بخصوص الليسن من دون الوالد ..

[dcnaq]

السلام عليكم

انا بعد 22 يوم راح اطلع اجازه

فابوي مسافر

قبل العيد بيومين ؟!

فشلون اقدر اطلعه من غير الوالد ؟! وشنو الاجرائات المطلوبه ؟!

 

[KuWaiT DriFT]

أخوي أنا ابوي متوفي و طلعت ليسن بدون شي عادي !!

اجراءات تبي تروح خدمة المواطن قولهم بطلع ليسن يخلونك تطلع طلب ب 1 د.ك

توديلهم الطلب مع طابع 10 د.ك يسولك استماره عباره عن ورقتين وحده للنظر و وحده حق فصيلة الدم

تروح الاماكن المخصصه اهما يدلونك

و تعبي الاوراق بعدين تردلهم يعطونك ورقه صايره مثل ورق كرتون عليها صورتك و مكتوب عليها استماره

بعدين تروح المرور يعطونك موعد و تروح عالموعد تقدم تراي و ان شاء الله تنجح

و لمن تروح المرور راح تأجر سياره ب 10 د.ك و تدفع 10 جنه حق الامتحان النظري و 30 لمن تبي تستلم الليسن عقب النجاح

طبعا اذا كان عندك واسطه ما تأجر سياره اتدش بسيارتك و فيها سنسر بعد حق الصفطه

و الموعد يعطونك يا نفس اليوم و تنجح بالعملي و النظري <<<< أسأل مجرب ولا تسأل طبيب

المهم حسابك لليسن كله 50 - 60 دينار

و الصور يبون خلفيه زرقه 4*6 صور انت 16 صوره كافي حق جنسيه و ليسن و بطاقه و جواز اذا كان منتهي

و بالتوفيق و كل عام و انت بخير

 

[dcnaq]

لوووووول سالفه والله ؟!


قواك الله ابوي على المرور

بس عندي سؤال مفتوحين ايااااام العيد ؟

 

[bu_nawaf]

لوووووول سالفه والله ؟!


قواك الله ابوي على المرور

بس عندي سؤال مفتوحين ايااااام العيد ؟

اى فاتحين ورا صلاة العيد بس روحلهم بدرى قبل ال9 علشان تخلص قبل الزحمه

 

[k55amg]

اى فاتحين ورا صلاة العيد بس روحلهم بدرى قبل ال9 علشان تخلص قبل الزحمه

 

[KuWaiT DriFT]

لا تستغرب ,,, يقولك يالله انك لا تعود العسكريه و الزمان اللي على البدله حداني

أشوه اني ما دشيت

 

[dcnaq]

اييه عدل اهم شي :>

 

[الاولى]

بكره تمل من السياره

أيام كز الشوارع كز

الله يوفقك
ديربالك على الوالدين
مو بكره تقول الربع ورايح مع الربع
موفق خير

 

[dcnaq]

ان شاء الله ابوي

بس حبيت اعرف شنو المطلوب ؟؟

مثلا مطلوب البطاقه المدنية وهل السوالف

بس حبيت اعرف شنو مطلوب بالضبط ؟!

 

[Se7T]

اخوي جميع الجهات الحكومية معطلة بالعيد بما فيها الإدارة العامة للمرور

يبون منك صور اهم شي خلفيتهم لونها ازرق ويكون وجهك سيدا
البطاقة المدنية + صورة الجواز
بالنسبة لصورة الجواز قبل الحين ماادري خلها معاك احتياط
واهم شي بيزاتك وواسطتك لاتروح عمياني ولاتستهين بورقة الإختبار النظري
وموفق خير

 

[dcnaq]

لووووول ايه انا عمي موجود بس مشكلته ماخذ اجازه بس دبرت اجازه غيرها