استشارة ضرورية جدا بخصوص شراء بيت

الموضوع في 'اعلانات العقار' بواسطة أبوفلان, بتاريخ ‏6 سبتمبر 2009.

حالة الموضوع:
مغلق
  1. أبوفلان

    أبوفلان عضو نشط

    التسجيل:
    ‏27 يونيو 2008
    المشاركات:
    1,460
    عدد الإعجابات:
    0
    الأخوان الي عنده خبره ياليت يفيدني

    لاقيلي بيت بالرقه ب 100 ألف تقريبا

    موقعه زين ويسوى

    الموضوع إني باخذ البيت على أساس ال 70 ألف مالت الحكومة وفوقها 30 ألف تورق أو أدبرها يمين يسار

    بحيث يصير علي قسط 500 دينار شامل التورق وقسط التسليف وقطع بدل الاجار


    الموضوع ومافيه إني بأجر البيت وماراح أسكن فيه ..

    السؤال :

    هل هذه الطريقة مجربه وتنفع لمن يريد شراء بيت ويدفع أقساطه من الأجاراات ؟

    الأفضل أخذ تورق أو هل ينفع الرهن العقاري مع هذه الحاله ؟



    ياليت تفيدوني أو تسألون أحد سواها من قبل لأنها مصير حياة يعني أدفع اقساط لمدة 10 سنوات وأكثر من 45% من الراتب ..


    واذا في نصايح ياليت

    تقبلوا تحياتي
     
  2. Camaro

    Camaro عضو جديد

    التسجيل:
    ‏30 سبتمبر 2007
    المشاركات:
    635
    عدد الإعجابات:
    0
    مكان الإقامة:
    Kuwait
    وانا نفس موضوعك يابوفلان ارجوا من الاخوان اللي مجربينها يعطونا خبر هالفكره تنجح ولا لأ اذا الواحد يبي يشتري بيت وياخذ قرض من البنك تقريبا 30 ويأجر البيت تتوقعون الاجار اكثر من قسط البيت والبنك مع العلم خسارة بدل الاجار .. الفزعه يالربع
     
  3. طيران

    طيران عضو جديد

    التسجيل:
    ‏31 أكتوبر 2005
    المشاركات:
    324
    عدد الإعجابات:
    0
    اول شى نصيحه لوجه الله لاتاخذ بيت فى الرقه فى السعر هذا تدرى ليش انا قبللك شريت بيت فى الرقه صراحه تحسفت منطقه متهالكه صح اذا اذا بتهدم اللبيت وتبنيه وبعدين اجار بيت فى الرقه حده 500 دينار يعنى احسبها شنو فايتدك
    قسط البنك اقل شى بيصير 120 وبتخسر بدل الاجار يعنى خسرت من دخلك 270 دينار زيدها قسط البنك اقل شي 350 دينار يعنى فوق 600 دينار وبتدفع على اقل 40 دينار كهربا شهريا يعنى 640 على بيت بعد عشر سنوات تبى تهدمه وتبنيه من جديد ويرزق الله فى مستاجر نشبه بعد يطلع دينك على الاجار كل ماصلح شي خصمه من الاجار ويطوف عليك مرات وغثا
    وانت براحتك
     
  4. أبوفلان

    أبوفلان عضو نشط

    التسجيل:
    ‏27 يونيو 2008
    المشاركات:
    1,460
    عدد الإعجابات:
    0

    كلامك فيه كثير من الصحه

    بس البيت الي باخذه توه مجدده قبل اربع سنوات

    والبيت موقعه حلو ومأجر الملحق بس ب ٢٥٠ دينار

    يعطيك العافيه على المداخله والنصيحه

    ننتظر آراء الشباب
     
  5. teacher

    teacher عضو جديد

    التسجيل:
    ‏9 أكتوبر 2005
    المشاركات:
    104
    عدد الإعجابات:
    0
    \اخوي تبي الراي....اشتر ولا تشاور....اولا اذا البيت مرمم...وسد لد يسوى اكثر من 105الي 110...واذا راجع يتعدى 115بالراحة...بالنسبة للسعرجدا مغري

    الرقة فيها ميزة...البنيان الرئيسي جاي بالطرف...والباقي ملحق ....يعني تأجر الرئيسي بروحة والملحق بروح...على عكس البيوت الثانية القرين وفهدالاحمد..البنيان جاي بالنص يعني بالاجار حدك تأجر500.....الرقة تأجر البيت 500 وانت تضحك...والملحق من 250الى300..على حسب الشغل والنظافة......يعني يدخلك البيت 750 بالراحة...شيل 150 بدل اجار...و100 التسليف...و50 كهرباء وماي....صافيلك 500....اخذ لك تورق من بوبيان فقط...25 الف..على 7 سنوات يطلع عليك31الف...وقسطك لا يتجاوز400

    _اذا منت ساكن ...احلبة 10 سنين...وبعدها هدة وابنة...........
     
  6. أبوفلان

    أبوفلان عضو نشط

    التسجيل:
    ‏27 يونيو 2008
    المشاركات:
    1,460
    عدد الإعجابات:
    0


    جزاك الله خير أخوي الأستاذ

    رأي سديد بس لي الحين متخوف من سالفة المأجرين ومشاكلهم

    للرفع شباب الي عنده معلموه يفيدنا
     
  7. طيران

    طيران عضو جديد

    التسجيل:
    ‏31 أكتوبر 2005
    المشاركات:
    324
    عدد الإعجابات:
    0
     
  8. الحريه وطن

    الحريه وطن عضو نشط

    التسجيل:
    ‏31 يوليو 2008
    المشاركات:
    2,022
    عدد الإعجابات:
    3
    منو قالك بيت بالرقه كامل ب500دك
    الملحق لحاله يتاجر ب280 فقط الملحق دون باقي البيت
     
  9. teacher

    teacher عضو جديد

    التسجيل:
    ‏9 أكتوبر 2005
    المشاركات:
    104
    عدد الإعجابات:
    0
    منو قالك السعر مغري شرايك تونا بايعين بيتنا موقع بطن وظهر وسكه وسرداب وبنيان جديد 130 الف



    >>>اسمحلي بيعة غريبة..بس 130...بلاش..يمكن ايام الرخص...باي منطقة..
    دام فية سرداب يعني بنيان جديد يعني قسيمة...قسيمة شارع واحد بهالمواصفات ماتشتريها ب150...وانت تقول على ثلاث شوارع..130


    بالنسبة للقرض...انا اعطيك طريقة...وطبعا كل واحد حسب ظروفة...وماديتة

    عندك بنك بوبيان اقل مرابحة اخذ لك 25 على ست سنوات ونص قسطك 390 تقريبا....يطلع عليك 30 الف دينار تقريبا....لحد يقولي موصحيح..توني متورق من عندهم...اقل من التمويل ب4000 تقريبا....والباقي دبرهم
     
  10. الموحد1

    الموحد1 عضو جديد

    التسجيل:
    ‏9 ابريل 2008
    المشاركات:
    403
    عدد الإعجابات:
    0
    انا مسوي الطريقه لاتاخذ رهن عقاري كلفته اكثر راح ياخذون بيت التمويل على ال70000 تقريبا 1800 فايده لهم وحجتهم انهم يكيشون للبائع وبعدين ياخذونها من التسليف وراح يلزمونك بقيمة تامين للبيت تقريبا 800دينار ولو فكرت تبيع البيت لازم تكيش الباقي بالنسبه للمؤجرين شوف مكتب بشرط يتابعهم قضائيا فى حالة عدم الدفع وفك عمرك على العموم الله يوفقك واى استفسار حاضر
     
  11. Q 8 T

    Q 8 T عضو جديد

    التسجيل:
    ‏23 يوليو 2007
    المشاركات:
    170
    عدد الإعجابات:
    0
    عليكم السلام ورحمة الله وبركاته

    اخوى اخذ الكلام الصحيح بالوقت الحالى سعر البيت وايد زين

    والايجار الملحق لايقل عن 200 دينار اذا كان غرفتين وحمامين ومطبخ وصاله

    والبيت من 350 الى 400 يتأجر .

    اما بخصوص اخذك تورق من بيت التمويل اذا حلال توكل على الله

    لكن السؤال هل بيت التمويل يستقبل معاملات بالوقت الحالى

    والله يجعله من نصيبك اذا كان فيه خير لك وذا فيه شر الله يبعده عنك
     
  12. يوم يومين

    يوم يومين عضو جديد

    التسجيل:
    ‏25 أغسطس 2009
    المشاركات:
    204
    عدد الإعجابات:
    0
    السلام عليكم ورحمة الله وبركاتة
    استاذى الفاضل : انا ماراح اكلمك على الاجار والتورق انا راخ اقولك سعر البيت مناسب جدا وانا صارى فترة وانا احوس فى الرقة ادور بيت اقل ماحصل بهذا السعر ((( خرابةو سد لد بحدود 100 105 وانت تقول البيت زين ويسوى ... الله يهنيك فية اخذه وتوكل على الله. ومثل ماقالوا الشباب
    اجره عن مكتب قوى ياخذ اللقمة من حلج الاسد
     
  13. almoress

    almoress عضو نشط

    التسجيل:
    ‏9 ديسمبر 2005
    المشاركات:
    902
    عدد الإعجابات:
    5
    مكان الإقامة:
    دولة الكويت


    مو صحيح يا خوي مو صحيح :p



    اتغشمر معاك :)


    هذا الي كنت بقوله طال عمرك


    وانا سلمك الله حولت لبوبيان و وفرت بحدود 6 آلاف دينار عن التمويل


    أرد واقولها 6000 دينار والحمدلله على كل حال

    روح سلمك الله لبوبيان وأخذ المبلغ الي تبي بس حاول ترفع القسط وتقلل المده راح تستفيد أكثر

    وبالتوفيق
     
  14. 4 Ever Kuwait

    4 Ever Kuwait عضو نشط

    التسجيل:
    ‏29 سبتمبر 2008
    المشاركات:
    234
    عدد الإعجابات:
    0
    هلا والله أبوفلان طريقتك ممتازه بس لازم يكون عندك ظهر يساعدك بشي يمكن الماجر يطوف عليك ولا شي موجود عندك دخل ثاني ويكون قريب لك وتقبل تحياتي
    بس ابي اعرف شباب شنو التورق هذي عقدتوني :)
    ومبارك عليكم باجي الشهر
     
  15. مساهم11

    مساهم11 عضو نشط

    التسجيل:
    ‏29 سبتمبر 2008
    المشاركات:
    2,234
    عدد الإعجابات:
    0
    مكان الإقامة:
    الكويت
    اخوي ابوفلان
    خلق واقعي وفكر بعقل
    اذا البيت عنده ارتداد مناسب والبيت مجدد خذه وتوكل علي الله
    والايجارات ترا مو مثل اول
    الملحق لا تخلي ببالك اكثر من 100 الي 150 فقط
    البيت كامل ما يتعدي 300 دينار الي 350 بالكثير
    جينا للشراء اذا بوبيان اقل مثل ما قالوا الشباب فحول راتبك والله يعينك
    واذا الفرق بسيط لا والله خلك علي مجنونك
    وبالتوفيق واتمني تعطينا خطواتك اول باول وفالك التوفيق
    وان لقيت لنا شي يمك لا تنسانا
    تراني ادور من فتره ولكن الي كاسر ظهري الاسعار والبيوت الخرابه

    عزيز وغالي
     
  16. أبوفلان

    أبوفلان عضو نشط

    التسجيل:
    ‏27 يونيو 2008
    المشاركات:
    1,460
    عدد الإعجابات:
    0


    طبعا أولا الى الآن ما اتضح السعر الي راح آخذ فيه البيت يعني هو مسيوم ب 96 انا عطيته 97

    ثانيا : راعي البيت قبل اربع سنوات مسوي الحمامات كلها وناقل درج الحكومه لي وره ومضبط البيت حاطله طبزه او الي يسمونه حجر اردني

    ثالثا : البيت عبارة عن دورين وملحق ومساحته 400 متر

    الأرضي صالتين وغرفه ومطبخ وحمامين ومخزن

    والثاني 5 غرف كل غرفتين بينهم حمام ومطبخ تحضيري

    والملحق 3 غرف وصاله وحمام ومطبخ مأجره راعي البيت حاليا ب 250 دينار

    وفيه ديوانيه مضبطه


    البيت تقريبا في مصافط ل اربع سياراات أما البيت ومصفط على جنب او ارتداد 4 امتار بمترين


    البيت صاير زاويه لانه البيت الي بعده بيت راجع




    طريقتي لأخذ البيت :

    1- باخذ ال 70 الف من بنك التسليف .

    2- باخذ تورق بمبلغ 21 الف من بيت التمويل .. طبعا راجعتهم

    3- 10 آلاف من جيبي .


    الفكره الي في راسي :


    الأقساط :

    1- قسط التسليف 100 دينار

    2- يسقط بدل الإيجار 150 دينار .

    3- قسط ( التورق ) التمويل قالولي يطلع 240 على عشر سنوات والمديونية 28 الف ..

    يعني يعطوني 21 ألف وياخذونهم 28 الف و 800 ..

    4- قالو الشباب 40 دينار للماء والكهرباء كل شهر .



    المديونية الكلية : 70 ألف + 28 ( من التمويل ) = 98000


    تكلفة البيت 70 ألف + 28 ألف + 10 آلاف الي بدفعها = 108 آلاف .


    حسبة الأقساط :

    100(التسليف)+ 150( بدل الايجار) + 240 (التمويل) + 40 ( ماي وكهربا) = 530 دينار ..


    تسديد الأقساط :

    عن طريق تأجير الملحق بـ 250 دينار

    وتأجير البيت بـ 500 أو 450 ..

    250 + 500 = 750 دينار ..


    يتم تأجير البيت لمدة 10 سنوات وراح اشيل منهم 3 أشهر على فرض تبديل بين مأجر ومأجر لأني سمعت انه المأجر اذا بيطلع تعطيه شهر ببلاش ..

    والمأجر الجديد اذا بيسكن تعطيه شهر ببلاش

    اذا معلومتي خطأ الرجاء تصحيحها ..


    اقول راح يتم تأجير البيت لمدة 117 شهر ..

    117 * 750 = 88 ألف .. من أصل 108 الي هو سعر تكلفة البيت يعني يبقى 20 الف من فلوس التسليف والتورق يطيح .. بعدين نشغل النواب يطيحون القروض :p:p

    الايجابيات :

    إني ربحان فوق الأقساط 200 دينار ..

    يعني مو خسران شي معاشي كامل وفوقه 200 ..

    وإني ما أقعد انتظر بيت الإسكان 10 سنوات لنفرض وماندري وين .. ويكون عندي بيت مأجر ..


    الفكره بعد تسديد دين البيت إما الإبقاء على تأجيره لمده 5 سنوات أخرى ومن ثم بيعه وشراء أرض وبناءها طبعا مع رأس مال مجمع من قبلي ..

    او تعديله والسكن فيه مع استبعاد هذه الفكره قليلا ..

    السلبيات :

    1- المأجرين ومتاعبهم ..

    2- اذا فات علي شهر او شهرين بالنسبة لي عادي .. الله لا يغير الظروف ان شاء الله

    3- راح اخسر ارض الحكومه الي هو طلب الإسكان .



    ياليت ياشباب غير الي شاركو الله يبيض ويوهكم ويحرمها على النار والشباب الي راسلوني ع الخاص الله يبارك فيهم

    ياليت الي عنده خبره ويفيد اخوه وله دعوه بظهر الغيب الله يبارك فيكم


    اخوكم : أبوفلان ..

     
  17. almoress

    almoress عضو نشط

    التسجيل:
    ‏9 ديسمبر 2005
    المشاركات:
    902
    عدد الإعجابات:
    5
    مكان الإقامة:
    دولة الكويت

    التورق سلمك الله يالغالي طريقة بيع مجازة شرعاً ولله الحمد

    مثال

    تروح تقول للبنك انا حصلت بضاعه وهذا سعرها


    اشتروها لي

    يشرونها من الشركة

    ويبيعونها لك بالاقساط


    وانت تبيعها واكيد راح تخسر فيها نسبه ما تزيد عن 4% من قيمتها تقريباً

    وضحت الصورة؟؟؟ :)
     
  18. الموحد1

    الموحد1 عضو جديد

    التسجيل:
    ‏9 ابريل 2008
    المشاركات:
    403
    عدد الإعجابات:
    0
    طريقتك ممتازه بس نقطه وحده قلل مدة التورق ارفع القسط ولاتقط كل اللي عندك خل شي من المبلغ 5الاف مثلا للظروف الطارئه بس 10 سنوات مده طويله حيل
     
  19. هورنت

    هورنت عضو جديد

    التسجيل:
    ‏12 فبراير 2008
    المشاركات:
    197
    عدد الإعجابات:
    0
    مكان الإقامة:
    الكويت
    السلام عليكم

    من ناحية مبدأ الشراء فبدون شك الأفضل الشراء اذا في امكانية وعدم الإنتظار ان كان الدور بعيد علشان تحصل بيت والمشكلة وين ؟ بمناطق مقطوعة برا الديرة !!

    انا راح اعطيك تجربتي وان شاء الله تفيدك

    شريت بيت ايام الرخص ( بيت حكومي ) سنة ٢٠٠١ في القصور القرين ، ولم اسكنه لمدة ٦ سنوات وكان مؤجر بالكامل ٤٥٠ - ٥٥٠ دينار

    تماما كما قلت ، كان الأجار يرجع لي الأقساط الشهرية وكأني لم آخذ ديون

    نصيحتي لك الآتي :

    الديرة كل يوم قرار !! ممكن بأي لحظة يطلع قرار يوقف بناء البيوت مثلا والإكتفاء بالشقق حتى يتمكنون من استيفاء المنتظرين والذين تعدوا ٨١ الف طلب !! وفي ازدياد كل شهر ، يعني وين يمديهم يبنون بيوت ؟ مالهم الا الشقق والله اعلم ،، يعني اشتر ابرك لك لا تسكن بشقة

    ثانيا ،،، دائما وابدا ضع نفسك مكان المؤجر ؟ هل تسكن في بيت اي كلام وتدفع ٥٠٠ دينار ؟ ام تسكر حلج المؤجر ببيت ممتاز وماعليه كلام ، يعني لا تبخل على البيت في حال التأجير وامسكه اطول مدة ممكنة علشان ترتاح من التغير

    الآن بعد ان سكنت البيت مازلت مؤجر الدور العلوي وبسعر مرضي لي وللمؤجر ولله الحمد دخل شهري ثابت

    اسأل الله التوفيق لك اخوي ابوفلان وتحصل الي يسر خاطرك

    تحياتي
     
  20. الحريه وطن

    الحريه وطن عضو نشط

    التسجيل:
    ‏31 يوليو 2008
    المشاركات:
    2,022
    عدد الإعجابات:
    3
    هل التورق من بوبيان القسط ثابت ولا يرتفع ؟
     
حالة الموضوع:
مغلق