استفسار - عن استيراد السيارات - جزاكم الله خير

[Customer]

السلام عليكم ورحمة الله وبركاتة


ودي اجيب سيارة من السعودية او الامارات موديل التسعينات
لكن سمعت انه خلااااص وقفوا الاستيراد من برى للسيارات اللي طاف عليها اكثر من 5 سنوات
يعني موديلات اقل من 2005 ماتدخل الكويت او الفحص الفني بالمرور مايستقبلها
قبل كان عادي تاخذ استثناء من وزارة التجارة وتدخل السيارة
لكن الحين سمعت انه الفحص الفني مايقبلها حتى لو عندك استثناء


اللي عندة معرفه وخبرة بهالامور ياليت يفيدنا

ومشكورين​

 

[style_kuw]

وعليكم السلام ورحمه الله وبركاته
بخصوص الأستيراد فعلا توقف الأستثناء والأمور تأزمت أكثر الموديل المسموح رسمي 2005 لغاية تاريخ 12|2009 من ثم مع دخول السنة الجديدة يمنع ويسمح بالسنة اللي تليها 2006 وبالنسبة للقديم من سنة 1983 واقل يدخل ضمن مايسمي بالأثري أو الكلاسيك وهو أيضا مسموح نصيحه للأخوان عدم المخاطره وفقكم الله وتقبل الله طاعتكم

 

[كنكون]

انا سمعت انه من موديل 2007 شهر 9 وطالع لى 2009 ماياخذون عليه جمارك اذا عندك ورقه المقاصه او المنشأ
اما من 2007 من شهر 8 وتحت لى 2005 ياخذون عليها جمارك حتا لو عندك ورقه المقاصه
والله اعلم

 

[Customer]

وعليكم السلام ورحمه الله وبركاته
بخصوص الأستيراد فعلا توقف الأستثناء والأمور تأزمت أكثر الموديل المسموح رسمي 2005 لغاية تاريخ 12|2009 من ثم مع دخول السنة الجديدة يمنع ويسمح بالسنة اللي تليها 2006 وبالنسبة للقديم من سنة 1983 واقل يدخل ضمن مايسمي بالأثري أو الكلاسيك وهو أيضا مسموح نصيحه للأخوان عدم المخاطره وفقكم الله وتقبل الله طاعتكم

كلامك مضبوط
بس قبل كان الاجراء لما توصل السيارة ميناء الشويخ تروح وزارة التجارة وتطلع استثناء يعني مو قبل لا تستورد السيارة
ولك سيارة وحدة بالسنة
والحين سمعت انه حتى لو تطلع استثناء من التجارة
الفحص الفني بالمرور لما تروح لهم عشان تحط عليها اللوحات يردونك

ما في احد جاب سيارة موديل التسعينات يفيدنا ...؟