه
ولا تحســـبين نشر الـــشعر لـــــي راس مــــال

آه مـــــن هاالشـــــقا اللــــي حـط فــينـي ركابـه
كــــــل مااطـــــــوّح الــــــونـات صابــــــه جفـال

واقـــــــعي لــــــلأسـف كلــــــــه ذهـــــول وغرابـه
إن كتبـــــتـه حقــــــيقـه وإن قريـــــتـه خـيــــال

كنــــــت أعــــــرف الســـــؤال ولاأخـــــــاف الإجابـه
ومـــــن عرفـــت الإجــابه صــرت أخاف الــسؤال

وآتـــــضايـق وتـــــاسعنـي حـــــياتـي رحــــــــابـه
وأشــــرب الـــــمُر من وقــــتي علـــــى إنـه زلال


لشاعر ( سعد بن طواله )​

 

[بن عجاج]

قالت أمانه بنشدك ومن موقفي لا لاتخاف
اتحبني قلت اسمحيلي احسب ان به سالفه

الحمد للّه والشكر قولي عسى مابه اخلاف
والا المحبة يا بري حالي عروقي تالفه

قالت أجل عطني الدليل وقلت هذا الاعتراف
سيد الأدله الاعتراف روحي لروحك والفه

من جدك انتي اعشقك إلا بي اسرفتي اسراف
وحدب الظلوع العوج من عشقك غدت متخالفه​