اهانة موظف

الموضوع في 'قسم الإستشارات القانونيه' بواسطة q8rottweilers, بتاريخ ‏9 سبتمبر 2009.

  1. q8rottweilers

    q8rottweilers عضو جديد

    التسجيل:
    ‏26 يناير 2009
    المشاركات:
    177
    عدد الإعجابات:
    0
    السلام عليكم
    يعطيكم العافية وقواكم الله
    اخواني انا موظف باحد البنوك، اليوم دخل علي عميل معصب وكان يبي معاملته تخلص، حاولت افهمه انه يبيلها وقت ولازم يصبر لكنه غلط علي مرتين المرة الاولى قالي "لابوك لابو البنك" بصوت مو مسموع لكني سمعته وقلت نعم؟ قالي "نعامه ترفسك" لحقته وكان ودي اطقه لكن لا غلطت عليه ولا سبيته ولا مديت ايدي عليه وكل الي سويته اني وقفت بويهه وما خليته يطلع من البنك الا لما وخرني عنه الامن
    الموظفين الي وياي بالبنك مستعدين يشهدون ف احب اعرف شنو الي لي وشنو الي علي لو رفعت عليه قضية، هل اقدر اسجلها اهانة موظف اثناء اداء عمله ولا هالقضية مختصة بالموظفين الحكوميين بس؟ وهل يفضل اني اخليها شخصية بيني وبينه لانه سبني او اخليها اهانة موظف؟ مع العلم اني مستبعد فكرة تنازل لانه اهاني جدام عدد كبير من العملاء والموظفين
    وبارك الله فيكم
     
  2. general

    general عضو جديد

    التسجيل:
    ‏1 أغسطس 2009
    المشاركات:
    1,510
    عدد الإعجابات:
    5
    مكان الإقامة:
    بلاد الله الواسعة (الكويت)

    طول عمرك كبير ورجل
    وهل الاشكال الي تمر عليك يوميا خسئوا ينزلون من مستواك لان للاسف وصل معاهم الانحدار الى درجه رخيصه , واغلب الظن انها تجارب مرت عليهم بالسابق تتفاوت مابين اعتداء جنسي وبين اعتداء بالضرب ايام المدارس . :)))))))))))))
    اي يبا نبيك تضحك وانسى الي صار عشاني
     
  3. q8rottweilers

    q8rottweilers عضو جديد

    التسجيل:
    ‏26 يناير 2009
    المشاركات:
    177
    عدد الإعجابات:
    0
    حبيب يا جنيرال واعز الله شانك بس والله مكروفين كرف يعني اليوم البنك مسكر 1 ونص وانا طالع منه 4 ونص من كثر الشغل الي على روسنا وهذا الوضع الطبيعي عموما ومتعودين عليه ودايما العملاء عندهم مشاكل ودايما نهديهم ونطيب خاطرهم ونحل مشاكلهم وبالنا طويل معاهم ولا نطلب منهم حتى كلمة شكر ولا نبيها من احد هذا شغلنا ومتعودين عليه ومتعودين يكونون الناس معصبين ومتنرفزين لكن نهائيا ما تعودنا على قلة الادب والسب خاصة لما تغلط علي وعلى ابوي واهو ماله شغل وجدام هالناس كلها اهني لا يبا مثل ما انا تصرفت بشكل قانوني يحقلي اخذ حقي بشكل قانوني
    ومشكور عالمرور يالغالي
     
  4. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    تقدر تشتكي عليه بالمخفر اذا عندك بياناته من اسم وغيره وبالنسبة للمادة اللي ذكرتها فاهي تخص الموظفين التابعين للدولة وانت بقطاع خاص
     
  5. بوغمازات

    بوغمازات عضو نشط

    التسجيل:
    ‏15 مايو 2007
    المشاركات:
    2,416
    عدد الإعجابات:
    2
    طبعا تقدر تشتكي عليه بالمخفر ,,, قضية سب واهانه ,,,, وموفق اخوي
     
  6. وقاص

    وقاص عضو جديد

    التسجيل:
    ‏29 يوليو 2009
    المشاركات:
    120
    عدد الإعجابات:
    0
    الله يعطيك العافيه وربي يزيدك صبر وتحمل للاشكال هذي

    الأخوان يقولون لابد تكون موظف حكومي علشان ترفع قضية اهانه موظف

    كلامكم على عيني وراسي

    بس الواقع غير

    تخيل لما تداوم بمكان انت بروحك فيه ويوميا الصاله تنترس باكثر من 200 مراجع

    وبعضهم مع كفيلة

    وهذا يقط كلمة وهذا يدز

    وهذا يمد ايده

    ويوميا مشكله

    من بنقالي ومن هندي ومن مصري ومن كويتي ( خصوصا الشياب يا كرههم لما يستخفون دمهم )

    والادهى لما يقولك البنقالي شنو يعني انت كويتي انا بنقالي

    والله ثم والله الاحترام موجود لكن ما يفيد

    وطبعا لا قانون ولا شي ينفعك قانون اهانه موظف حبر على ورق

    هذا حال واحد من الربع

    ولدرجه اني اطلع من دوامي واداوم وياه اساعده بالشغل

    وساعات اجازة بس علشان خاطر عيونه

    وبالاخير صار كل يوم طاقين اثنين او ثلاثه ولا مرة واحد

    الا مرة اعتقد بس يوميا

    المخفر يدل الطريج يوميا يمرنا

    والادهى لما الكويتي يكبر راس البنقالي السايق ويدش عليك البنقالي منفس ويقط الورق ويقول يلا خلص سرا سرا ( سريع سريع )

    ملاحظة والله اما ابالغ صاحبي ينام ويحلم انه يتهاوش

    واخر اقتراح ابوه يبي يوديه الطب النفسي شر البلية ما يضحك

    وهو ابو عيال وعياله كبره

    يا اخوي والله هالاشكال ما ينفع معاها الكلام ولا ينفع معاها شي

    انا لو منك عملت امر واحد انطره لما يتعدى الباب مال البنك

    واطحنه طحن ولاحظ عالبطن علشان ما يقدر يثبت بتقرير طبي ولا تكسر فيه شي

    بس اسحبه جدام العالم وكتفه وطراقات يعني هزأه

    بس بالقانون ماراح تاخذ شي واخذها مني

    وقتها صيام وربي يكملك بعقلك ويتقبل طاعتك

    لك الاجر عند الله لأنك ما رديت على انسان تافه ومنحط مثله
     
  7. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    مع احترامي لوجهة نظر الاخ وقاص بس الكلام اللي يقوله يحول المجني عليه الى جاني واذا في اصابات عاد تعال فكك نفسك من قضية ضرب ممكن توصل لسجن وغرامة وغيرها
    دوس ابطنه وطقه هذا كلام مو قانوني ويودي بدهية
    الصح اذا التعدي مايسوا طوف واذا في اهانة ماينسكت عنها الطريق الصح المخفر باعتباره الجهة المنوط فيها تلقي الشكوى غير جذي حجي فاضي مع احترامنا للجميع احنا مو بغابة كل واحد ياخذ حقه بعضلاته
     
  8. q8rottweilers

    q8rottweilers عضو جديد

    التسجيل:
    ‏26 يناير 2009
    المشاركات:
    177
    عدد الإعجابات:
    0
    يعطيكم العافية واحد واحد ويعطيج العافية اخت فيونه
    انا سجلت القضية اهانة موظف والمتهم لما حضر انكر انه سبني وسب ابوي لكن عندي شهود وكاميرات البنك موجودة والادارة مشكورين قالولي اذا محتاج اي مساعدة قانونية بنوقف وياك
    لكن الي انا مستغرب منه ليش الناس نظرتها غريبة؟ جني انا المتهم وانا الي مسوي جريمة لاني ما تنازلت؟ ياجماعة لو تنازلت هذا بيتمادى، بيسب العالم ووقت الصجية يقول العفو عند المقدرة والسموحة وحب خشمك ومن هالحجي المصفط لكن لو كل مسبة يسبها ب500 دينار جان لقى الي يوقفه عند حده ويخليه يحترم نفسه ويحترم الناس غصب لان من امن العقوبة اساء الادب
    وشاكرلكم
     
  9. ســـــاحـــــر

    ســـــاحـــــر عضو جديد

    التسجيل:
    ‏29 ابريل 2008
    المشاركات:
    85
    عدد الإعجابات:
    0
  10. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    دامك مقتنع ان اللي تسويه صح لو كل الناس تقولك غلط مالك شغل فيهم لانهم لو بمكانك سوو اكثر اهم شي انك تكون واثق بقرارة نفسك انك مظلوم مو ظالم
    وبنفس الوقت العفو عند المقدرة اذا شفته نادم وتسامح منك سو خير وبميزان اعمالك ولقرار لك بروحك
     
  11. نيويورك

    نيويورك مستشار قانوني

    التسجيل:
    ‏20 يناير 2007
    المشاركات:
    1,159
    عدد الإعجابات:
    0
    مكان الإقامة:
    الكويت
    الله سبحانه عطانا نعمه .. هذه النعمه ممكن تكون الصحه و ممكن العقل و ممكن الحكمه .. و دايما الانسان القادر القوي هو اللي يتحكم بدفة الأزمات لأنه عنده ميزه ممكن تكون اي نعمه من نعم رب العالمين .. و أشد الحماقه هي التصرف بأسلوب العنف .. لأنه الأزمه هني تكبر و تاخذ من اهتمامك ووقتك و تفكيرك ..و تنعكس نفسيتك على حياتك .. بدل من تصرف حكيم و عاقل يرضي رب العالمين ..

    اخوي الكريم أفضل اسلوب هو تسجيل القضيه مثل ما تفضلت و ردوا عليك الأخوان و الأخوات ..لأن بالفعل العنف ممكن تصير انت متهم بتبادل الضرب او الاعتداء بالضرب .. و هني قلبت الحق ..

    عند تسجيل قضيه لازم يكون معاك شهود .. ولازم تقدم كل الأدله سواء تصوير كاميرا او اي شي اخر لأنه يدعم موقفك .. ولازم تتابع قضيتك لحين صدور الحكم .. خصوصا ان هذه القضايا ما تتطول في اجراءات رفعها للمحكمه .. و ان كان يفترض في تدرج عندكم في التدخل عند حدوث مشكله او اساءه لأي موظف توصل لأعلى السلم الوظيفي للتصدي لها .. و اعتقد لازم يكون فيه دور للأمن الخاص للبنك ..

    هذه المشاكل هي ضريبه اعمال ووظائف التعامل مع الجمهور بشكل دائم .. و تعتبر امور متوقعه لازم يكون الموظف مدرب و جاهز للرد عليها بحسب جسامه التعدي .. و اعتقد ان الخبره تلعب دور في التعامل مع كل شخص بميزان عادل لا يسمح بتمادي الاخر عليه ..

    بالفعل ممكن يكون هذا الشخص كبير في السن ايا كان .. ممكن يكون مريض عصبي او مريض بالسكر او الضغط .. و ممكن يعاني من أزمه نفسيه بسبب دين او قرض او عدم وجود اقامه و مساومه على مستقبله و مستقبل عياله فبالتالى من الحكمه و التروي خصوصا بعد ان هدأت النفوس انك تقدر هذا الشيء لأن هذا الأمر لن يتوقف و لكن تدريبك و مهارتك في التعامل معاها هي اللي يجب ان تتطور و تتفوق عليها برده فعل ايجابيه و حازمه ..

    اذا استمريت بالقضيه فهذا أمر خاص بك .. و ممكن يكون امر خاص لصورة الموظف في القطاع اللي تشتغل فيه .. و هذا حق مشروع بدون شك ..

    و اذا كان هناك ما يستدعي التنازل فهذا ايضا امر انت صاحب القرار فيه بعد ما تدرس الأمور و تراعي فيه ظروف الواقعه ..

    اخوي الكريم الأنسان انسان عند رب العالمين ولا فرق الا بالتقوى و ليس الجنسيه .. و في حال التعدي من أحد يفترض انه بحكم تكرار هذا الأمر ان يكون فيه اجراءات جاهزه و متبعه حاسمه لهذا الأمر ولا يتم فيها اي تصرف ارتجالي ممكن يؤثر عليك بالسلب في مستقبلك المهني خصوصا ان البنوك تبحث عن مصلحتها اي الربح المادي .. و ياما سمعنا عن عملاء ممتلئين يشتكون على موظف و يتم نقله او بمحاسبته بشكوى .. لأن الهدف هو الربح المادي في النهايه ..

    هذا الرد هو تأييد لما قمت فيه و بتفاصيله رد على بعض مشاركات الأخوان ...

    الله يكتب اللي فيه الخير للجميع .. و تفاعل الأخوان بالرد بحد ذاته انا اعتبره مكسب من هذا الموقف .. :) .. مع الاعتذار على الإطاله .. :)
     
  12. general

    general عضو جديد

    التسجيل:
    ‏1 أغسطس 2009
    المشاركات:
    1,510
    عدد الإعجابات:
    5
    مكان الإقامة:
    بلاد الله الواسعة (الكويت)

    خلاص هونت لاتسامحه لو كان رجل وندمان جان يه قال جدام المحقق ترا فعلا غلطت عليه وكنت بلحظه عصبيه وارجو ان يسامحني بس يي يستهبل عليك ويقول ماغلط عليك ولا سبك نهائيا اعتقد هذه مؤشر يدل على وقاحته واصراره على قله ادبه لاتسامحه وحتى لو ماطلعت الا بغرامه 10 دنانير المهم يبته وسحبته للمخفر وهذي اكبر اهانه له بس ارجوك تبلغنا شيصر معاك
     
  13. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    قال تعالى {خُذِ الْعَفْوَ وَأْمُرْ بِالْعُرْفِ وَأَعْرِضْ عَنِ الْجَاهِلِينَ}(199) سورة الأعراف

    قال تعالى {فَاصْفَحِ الصَّفْحَ الْجَمِيلَ}(85) سورة الحجر

    قال تعالى {وَلْيَعْفُوا وَلْيَصْفَحُوا أَلَا تُحِبُّونَ أَن يَغْفِرَ اللَّهُ لَكُمْ وَاللَّهُ غَفُورٌ رَّحِيمٌ} (22)سورة النور

    قال تعالى {وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللّهُ يُحِبُّ الْمُحْسِنِينَ} (134) سورة آل عمران

    قال تعالى {وَلَمَن صَبَرَ وَغَفَرَ إِنَّ ذَلِكَ لَمِنْ عَزْمِ الْأُمُورِ }(43)سورة الشورى.
     
  14. قناص_السوق

    قناص_السوق عضو نشط

    التسجيل:
    ‏8 يناير 2009
    المشاركات:
    1,316
    عدد الإعجابات:
    223
    شنو صار ******* :)
     
  15. مراويس

    مراويس عضو جديد

    التسجيل:
    ‏11 سبتمبر 2009
    المشاركات:
    109
    عدد الإعجابات:
    0
    اخوي دامك موظف بالبنك العميل دايم على حق حتى لو سبك مافي مشكله انت تاخذ حسناته انا من وجهة نظري طنش وتنازل وخلك انت الكبير .. هذا عميل وماتدري شنو ظروفه يمكن الريال في مرض سكر ضغط وكان معصب لا تلومه .. عادي سامحه خو كلها كلمه يعني انا يوميا انسب بالدوام من العملاء مو لازم كل مره اروح اشتكي عليهم .. عيب الواحد يدش مخافر بس علشان خزني ولا سبني المخافر لا ادشها الا بقضايا شرف وتحياتي طول بالك او وسع صدرك وقول لا اله الا الله
     
  16. nabhaan79

    nabhaan79 عضو نشط

    التسجيل:
    ‏28 مايو 2005
    المشاركات:
    3,815
    عدد الإعجابات:
    102
    مكان الإقامة:
    الكويت
    إسأل الله العافيه لا شرف و لا غيره
     
  17. الكــادح

    الكــادح عضو جديد

    التسجيل:
    ‏30 مايو 2010
    المشاركات:
    36
    عدد الإعجابات:
    0
    تذكروا دائما قول الشاعر
    اذا جاريت في خلق دنيئ .. فأنت ومن تجاريه سواء
     
  18. mxxy

    mxxy عضو مبدع

    التسجيل:
    ‏28 فبراير 2007
    المشاركات:
    2,665
    عدد الإعجابات:
    1
    مكان الإقامة:
    Kuwait
    السلام عليكم

    بكل قوة أقولك أياها ((( الخير بالخير والبادي أكرم والشر بالشر والبادي أظلم )))



    إذا أنت متأكد 100% أن هالشخص من البداية تعامل معاك بخشونه وقلة أدب وغلط عليك بمعنى الكلمة فبعزلة الله لا تتركه لأن هذا انسان حقير وخاصتا اني متأكد انك موظف بنك يعني نسبة الخطأ عندك أقل من 3% وانه متأكد مع احترامي لجميع الموظفين في كل القطاعات يعني .


    ولو كنت انت مو معامله عدل من البداية وأخذت الموضوع بتجاهل معاه وكنت انت غلطان فخنقول ان اهوه كان معصب وانت ما عاملته عدل لذلك الوضع راح يكون ان انت ممكن انك تسامحه يعني بالحالة هذي ممكن الواحد يسامح ويعفو .. وعفى الله عما سلف .



    لكن بأي حق وبأي حق يغلط عليك ؟؟؟ في الحالتين هو مذنب وغلطان ، وبعدين انه استغربت شنو يعني بس موظفين الحكومة لهم الحق بإهانة موظف ؟ نسيت انك تتقاضى راتب عند الحكومة وهم دعم العمالة الوطنية يعني انت موظف عند الحكومة وعند البنك ، ولو كلامي غلط أقولك بكل حال من الاحوال لك الحق انك تشتكي عليه وتجره المخفر .
     
  19. weld.q8

    weld.q8 عضو نشط

    التسجيل:
    ‏27 يونيو 2008
    المشاركات:
    668
    عدد الإعجابات:
    35
    مكان الإقامة:
    دار الخير والعز(الكويت)
    ياخوي الحين احنه في وقت الناس تخاف ماتستحي (لاحول ولا قوه الا بالله)
     
  20. المستثمر الحر

    المستثمر الحر موقوف

    التسجيل:
    ‏24 ديسمبر 2009
    المشاركات:
    437
    عدد الإعجابات:
    0
    ما ادري يعني جدول اعمالك فاضي على شان تحط فيه 6 او 7 جلسات بالمحكمه و 3 روحات نيابه وغير روحتين مغفر؟

    شنو تستفيد بالاخر يعني بيموتونه مثلا؟

    اهي قضيه ضرب وواحد زالغ الثاني اخر شي تطلع غرامه 50 دينار ولو اسانف تصير تعهد

    وبعدين حبيبي انت مبين عليك توك متوظف يعني المفروض تكبر الجمجمه لاخر حد واذا معصب العميل تبتسم وتدخله مكتب فاضي وتيبله ماي وتاخذ اوراقه وخلصهم له

    اما الشد والرد ومعادي كل العملاء والنفسيه هذي تضرك وتظر عايلتك لو تفنشت وتضر استقرارك المالي وغير سمعتك جدام الكل

    يعني دامه يالك لاتصده لانه هم بيرد عليك قوله ان شاء الله شوي بس وتعال لي بعد هالعميل شيصير يعني لو قلت كلمه طيبه - غلط تتصادم مع العميل اصلا - وتكشر بويهه وتحسس العميل انه ارتكب فعل اخلاقي شنيع لما سالك وفي عميل ثاني موجود -- عادي يبه كله يمشي وانت مشي الامور يعني مو حرب -- هدي اعصابك وانا خوك وقط الى وراك بحر بعد ما تطلع من باب البنك بدل السستم انسى البنك وبلاويه يعد - ومرده الشخص هذا بيرجع البنك مره ثانيه ويوصل دوره عندك -- بعدين شلون لو وصل دوره كل ما يوصل لك بيسبك وانت ساعتها بتنفصل لا محاله من البنك -- الافضل طلع رقمه من السستم وكلمه بالهداوه وابدي انت بالاسف قوله انت عميل محترم وانا كان عندي ضغط خارجي وكشرت بويهك بيقولك انا هم كان عندي ضغط واسف وتمشي السفينه وتوفر الوقت والمحاكم والنزاعات والتفكير بواحد غاثك - عرفت يبه شلون الدنيه تمشي


    بارك الله فيك