من سيحضر ندوة الأسهم في الكويت يسجل اسمه هنا

[SAIF1743]

ندوة عن المضاربة بأسواق المال الأمريكية ( ديسمبر 2004 )

اعتقد هذه فرصة كبيرة للتعارف و تقوية العلاقات بين اعضاء منتدى المؤشر نت و كذلك غرفة بريفنق .... لذلك الرجاء ممن سوف يحضر هذه الندوة يسجل اسمه هنا لكي يتسنى لنا السؤال عنه و مقابلته في قاعة الندوة ان شاء الله ... و لا تنسوا يمكن نروح قهوه نشرب شاي و قدو و اللي يبي راس عنب فاخر مافيه مانع .....ههههههههههههههههه

أنا سجلت

وسوف أحضر الندوة ان شاء الله

 

[Day_trading]

هلا اخوى سيف انا اوعدك انى اذا كنت فى الكويت ومن الحيين انى مالك امل اطوف الندوة هذى

 

[zoom]

وانا سجلت

والله فرصه ان الواحد يلتقي فيكم وحياكم الله بالكويت ياللي خارج الكويت :d

 

[الشامري]

لحظه لحظه

بتروحون وتخلوني

أنا سجلت وياكم

 

[الريان]

انا سجلت


بس فيها رسوم 20 دينار ما تفرق مادام اقابل هالوجيه الطيبه واللي واحد يتشرف بالقعده معاهم

 

[SCREENER]

ان شاء الله راح اكون موجود وماراح اطوف هالفرصة

بس عسى بوعبدالله يمر ياخذني وماينساني

 

[ابو سعود]

نقول أن شاء الله إذا ما طلعت لنا ظروف تمنعنا ..

و إذا الربع في الدوام ما استهبلوا علينا ..

فإن شاء الله نجيكم من الريـاض ..

و بأجيب معي الشله بعد .. :d

 

[محامي]

بصراحه التعارف شي طيب وانا بعد وياكم بس انا ماعندي خبر عن هالندوه ومتى راح تكون

 

[S500]

نقول أن شاء الله إذا ما طلعت لنا ظروف تمنعنا ..

:d

النيه موجوده لكن الظروف لا نعلم عنها

ان شاء الله نشوف الوجيه الطيبه اللي بالمنتدى

 

[الريان]

شباب اللي يبي يسجل يتصل على هالرقم لاني اتصلت عليه واشترك مقابل 20 دينار

الرقم 6692070 داخل الكويت

من خارج الكويت 009656692070

وبالتوفيق اهم شي بهذه الدورة الجمع اللي راح تصير باذن الله عزوجل

 

[boalons]

يالله لك الحمد

هذي ماتتطوف

بس ذكرونا قبلها

 

[abu-reem]

الندوة ان شاء الله

انا عند ي ارتباط في هذا اموعد ثق تماما اذا تغير المو عد . انا موجود في الندوه
انشاءالله .................

 

[النوووخذه]

وانا بذيج الساعه الي نتعرف فيها على بعض من قرب .. ونلتقى بالاخوان الي معرفتهم بالنسبه لي اهو اكبر مكسب

انا بسجل ان شاء الله واتأمل اني اكون وياكم

 

[الشامي]

لا تنسوني

وانا بعد وياكم

 

[ahmad74]

وانا بعد وياكم

بس المشكله انه اشلون راح انعرف بعض؟؟

 

[الريان]

انا راح تعرفوني بشي واحد

كنت البس نظاره بس الحين مال البس نظاره

وثاني شي ابحط ورده على على عقالي وابي اربط مسباح اسود على يدي اليسار وبس :d

 

[Eng.Q80]

وانا بعد سجلت و فرصة انتعرف على الناس الطيبة

 

[a2i advisor]

والله غمرتونا بكرمكم يالربع، ويسعدنا ويشرفنا بل نحن تواقين للقائكم واستقبالكم معانا فى الندوة، وعلى راسى والله، وليسمح لى بقية اعضاء المنتدى ان اقدم تحيات خاصة من الاعماق و"سلام مربع" لكل من الأخوة الراغبين بالاشتراك: SAIF1743 و Day_Trading و Zoom و الشامرى و الريان و Screener و محامى و S500 و Boalons و Abu-Reem و النوووخذة و الشامى و Ahmad74 و ENG.Q80 وبالطبع تحية خاصة لادارة المؤشر نت. وعسى الله لايقطع الوصل .
اخوكم/ عدنان الدليمى
هاتف: 009656692070
ايميل: adnan@arab2invest.com

 

[a2i advisor]

والله غمرتونا بكرمكم يالربع، ويسعدنا ويشرفنا بل نحن تواقين للقائكم واستقبالكم معانا فى الندوة، وعلى راسى والله، وليسمح لى بقية اعضاء المنتدى ان اقدم تحيات خاصة من الاعماق و"سلام مربع" لكل من الأخوة الراغبين بالاشتراك: SAIF1743 و Day_Trading و Zoom و الشامرى و الريان و Screener و محامى و S500 و Boalons و Abu-Reem و النوووخذة و الشامى و Ahmad74 و ENG.Q80 وبالطبع تحية خاصة لادارة المؤشر نت. وعسى الله لايقطع الوصل .
اخوكم/ عدنان الدليمى
هاتف: 009656692070
ايميل: adnan@arab2invest.com

ارجو من اخوى ابوسعود ان يعذرنى نسيت اشكره بعد؛ مشكور يا ابوسعود من القلب على رغبتك بالمشاركة، وحياك الله انت واهل الرياض واحبابنا الاعزاء الغالين شعب المملكة فى بيتهم كبار.

 

[عجيب]

بأذن الله سوف أحضر ، و فرصة نتعرف على بعض و نستفيد من بعض


أخوكم / عجيـــب