مهندس بالبترول أو ضابط بالحرس ؟؟؟

[ENG.electric]

السلام عليكم
أنا مهندس كهرباء متخرج من جامعة الكويت شهر 6 ومحتار بين هالأثنين

1-البترول
دوام من 7 لى 3 والمعاش اول ماتوظف 1100 والأجازة 45 يوم بسنة

2-الحرس
ادش دوره من شهر 11 لى 5 وتخرج ملازم اول
الدوام الرسمي من 7 لى 2 والمعاش اول ماتوظف 1250 والأجازه شهر منحة و3 أو 2 أسابيع اداريه و45 يوم اجازه وأغلب الظباط يبعون اجازاتهم ومع البونس السنوي يطلع حقه 3800 بسنة

والله ياشباب محتار بينهم ودايم افكر بعد 10 سنوات شنو وضعي فيهم
والى عنده خبر وين الكرف اكثر
وشكرا

 

[نوخذه]

رأي الشخصي ضابط بالحرس وهذا يعتمد على إمكانياتك لان البترول بعد 10 سنوات المعاش يفرق عن الحرس
وموفق خير

 

[Winchester]

اخوي العزيز

اول شي مبرووك التخرج ومنها للأعلى ان شاء الله

ولكن من وجهة نظري الشخصية اقترح لك تروح شركة النفط خصوصا في ضل التوسع النفطي وبما انك مهندس الطريج ان شاء الله مفتوح جدامك وبعد 10 سنوات انت ان شاء الله سينيوور انجنيير وسيارتك تحت ايدك ومعاشك خير ان شاء الله ..

اما العسكرية في مجرد روتين ممل وقعده ماكو شي وطول عمرك راح تطق تحية للرتب الأعلى ..

وبالاخير يعتمد عليك اذا انت تحب الشغل والحركة والتطور والتجديد .
او انك تحب القعده والسوالف بالمكتب

 

[acton]

مبروك التخرج
وجهه نظري الحرس افضل من البترول
رتبه راتب ميزات كلها افضل من البترول خاص بنهايه الخدمه الحرس افضل من البترول ​

 

[ENG.electric]

الله يــــــــبارك بعماركم يارب
وشكرا على مروركم

 

[kuwait-kuwait]

الحرس الوطني

 

[NICK]

لو كنت مكانك

اروح الحرس افضل ...اولا الدوام اريح بكثير ..ثنين لك وضعك بالدوام

ثلاثه وانشالله اذا انت شخص تبي تكمل دراسه بعدين الظروف راح تتهيالك الحرس اكثر من البترول

 

[ENG.electric]

شكرا لى مروركم

 

[نواره1]

رأي أنثوي ...ن



أنا أقول البتروووووووووووووووووووووووووووووووووووووول ... المسمى صج رزه ..

بعدين نظرا لتظارب الآراء ... نصيحة .. صلي صلاة الاستخارة وربك بيدلك على الانسب ..

تحياتي ،،،

 

[قلم حر]

2

-الحرس
ادش دوره من شهر 11 لى 5 وتخرج ملازم اول
الدوام الرسمي من 7 لى 2 والمعاش اول ماتوظف 1250 والأجازه شهر منحة و3 أو 2 أسابيع اداريه و45 يوم اجازه وأغلب الظباط يبعون اجازاتهم ومع البونس السنوي يطلع حقه 3800 بسنة​

للعلم فقط
ضابط الحرس اجازه سنويه 45 يوم واداريه 15 يوم
متقطعه يعني تقريبا كل شهر يوم وشهر يومين ومافي منحه الا اذا كنت
ضابط بمدرسة التدريب وراح يكون ممنوع عليك تطلع اجازه اثناء
موسم التدريب يعني من شهر 9 لي شهر 5 مافي اجازه دوريه
بس بالصيف واذا طلعت للضروره تنحرم من اجازة المنحه​

 

[BuFawaz]

منوررر يا باش مهندس.... اكيد منور، كهربا... بس ذبحتونا بمادة أسس كهربائيه محد مستفيد منها فى الجامعه

اخذ خبره اول سنتين بعدين سو الى تبيه... شوف وين فيه الخبره والله يوفقك

 

[مساهم11]

اخوي مثل ما قالت الاخت نواره
صلي استخاره وهدي اعصابك وفكر بهدوء
والي فيه الخير بيدلك عليه الرأي الصواب

انا شخصيا انصحك بالحرس اول شي وجاهه
ثاني شي راتب ممتاز ويزيد مع الرتب الاعلي
ثالثا ما فيه عمل مستمر مثل الشركه

ولا تنسي من اول راتب تخلي لك استقطاع ليتيم
حتي الله يبارك لك بعمرك وراتبك وحياتك

وعسي الله يدلك للصواب

 

[حمد العازمي]

انحااااااااااااااش عن العسكريه وهذا القرار اخذه من عسكري الحرس تعيش فيه مثل القاضي وحتمااااااال كبير انك راح تظلم وانت ماتدري شفكك من الدعاوي وغيره نصييييييييييييييحه المدنيه احلى والبترول فيه مستقبل حلو والعسكريه موزييييييييييييييييييييييييينه ​

 

[nabhaan79]

آنا بالبترول

وواحد من الربع هندسه ميكانيكيه صار ضابط بالحرس


بالعربي في فرق كبير بالراتب

دش البترول والله يوفقك إسأل نفسك الدوام من 7 لي 3

شاللي يخلي الناس تموت على البترول وتحب الدوام وتداوم

بالعربي حياه ثانيه وطموح حلو وكل ترقيه يصير عندك مميزات وأمور غريبه ما أقدر أقولها لك

دش البترول وراح تشوف خير صدقني خلك من العسكريه ليش درست هندسه من الأساس

ترا خريج البترول وخريج التربيه الأساسيه مدرس ألعاب نفس راتبك

رفيجي مهندس وداش معاهم واحد الدوره مدرس ألعاب ولمن تخرجوا نفس الراتب والرتبه مافي فرق

أما في البترول إذا توظفت تدش قريد 12 أما اللي يتوظف وشهادته إداريه يتم توظيفه على قريد 11

في إعلان إن شاء الله شهر 10 القادم شد حيلك أهم شيء إختبار اللغه .

إستخير وحط في بالك البترول والله يوفقك آمين

 

[العاشق]

البترول حسب الشركات بعضهم بونص وتذاكر ومعاش قوي وسياره

 

[ENG.electric]

شكرا لمروركم وجزاكم الله خير على النصايح

 

[كاتب_متقاعد]

انا اقول انسان مثلك جامعى ليش تروح العسكريه

روووووووح البترول واشتر راحتك

 

[بوعلي الشمري]

السلام عليكم

اخوى العسكرية مثل المقبرة كلهم اموات باختلاف الشاهد الى عالقبر
مدام تبى العسكرية شحقة تعبت روحك بالجامعة مدة دراستك لوداش الحرس كان صاير ملازم اول صدقنى راح تقضى حياتك دورات بالعسكرية وبعد التقاعدبعدعمر طويل مثل مايقول المثل بلهم واشرب ميتهم ماينفعون الابالمجال العسكرى والعسكرية مافيها قانون اقدمية او مفهومية انت ومعزة الظابط الى فوقك مافية تقاضى نفس المدنية ....اما البترول راتب ومميزات مايعلم فيها الا الله ومستقبل وتجارة بنفس المجال وعلاقات وسفرات وعلاج ودورات بهالدول الى تفتح النفس موعمان والاردن وقطرالى يودون العسكر لهم واذا ماتعبت باول شبابك مت تتعب انحش عن العسكرية اقولها والله العظيم من خبرة 23سنة وعسى الله يكتب لك كل خير

 

[almoress]

مبروك والله يوفقك

لكن وانا اخوك صل استخاره اول شي مثل ما قالوا الشباب واطلب ربك الخيره

وثاني شي انا عن نفسي والله بدون أي تفكير اروح مهندس بالبترول مستبقل أفضل بكثير ومادياً ماكو مقارنه لاتحسبها على أول سنوات الخدمه راح تفرق معاك من 5 سنوات وطالع


والله يوفقك

 

[ENG.electric]

جزاكم الله خير على المرور والنصايح ألى والله أحس أنها من أخواني الأكبار