زين من سرعة 7.2 إلى سرعة 64 والله مسخرة

[zinger]

السلام عليكم
والله أكبر مسخره
انا مشترك بسرعة 7.2 زين ، وتفاجأت اليوم أن النت بطئ حده
وشفت الراوتر يشب ليت احمر أتصلت على زين وقلت لهم السالفه قالوا لي ان الخدم شغاله وياك 100 % لكن سوينالك داون جريد من تاريخ أمس
قلت له اوكي مافي مشكله لكن سألته جم السرعه اللي نزلتوها لي الحين رد على الموظف السرعه اقل من 128 وقلت له اخوي جدامي اشوف السرعه حدها 64 قال اي يمكن ماادري ويأكد أن السرعه اقل من128
وخايف يقول لي السرعه 64
حسبي الله ونعم الوكيل فيهم
يعني السرعه من 7.2 الى أدنى سرعه والحمدلله اني مشترك دي اس ال حق البيت والحين شبكت بالدي اس ال
خاف بعد شوي دايل اب نرجع للوراء​

 

[محمد2000]

لا رقابة عليهم من قبل وزارة المواصلات ... الدعوة سايبة .
يحطون اعلانات بالشوارع وعلي عينج يا حكومة .. وبعدين مثل منت شايف كذب علي الناس وسحب فلوس علي النصب والاحتيال .
وين الرقابة وين القوانين .​

 

[zinger]

حسبنا الله ونعم الوكيل
كلمت مسؤولهم ويقول لي هذه سياسة وقانون

 

[dcnaq]

زين وووطنية اخيس شركه شفتهم بحياتي

شركة فيفا والله اهمه صج الي يقدرون يعطونك سرعه 7.2

وعادي السرعه توصل 5 الى سته ميجا عندك

اما زين لو وصل 512 تمام لوووول ولا راح يوصل ...: ))

 

[zinger]

حسبي الله ونعم الوكيل فيهم
اسلوبهم وصخ بالتعامل
حرام عليهم والله عطلوا اشغالنا
المشكلة انا نزلت القرأن الكريم لأكثر من قارئ يمكن 3 قراء حق الشهر الفضيل .
ومفروض يدزون لي مسج او طريقة ينبهون المشترك انه قرب ينهي استخدام الحد الأقصى للأيقو وانا اشتراكي 27 دينار شهريا والأشتراك بأوله المشكلة ينتهي 5 / 2010
يعني مصيبه ، والحين بنتظر لى 1/10/2009 علشان يفتحون السرعه مرة ثانية
لو اهم محترمين ويقدرون العملاء مفروض السرعه يخلونها اقل شئ 512 او 256 مو ادنى سرعه

لكن انا والله طافتني حركة بسويها فيهم ، الأشهر اللي طافت ماكنت اسوي داون لوود ، والشهر الياي قبل نهاية الشهر بسوي داون لود الحد الأقصى قبل انتهاء الشهر وكل شهر بسوي هالحركه ويكون جذي حللت الأشتراك وفلوسي منهم .
والله الحين سرعة الأيقو جنها دايل اب ويمكن دايل اب اسرع بوايد .

 

[dcnaq]

^^

الله يعينكم والله ..