موضوع كامل عن اضاءة السيارات والليتات

الموضوع في 'اعلانات المركبات' بواسطة بو فايز 78, بتاريخ ‏5 سبتمبر 2009.

حالة الموضوع:
مغلق
  1. بو فايز 78

    بو فايز 78 عضو جديد

    التسجيل:
    ‏17 يونيو 2009
    المشاركات:
    157
    عدد الإعجابات:
    0
    السلام عليكم ياجماعة الخير

    حبيت اصبحكم وامسيكم بالخير ونفيد الجميع ونستفيد

    ==========================

    هالايام ياجماعه في سيارات مثل الفورد والشفر والصالونات ليتاتها مو قويه

    اضاءتها عكس الكامري اضائتها جميله وقويه لكن الناس تركب زنون تحسب

    انه بديل للاضاءه القويه لكنهم خاطئين الزنون من اسوأ الانواع لانه ممكن

    يحرق السياره والظفيره وشغلات واجد بسياره وماتسوى عليك وكل دقيقه

    محترقه شمعات واليوم يجماعه نبي نستفيد ونفيد ونعاون ونتعاون للافاده

    للجميع ناس تقولك شمعات غاز زينه ب35 دينار ناس تقول بدل شمعه بقويه

    ف ياليت احد يفيدنا ياجماعة الخير شنو البديل من الزنون لانه سيء انا

    سمعت مع العلم الافاده للجميع انشاءالله


    ----------------------------------------------


    تقبلو مودتي واحترامي اخوكم \ بو فايز
     
  2. q8rottweilers

    q8rottweilers عضو جديد

    التسجيل:
    ‏26 يناير 2009
    المشاركات:
    177
    عدد الإعجابات:
    0
    والله ياخوي يا بوفايز انا مركب زنون على سيارتي ولونه حلو ومافيه مشاكل نهائيا تقريبا صارلي 6 اشهر ولونه ازرق وحلو ولما كنت بركبه هم صاحبي قالي نفس الكلام انه يخرب الشمعة ومن هالحجي لكن الحمدلله الوضع اوكي :)
    وهذي الصورة شوف عينك
     

    الملفات المرفقة:

  3. بو فايز 78

    بو فايز 78 عضو جديد

    التسجيل:
    ‏17 يونيو 2009
    المشاركات:
    157
    عدد الإعجابات:
    0
    شكرا اخي على الرد واتمنى توضح شنو ماركته من وين شريته اي لون كم كلفن

    وكم السعر واتمنى ذكر المعلومات عن اي شي تكتبونه يالربع ويعطيكم العافيه

    الله يبارك لك فيه وانشالله دوم مايخرب
     
  4. أبوراشد

    أبوراشد عضو جديد

    التسجيل:
    ‏16 سبتمبر 2007
    المشاركات:
    21
    عدد الإعجابات:
    0
    مؤيد لكلام او فايز
     
  5. q8rottweilers

    q8rottweilers عضو جديد

    التسجيل:
    ‏26 يناير 2009
    المشاركات:
    177
    عدد الإعجابات:
    0
    والله يا بوفايز انا ماعرف هالتفاصيل لكن شاريه من المهلب
     
  6. أبوفلان

    أبوفلان عضو نشط

    التسجيل:
    ‏27 يونيو 2008
    المشاركات:
    1,460
    عدد الإعجابات:
    0
    والله يا أخوك أنا عندي يوكن ومركب له زينون على العالي مال اللكزس الأصلي عشان الناس تفتح الخط غصبن عليها

    الزينون التجاري الموجود في الصناعيه يعطيك بو سنه وبعدين تبدا الخرابات

    طبعا الزينون مال اللكزس هو نفسه مال اللاندكروزر بس انه أغلى من التجاري بوايد وشمعاته الوحده ب ٦٠ دينار بس التكبيسه تعي العين
     
  7. anonymes

    anonymes عضو نشط

    التسجيل:
    ‏31 أغسطس 2005
    المشاركات:
    259
    عدد الإعجابات:
    0
    مكان الإقامة:
    الكويت
    الله يسامح إلي يركبون زنون تقليد أو حتى أصلي و ما يعير إرتفاع الليت

    يعور عيون الناس ولا إذا ياك جيب ما تقدر حتى تغير حارتك ما اتشوف شيئ من قوة الليت الله يسامحهم
     
  8. بو فايز 78

    بو فايز 78 عضو جديد

    التسجيل:
    ‏17 يونيو 2009
    المشاركات:
    157
    عدد الإعجابات:
    0
    صح لسانك نك انقليزي حنا نبي ليت اضائته جيده ومايخرب شنو تنصحوني

    شمعات ولا شنو
     
  9. كويتي0

    كويتي0 عضو جديد

    التسجيل:
    ‏28 يوليو 2009
    المشاركات:
    157
    عدد الإعجابات:
    0
    والله سالفة هالليتات سالفة !!!!


    تلقي بعض العالم الله يهديهم يركب زينن ولا يعير ارتفاعهوانخفاضه وبعدين تلقاه صاب بعيون خلق الله والشباب او اللي يكون تلقاه فرحان مبسوط وبعضهم مسويه ( افلشر ) يحلم انه عسكري بالمرور الاخ ... !!!


    ياجماعه التقليد تقليد مافيها كلام مو تركبه وبعدين تقول زينن تبي الزن الاصلي بالوكالة لا تقص علي نفسك كاشخ ... بتقليد



    شكرا
     
  10. salem-1976

    salem-1976 عضو جديد

    التسجيل:
    ‏14 أغسطس 2009
    المشاركات:
    104
    عدد الإعجابات:
    0
    كلامكم عدل

    بصراحه الله يعين الشيبان واللي شوفهم على قدهم يعني بتحصل دعاوي لين تقول بس

    مافي احلى من ليت الوكاله اذا حسيت ان الاضائه لك عليها بدل الليت كامل اصلي وشمعات اصليه وشوف الفرق

    عن تجربه كان عندي وانيت شفر 98 بالليل ما اشوف شي حتى مع العالي نظفت الليت بدلت تجاري ماكو فايده لين ركبت ليت اصلي وشمعات اصليه بصراحه فرق السما والارض
    واذا السياره زينون من الوكاله مافي مانع لان لها عيار ومصممه عدل لكن تركب تجاري وتحرق الناس ...الله يعينك على كثر الدعاوي

    وشكرا
     
  11. زايدي

    زايدي عضو جديد

    التسجيل:
    ‏17 مارس 2008
    المشاركات:
    637
    عدد الإعجابات:
    0
    والله يخوووي شوووف اهل السعووديه

    سياره قديمه واقوى مافيها ليتها

    سمعت انهم يركبوون مكثفات لليتات تصير اقوي

    يجي كامل مكثف = مقوي لليتات

    ويجيك الليت ليت وكاله وقوي هذا اللى عندي
     
  12. بو فايز 78

    بو فايز 78 عضو جديد

    التسجيل:
    ‏17 يونيو 2009
    المشاركات:
    157
    عدد الإعجابات:
    0
    يعطيكم العافيه على الردود

    اخوي زايدي انا سمعت نفس الكلام بس شلون الطريقه وماهو المكثف هل جهاز

    وما الحل شلون اذا بسوي هطريقه
     
  13. BOSHHAB

    BOSHHAB عضو جديد

    التسجيل:
    ‏3 ابريل 2009
    المشاركات:
    290
    عدد الإعجابات:
    0
    مكان الإقامة:
    KUWAIT
    صدقت والله ..

    بس العتب على المرور والفحص الفني .. فحص ارتفاع الاضائه من ضمن الاشياء الاساسيه ..

    عمونا هاليهال مع هالليتات السكه لا جمال ولا اضائه

    بس اذيه حق خلق الله
     
  14. بو فايز 78

    بو فايز 78 عضو جديد

    التسجيل:
    ‏17 يونيو 2009
    المشاركات:
    157
    عدد الإعجابات:
    0
    صح لسانكم جميعا واتمنى ردود اخوانا الاخرين
     
  15. الشبكه

    الشبكه عضو جديد

    التسجيل:
    ‏8 ابريل 2009
    المشاركات:
    13
    عدد الإعجابات:
    1
    يا شباب ذاك اليوم كنت ابدل زيت حق سيارتي بمحل بنشرجي بالفروانيه وشاف الاضاءة ضعيفه وقالي عن جهاز مقوي للاضاءه تقريبا سعره20 او 30
    يركبه لسيارتك يزيد قوة الاضاءة ..
     
  16. Hackerez

    Hackerez عضو جديد

    التسجيل:
    ‏19 أغسطس 2009
    المشاركات:
    23
    عدد الإعجابات:
    0
    مكان الإقامة:
    الكويت
    خلوكم على شغل الوكاله و ابعدوا عن دعاوي خلق الله ، بعض هالناس حتى لو واقف قدام بيتهم مشغل الزنون و ماغير يحصل له دعوه من اللي داش الشارع و اللي طالع حتى الناس بدوا يفصخون الحيا بالمره ، انا خابر على ايامنا اذا مرت قدامك حرمه ولا احد تطفي الليت احتراماً له حتى لو ما تعرفه الحين الاحترام راح ومن تغيب الشمس اشتغلوا هالبطاليه فراره بالشوارع بس يكبسون بالليتات ، يا ليت بس لو يتقعدون لهم هالمرور ويفكونا من دوختهم يا حلو ايامنا بس
     
  17. anonymes

    anonymes عضو نشط

    التسجيل:
    ‏31 أغسطس 2005
    المشاركات:
    259
    عدد الإعجابات:
    0
    مكان الإقامة:
    الكويت
    إييييييييييه والله إنت صادق

    يا جماعة صج والله ليش هالايام ماكو احترام نفس اول انا اقول لانه المجتمع صار كبير وقبل الواحد كان يستحي لانه المجتمع صغير وما اسرع يطلع اسمه اذا سوا شيئ غلط او لانه هالايام معظم الناس مو مخاوية عيالها ومو مربيتهم عدل لانه تلقه الابو مو متربي
     
  18. Hackerez

    Hackerez عضو جديد

    التسجيل:
    ‏19 أغسطس 2009
    المشاركات:
    23
    عدد الإعجابات:
    0
    مكان الإقامة:
    الكويت
    ما نقول الا يالله حسن التربية و الصلاح الله يعين الجيل اللي بعدنا على تربية عيالهم :)

    anonymes

    عضو جديد وتاريخ تسجيلك 2005


    :) ماشاء الله محافظ على البدي و الماكينة
     
  19. abu shehab

    abu shehab عضو نشط

    التسجيل:
    ‏12 يناير 2009
    المشاركات:
    330
    عدد الإعجابات:
    0
    انا من رايي لزنون حلو وتكون درجته مثل راعي الزد والله عطريق السفر مو طبيعي امتداده على الارض اطول من اللليت العادي بس ملاحظه لما اتركب الزنون خلي الفني يعايرلك الليت على المستوى اللي تبيه واختار اللون المتوسط لاهو ازرق غامق ولا ابيض وانا استخدمته سنه و5 شهور والحمد لله ما اشتكيت منه وكنت امركبه من المجد الاول على 50 بس كنت امركب واطي وعلى الكشافات بس كان ممتاز وبالنسبه انه اذيه للعالم مو شرط حسب اللي يستخدم في ناس يتعمدون يركب زنون خااص للتكبيس وتلاقيه امعلييه عن مستواه هذول الناس الواحد مايقدر يقول الا الله يهديهم وسامحوني على الاطاله
     
  20. wooow

    wooow عضو جديد

    التسجيل:
    ‏8 يونيو 2008
    المشاركات:
    1,143
    عدد الإعجابات:
    0
    الزينون انواع كثيره والوان
    لكن اغلب السيارات الالمانيه تستخدم ماركة بوش واليابانيه دينسو ودرجة اللون غالباا تكون 4300 كلفن ويختلف العالي عن الوطي مثل الاندكروزر والجيب اللكزس العالي يكون ساخن يعني يحتفظ بشحنه للتكبيسه ... لذلك افضل نوع تكون المحولات دينسو والشمعات 4300 كلفن وتكون الشمعه رايت بدون ترهيم والا فلا ... واكثر ليت يركب عليه الزينون 100% اللي يكون فيه عدسه
     
حالة الموضوع:
مغلق