اريد اعوض خسارتي مهم جدا جدا

[Qpeedo]

اللي يستخدم ستوب لوز مايخسر

 

[المحبوب2]

اخوي وحبيبي العزيز نواف نصيه ياولد عمي لاتطمع لاتحط سنت او نص في طريقتين تسويهم اول شي اذا انت شاري علي0006 او0008 علي العموم حط نصهم علي0015 ونصهم علي003 واربح وانحاش يعني بالعربي اكسب واربح من هالشركات التعبانه وبعدين انا وياك نشوفلنا شركه من طقت هالشركات نترجي منها خير ونمخمخها وندش عليها ترا ياخوي هالشركات تصعد فجاه وبعدين تنزل بقوة مثل صعودها ولو اني شايف هالشركه لها مستقبل بعيد المدي بس خلك ذيب وانا اخوك حتي لو تصعد مثلا 006 لاتتندمن الله مقسم الارزاق ونصيحه ثانيه مره ثانيه لاتحط فلوسك كلها بشركه وحده اوبي دير بالك يمكن تسوي سبلت وتضيع فلوسك وتعبك انت خلك معاي انا حاطها علي002 وعلي الله ولو اشوفها 0018 ابيع بعد
وبعدين ودي ارد علي اللي يقول الشركات القويه ماتخسر انا خسرت بشركه سعرها40 دولار سوت قاب داون فوق5 دولار ونطرت ونطرت السوق يرتفع وهي خرطي رحت بعتها والله كريم
هالشركات الصغيره يااخواني تعطي اكثر من 100 بالمئه بس يبيلك قلب جسور ومعرفه توقيت الدخول وسلامتكم

 

[نواف]

صدقت يابو احمد
يبيلك قلب مايتعب ولا يهدى ولا يرتاح
والحين انا يابو احمد داش شركتيين الاولى هذي ivoc
والثانية هذي mrmnبس الثانية هذي ماانصحك فيها
شكلها من اسوئ الى الاسوئ انا دشيت فيها لاني كنت خسران فيها وقلت
اعلان حرب ياانا ياانتي ياام الفلس
وشركة هم ثالثه هذي jrvrبس هذي للحين مادشيت فيها وابي اعرف قطاعها
لانها كانت بالسنتات قبل شهرين تقريبا والحين 0.0004
يعني يمكن تضرب معاي اذا شريتها بس قبل كل شي
بعرف ليه النزول الكبير وماهو قطاعها
وانت عاد شعندك يابو احمد من البني ستوكات ابي شركات بهالقيمة 0.0010 وتحت

 

[المحبوب2]

علي راسي يانواف انا حاط عيني علي شركه هي شركه العاب القولف سعرها الحين 0075 بني وهي نازله من سنتين شركه ممتازة وتسوي دورات والعام كانت سنت وطمرت الي 7 سنت
ابي اصيدها علي نص بني واذا نزلت هم ابرد عليها لان هالاسهم تقدر تبرد عليها وحتي لو تطيح الي 000 هم ابرد عليها عادي هالاسهم ب20 دولار تقدر تبرد عليهم ويطلعلك الاف الاسهم ههههههههههههههه
خذ رمزها بس مومعناته اشترها انت ادرس الموضوع عدل لان هالاسهم مافيها نصيحه وانا اخوك
علي فكره انا خسران مثلك يانواف من اسهم كبيره وصغيره والرزاق هو الله سبحانه

 

[المحبوب2]

هذه رمزهاwgfl.ob

 

[نواف]

مشكور يابو احمد ماقصرت بس بحاول هالمره ادش من عمق الزجاجة
يعني بهندسه عدل ومدل قبل الدخول
الف شكر لك يابو احمد

 

[zoom]

نصيحه

السلام عليكم
يا اخوان الخساره وارده بجميع الاحوال وبأي سوق لكن الاهم من ذلك هو سبب الخساره .. هل السوق سبب الخساره ام الشخص نفسه ... يجب ان نتعلم امور كثيره اولها القناعه والصبر ومن ثم التحليل الاساسي والفني للسهم وهل نحن نتقيد بهذه الامور .. الموضوع جدا مهم بالنسبه للجميع .. ولكن اعتقد سبب الخساره بالدرجه الاولى هو اختيار النوعيه السيئه من الاسهم ... نتكلم عن اسهم لا لها اي تاريخ ولا ملامح عالشارت وشركات ذو سمعه سيئه ونقول نحن خسرانين .. ويأتي شخص ثاني يريد ان يعوضك الخساره ويعطيك سهم ذو سمعه اسوأ وتاريخ اسوأ وشارت غير واضح ... اين التعويض يا اخوان ... التعويض لا يأتي بهذه الطريقه ... التعويض يأتي باخيارك للاسهم القويه ومع الاسف اننا نريد ان نعوض الخساره بيوم واحد وهذا من اكبر الاخطاء .. اننا نحلم بتدبيل راس المال باقرب وقت .
طولنا عليكم بالكلام ولكن نصيحتي هي ان تبتعد عن اسهم البني ستوك نهائيا والمبلغ اللي خسرته لو انك مشتغل فيه باسهم قويه لما خسرت هالمبلغ ولكن ما نقول الا عسى الله يعوضك ويعوضنا هالخساير انشالله
اخوك بو عبدالله

 

[Qallaf99]

سياسة ال 1%

السلام عليكم

يعطيكم العافية شباب على هذا النقاش الممتع

أحببت أن أشارك بالموضوع بطرح سياسة ال1% و التي سمعتها من أكثر من جهة

و في البداية ليطرح كل منكم هذا التساؤل على نفسه مهما كانت طريقته في التداول "" هل أستطيع أن أختار سهم يوميا أربح به صافي 1% من رأس المال؟؟ ""

إذا كانت إجابتك بنعم أنظر لصورة الجدول المرفق

و كمثال لو بدأت التداول ب 10000 ستصل محفظتك ل 19000 خلال 3 أشهر أي ربح 90 % من رأس المال

 

[اول]

الاخ Qallaf99 يقول 1% يوميا ونا اقول 5% من يوم الى اسبوع واتمنى تشوفون هالرابط وتقرونه بالكامل http://www.indexsignal.com/vb/showthread.php?t=18848

 

[SAIFY]

اسهل طريقة تريد تعويض خسارتك
ادخل على الاسهم التى اكبر من 20 دولار
واخذ ربح 5 % يعني 1 دولار
اشتري 1000 سهم على 20 دولار والبيع على 21 دولار
مربح 1000 دولار
اعمل 30 عملية × 1000 دولار ربح = 30000 دولار استطعت استرجاع خسارتك
هل هذي الطريقة صعبة !!!!!!!!!!!
مع العلم والقرائة ودخول الدورات واجادة قرائة الشارت والبعد عن العاطفة
سوف تستطيع ان شاءالله استرجاع مالك
وبالتوفيق ان شاءالله

صحيح اخي 30 عمليه في ربح يساوي اللي قلته و لكن يوجد شي واحد او اقول ينقص هنا شي واحد كيف تعرف انا سهم اللي انت بتشتري راح يجيب لك دولار ربح على 1000 سهم
هنا مطلوب من اخوان محللون ان يعرضو اسهم اللي متوقعه ارتفاح مع
شرح نقطة دخول و خروج و استوب لوز

صحيح توجد توصيات من اخوة و بارك الله فيهم

لكن ليس سهل ربح 30000$ بين 30 عمليه

الا بتعاون

تحياتي