منع سفر الشمالي والشربيني

[ولد البورصه]

لا حول الله عيل رحنا وره الشمس شنسوي الحين

بالعكس انا اشوف انه زين للسهم وللملاك

لازم يتنظفون او تثبت نظافتهم من التهم

مو معقوله الشركه تربح واخر العام مافى ارباح ونسب حقوق المساهمين تقل

 

[يوسف محمد]

الاحد انشالله تلقونه حدادنا وبعدين حد اعلا
توقع ‏‏!‏

 

[V.Smart]

كل شي يجوز....لكن بما ان الخبر نزل بهالوقت بالذات اعتقد العملية فيها شي مو راكب عدل (اشمعنى الحين بالذات!) ...عموما كل شي راح يبين الاحد لكني اتوقع انها لعبة خبيثة عشان يلم بضربة وحدة ... لكن ان كان الامر مدبر بليل او كان فعلا حقيقة فنسأل الله السلامة.

 

[بسنا عذاريب]

يا جماعه ترا الكلام هذا مو صحيح لأن و صلني من مصدر أكيد أن الشمالي مسافر الاسبوع الياي

 

[مليون دينار]

يعني يا الشربيني مش راح تشوف العزبة وكفر الدوار

والجاموسة اللى عندك في الزريبة حتموت

 

[بو سجي]

تونى داق علي مصدر ثقه في المدينه و يقول ان الشمالي مسافر يوم الخميس رايح العمره وقالي اذا تبينى اصورلك اياه وانزل الصور في المنتدي وهو بل احرام راح يعطينى

وحسب ماوصلنى ان رد المدينه في الجرايد سيكون يوم الاحد

 

[bo fawaz]

قروب خالف تعرف

الاحد القروب كلة حد اعلى :d

مدام الخبر سلبى

​

 

[واقف]

زين الخبر طلع في وقت اجازه علشان يمديهم ينفون

ولا لو بكره تداول جان اثر على السهم

 

[مضارب شجاع]

التاجر فى الكويت فوق القانون ولا يطبق عليه القانون كما يطبق على المواطن الفقير
من يسرق الملايين يحترم ، ومن يتاخر عن تسديد فاتورة تلفونه النقال يسحب من سيارته الى السحن المركزى
اما التاجر يتارون فى أمره من هو ومن يقف خلفه ومن محسوب عليه .

 

[بسنا عذاريب]

شفيييكم خايفيين من منع السفر ؛) تره لا هو حكم ولا شى---والقبس اصلا حاطه دوبها من دوبهم من زماااااان - ما تذكرون !!! انا ا1ا ما دفعت مكالماتي سوولي منع سفر اتوقع خرابيط ---بس ورنا الصور عاد يا بو سجى !!!

 

[السور]

10:25 يعلن سوق الكويت للاوراق المالية عن وقف التداول بسهم سوليدير وذلك لحين ورود خبر من الشركة !!

10:50 تعلن شركة سوليدير انها تعتذر للسادة المتداولين بالنيابة عن سوق الكويت للاوراق المالية عن الخطأ الغير مقصود وان الشركة موقوفة من سنة جدى !!

تدرون اللى يكتب الاعلانات حول !!

 

[بو سليمان]

ليش خايفين يا شباب يمكن الاثنين ما سددو فواتير زين

 

[ابوهادي11]

ان الله وان اليه راجعون

 

[Mr.Jad]

متى الاشاعات و الاخبار الغير موثقه سوف تتوقف

هل الهدف كلام فى كلام

 

[اجورود]

بحكم ان لايوجد مصداقية بصحافه الكويت جميعا ولاكن اتوقع انها هجمه مرتده والله اعلم انها تجميع لان هالخبر راح يخلى اغلب الناس تبيع اى سهم مرتبط بالاسماء المذكورة

 

[fayz 1970]

رحنا وطي انشاء الله اشاعه لاحول الله

d'!( تصحيح لاحول ولاقوه الا بالله الله يجزاك خير يا هاربر

 

[bmw735i]

الله المستعان

 

[ابو خليفه]

تقدرون تتاكدون مافيه احد يعرف احد بالهجره يجيك بس يتاكد ان الاسم صحيح مو اسم مقارب لو ياخذ الاسم من موقع السوق بعد افضل

 

[جاسم الجويسري]

يااااااسااااتر يارب

 

[روح السوق]

رافعين قضيه على الشمالي في قضيه نصب واحتيال ...

في شقق المنقف ..
وعطوه 3 انذارات وحددوا لنا الجلسه شهر 9 ...

والمحامي قالنا قضيه نصب واحتيال ,,,
واخذ المحامي 1000 دينار اتعاب على كل شقه ....

وين بتروح يا الشمالي ..وراك وراك
والشربيني اهو الي وداك ابداهيا ...............