الفرق بين موقع بورصتنا و موقع بورصة ابوظبي

[الفهلوي]

صراحة موقع بورصتنا يفشل ولا يحتوي على اقل القليل

من الخدمات للمستثمر والمتداول فيها .

وانتم شوفوا وقارنوا الفرق الكبير

http://portal.adsm.co.ae/wps/portal?

صراحة ما أدري شنو ينقصنا

ومنا الي الأخوة في ادارة بورصة الكويت

​

 

[المهذب جداً]

.

يرحم والديك نفس المعلمومات

.

 

[قناص]

الي يفرق زيادة احصائية الشركات
من حيث التغير والثبات على السعر .....
مع العلم موقع البورصة جدا افضل من بوظبي ومن دون خوض التفاصيل لا مجال للمقارنة !!

 

[المهذب جداً]

.
مع العلم إن موقع البورصة الكويتية جدا افضل من موقع بورصة أبوظبي ومن دون خوض التفاصيل ولا مجال للمقارنة !!

بغيت أقولها بس إستحيت من مشرفنا و خفت الشباب يقومون علي

.

 

[الفهلوي]

انا لم اقصد هذه الصفحة تحديدا

رغم انها افضل من صفحة موقعنا فهي تحتوي على الأسعار مع قيمة المؤشر

وجميع البيانات الأخرى ، وليست منفصله مثلنا .

انما اقصد الخدمات المتوفره فيها واحدها رسم الشارت والمؤشرات الفنيه المرفقه معه .

​

 

[AL-Saa7R]

شوف الرسم البيانى فى بورصتنا.... واضحك ...صج فرق بين موقعنا وموقعهم...الله يهدى ربعنا

 

[خوش ولد]

بورصة بوظبي ودبي والبحرين كلهم غير والسعوديه بعد

بورصة بوظبي ودبي والبحرين كلهم غير والسعوديه بعد
اهم شي في الموقع هو البث المباشر للاسعار اثناء التداول
بالكويت لازم تسوي رفرش
البورصات الاخرى من غير رفرش يعني مثل الاوسط برو
على طول تتغير الاسهم امامك
هذا الشغل مو شغل بورصتنا
والحمدلله ان عندنا الاوسط ولا كان ضعنا وياهم

 

[TechnoFund]

أبشركم بأن كل اللي خاطركم فيه بيصير بإذن الله ..

واحد يصيرلي من الشباب يشتغل مع اصطاف سيستم البورصة - هندسة كمبيوتر .. كل اللي خاطركم فيه

من تداول اون لاين مع البورصة، وشارتات اللي تحبونها كلها قاعدين يشتغلون عليها .. الشباب مو مقصرين

والله ويشتغلون ليل نهار .. وأجتماعات للساعه 10 ليلا .. عطوهم وقتهم وان شاء الله راح يرضونكم

أخوكم/ ستاربكس

 

[الفهلوي]

نبي منهم الكثير ومو ناقصهم شيء .

نبي تداول لايف .

نبي شارت لايف مع الأدوات المؤشريه .

نبي اخبار وتحليلات عن جميع الشركات .

نبي تفاصيل يوميه عن تغيير نسب الملكيات ولمن تعدت ملكيته 3% .

نبي الغاء نظام الكسور .

نبي الإطلاع على محافظنا واسهمنا المملوكه بناء على رقم تداولنا .

نبي زيادة وقت التداول وارجاع التداول المسائي

http://www.indexsignal.com/vb/showthread.php?t=14001
.​

 

[TechnoFund]

نبي منهم الكثير ومو ناقصهم شيء .

نبي تداول لايف .

نبي شارت لايف مع الأدوات المؤشريه .

نبي اخبار وتحليلات عن جميع الشركات .

نبي تفاصيل يوميه عن تغيير نسب الملكيات ولمن تعدت ملكيته 3% .

نبي الغاء نظام الكسور .

نبي الإطلاع على محافظنا واسهمنا المملوكه بناء على رقم تداولنا .

نبي زيادة وقت التداول وارجاع التداول المسائي

http://www.indexsignal.com/vb/showthread.php?t=14001
.​

الفهلوي .. صاحبي ما صارله مده من تعين .. انت ناوي عليه يتفنش

شوفلك وحده ولا ثنتين .. كافي ..

على فكرة توني ادري انه كان في تداول مسائي .. شنو اسباب قرار الغاءه ياترى ؟؟

 

[الريان]

ستار بوكس

سمعنا بهالامور ان راح يعدلونها بس اذا هم صج شغالين فيها يعني ان شاء الله وصلنا الي امور نريدها لكن السوال متي سوف تنتهي هذه التطورات