فزعه تكفون

[ابو مبارك 1]

السلام عليكم
للى عنده خبره تكفون لاتبخلون علينا
الموضوع انه واحد من الربع بدل مع واحد من الشباب عطاه تخصيص واخذ بيته وكان البيت فيه مستاجر وطبعا بلغ الى مستاجر البيت انه يبى البيت يسكن فيه طبعا المستاجر طلب مهله 3شهور حتى يتدبر امره ويعثر على بيت وطبعا لايوجد بينه وبين صاحب البيت الاول عقد ايجار المهم الحين حل موعد المهله والمؤجر يماطل يقول مالقيت سكن والكلام هذا وقاعد يتحجج ياجماعه شنو الدبره شنو الحل مع هذا تكفون صديقى فى ضيقه خصوصا انه تم قطع بدل الايجار وقاعد بايجار وحالته تعبانه تكفون يااهل الاختصاص نورونا

 

[ياسر الروقي]

مابني على باطل فهو باطل
البيت تابع لمؤسسه العامه لرعايه السكنيه كيف يؤجر
اذا عرفت المؤسسه ان البيت مؤجر تسجب البيت من صاحبه
واكبر دليل ان البيت تابع لمؤسسه انه تم تبديله بتخصيص صح يا بو مبارك ولا انا غلطان
حتى تتضح الصوره للاخوان ويساعدونك

 

[rahaly]

اخوي .. صاحب البيت الجديد .. يرفع دعوى اخلاء للحاجة للسكن
ويخلي المستأجر .... وسلامتك

 

[almoress]

اخوي .. صاحب البيت الجديد .. يرفع دعوى اخلاء للحاجة للسكن
ويخلي المستأجر .... وسلامتك

رحالي



ما شاء الله عليك وجزاك الله خير على خدمتك لأخوانك


دايما سباق لخدمة اخوانك نسأل الله أن يجزيك خير الجزاء

 

[ابــوخــالــد]

اخلاء للحاجة للسكن

الاخ رحالي

ما الفرق بين اخلاء للحاجه للسكن و طرد الغاصب

وماهي القضيه الاسرع في اصدار الحكم والتنفيذ

تقبل احترامي لك

 

[fayoona74]

اسفة عالمداخلة بس بجاوب
غاصب العقار او العين هو واضع اليد عليه بغير صفة او مسوغ قانوني مشروع
المؤجر واضع يد على العين بموجب عقد ايجار مبرم بين المالك وبينه
يختص القضاء المستعجل بدعوى طرد الغاصب شرط عدم التراخي في رعفعها اضافة الى ضرورة جود ادلة ومستندات تثبت ذلك والا فان القضاء المستعجل سيقضي بعدم الاختصاص
تختص دائرة الايجارات بدعوى الاخلاء للحاجة للسكن
الاسرع دعوى طرد الغاصب لان من دواعي العجلة طرده ليتمكن المالك الشرعي للعين من الانتفاع بالعقار او العين التي يملكها بموجب سند قانوني

دعوى الاخلاء للحاجة للسكن تستند الى قانون الايجارات في حين ان دعوى طرد الغاصب يستند الى احكام القانون المدني
اسفة مرة ثانية بس السؤال عجبني

 

[ابــوخــالــد]

اسفة عالمداخلة بس بجاوب
اسفة مرة ثانية بس السؤال عجبني

بارك الله فيج فيووونه دائما متميزه والله يعطيج الصحه والعافيه

(( قلتي الاسرع طرد الغاصب بس ما قلتي المده التقريبيه لصدور الحكم ))

تقبلي احترامي اختي فيوونه

 

[ابو مبارك 1]

السلام عليكم
بدايه اشكر الجميع على فزعته معانا
الموضوع انه صديقىسوى تبديل مع صاحب البيت الاولى وعطاه تخصيص الحين صاحبى لم يؤجر العائله الى فى البيت وكان مبلغهم بالاخلاء خلال 3 شهور الحين هذا المغتصب للبيت مافيه عقد ايجار بينهم وقاعد يماطل بحجةانه ماحصل سكن وصاحبى راح فيها ماكو بدل ايجار ويدفع ايجار شقته الحين يا الطيبين والطيبات شنو العمل وضحو الامر مسكين يلاعبونه كل شوى يكلمهم وهم يخدعونه بالكلام الزين الى مايجيب نتيجه لا ترى صديقى على باب الله يعنى ماعنده مقدم محامى وحالته ماتسر شلون الطريقه فى المحكمه

 

[ياسر الروقي]

السلام عليكم
بدايه اشكر الجميع على فزعته معانا
الموضوع انه صديقىسوى تبديل مع صاحب البيت الاولى وعطاه تخصيص الحين صاحبى لم يؤجر العائله الى فى البيت وكان مبلغهم بالاخلاء خلال 3 شهور الحين هذا المغتصب للبيت مافيه عقد ايجار بينهم وقاعد يماطل بحجةانه ماحصل سكن وصاحبى راح فيها ماكو بدل ايجار ويدفع ايجار شقته الحين يا الطيبين والطيبات شنو العمل وضحو الامر مسكين يلاعبونه كل شوى يكلمهم وهم يخدعونه بالكلام الزين الى مايجيب نتيجه لا ترى صديقى على باب الله يعنى ماعنده مقدم محامى وحالته ماتسر شلون الطريقه فى المحكمه

يا ابو مبارك اذا البيت تابع لمؤسسه العامه لرعايه السكنيه حسب ما فهمت ولا يوجد عقد ايجار لانه بالاصل لا يؤجر
خل صاحبك يراجع مكتب مدير امن المحافظه التي تتبع المنزل
ويدخل على المدير ويبلغ الموضوع
هناك مشاكل كثير تحل بدون قضايا ودوخة راس

 

[ابوفيصل2008]

اخوي اسهل طريقه روح المخفر واشتكي عليه مدام لايوجد عقد ايجار بينه وبينك او مع المالك السابق. واطلب من المخفر ان يخلوه البيت من المؤجر بالقوه وهذا من حقك لان لايوجد اوراق تثبت إنه مؤجر..
اخوي بالعربي تقدر تحذف اغراضه بالشارع غصبن عنه ويطلع من البيت اذا ماعنده عقد ايجار

 

[ابو مبارك 1]

السلام عليكم

اخوانى واخواتى الطيبين ارجو من الكل اعطائى اجابه قانونيه مايصير ناخذ اغراض الرجل ونحذفها بالشارع مايصير وحنا نبى ننهى الموضوع باخراجه مانبى ندخل فى مشاكل وتعويض احنا نعم مابينا عقد والبيت صار لنا ماخذينه 4شهور تقريبا لكن الرجل ماجر من راعى البيت الاولى لا وبدون عقد بعد يعنى احترنا مع العلم المخفر يحلها ودى او يقول روحو للمحكمه ومشكورين