الحذر من بنك بوبيان

[العازمي32]

الله واعلم فيه شئ

 

[انوفستي]

لو ناديت لأسمعت حيا

 

[ناصر فيصل]

بوبيان

البنك الوطني قاعد يشتري حتى يكمل 40% الخبر معلن .

 

[vartona]

البنك الوطني قاعد يشتري حتى يكمل 40% الخبر معلن .

ما في اعلان
للاسف اخي العزيز

 

[العازمي32]

البنك الوطني قاعد يشتري حتى يكمل 40% الخبر معلن .

وين لاعلان بارك الله فيك

 

[انوفستي]

البنك الوطني قاعد يشتري حتى يكمل 40% الخبر معلن .

صحيح بس يمكن يبيع بعد فرصه له بهالاسعار

 

[fen6as]

عاجل .. بنك الكويت الوطني يستحوذ على حصة مجموعة الأوراق المالية في بنك بوبيان


15/09/2009 - 11:14


مباشر





ذكرت cnbc عربية في خبر عاجل لها اليوم أن بنك الكويت الوطني قد استحوذ على حصة مجموعة الأوراق المالية في بنك بوبيان ليرفع حصته في البنك إلى 40%.وسوف نوافيكم بالتفاصيل تباعا.....

 

[حفار قبور]

أي عميل اللي عنده هالكمية في بوبيان وقاعد يبيعها ؟

شي غريب فعلا

 

[انوفستي]

اقول مبروك لمجموعة الاوراق باعوا بربح طيب جدا ادارتهم محترفه تستحق التحية لو صدق الخبر
والله يوفق الوطني بالشروة و يطلع بوبيان من مصيبته في الخساير والاستغلال الذي مورس باصوله من قبل الادارات السابقة

 

[khaled1]

الف مبروك للطرفين
الوطني لو موشايف ربح في بوبيان مايشتري بهالسعر
والاوراق في ظل ازمة حققوا ربح والكاش ايضا كان موجود

والله سوقنا بخير وشركاتنا (مو كلها) فيها خير
بس جرايدنا اللي مافيها خير والتشاؤم والاخبار النص اهي سبب المصايب

الله كريم

 

[Swiss]

السلام عليكم ...

قدر الله وما شاء فعل.

 

[بيتك للتداول]

مبروك على هوامير الوطني سرقة بنك بوبيان من الدار ....

مجموعة الاوراق عندما دخلت المزاد لم يكن هدفها المنافسة ... ولكن التستر وغض البصر عن الوطني ..
حتي لا يطلع مسلم البراك ويقول (( الحيتان ))

صحيح اصبحنا بشريعة الغاب (( القوي يأكل الضعيف ))

لا اخلاق.. ولا حكومة .. ولا مجلس .. ولا ولا ولا الله يستر ولا حول ولا قوة الا بالله

 

[NewYork Broker]

الوطني راح يبدأ المشوار بالمعاملات الإسلامية

و راح يحاول يكسر بيت التمويل بكل قوة

و كلها جم سنة و نعرف النتائج

 

[الصريح والصحيح]

يمكن تنحل مشكلة الدار عقب بيعة المجموعه لأن المجموعه مايغشمر الوطنى عنده غشمره ولف ودوران

 

[talal888]

توقعاتكم لسهم بوبيان هل فيه صعده ولا خلاااااص ؟؟؟؟؟
وهذ حده

 

[انوفستي]

توقعاتكم لسهم بوبيان هل فيه صعده ولا خلاااااص ؟؟؟؟؟
وهذ حده

توقعاتي السهم قوع
يصف يم الدولي
لين يبين شغل الوطني

 

[B.I.G]

مبروك على هوامير الوطني سرقة بنك بوبيان من الدار ....
مجموعة الاوراق عندما دخلت المزاد لم يكن هدفها المنافسة ... ولكن التستر وغض البصر عن الوطني ..
حتي لا يطلع مسلم البراك ويقول (( الحيتان ))

صحيح اصبحنا بشريعة الغاب (( القوي يأكل الضعيف ))

لا اخلاق.. ولا حكومة .. ولا مجلس .. ولا ولا ولا الله يستر ولا حول ولا قوة الا بالله

لا سرقه ولا شي الوطني بنك عريق ومنظم ويفكر ويخطط لي جدام وما يبوق نفسه.... بالعكس الوطني راح ينقف بوبيان من البلاوي اللي فيه

يذكر عليك يوم كان بوبيان بمحاري الربع دينار وطلع حجي إن راح يفلس وهذا ينم عن سوء الإداره اللي كانت ماسكه

وبعدين لو الدار كفو جان ما باقوه منهم غلى قولتك

خل يردون شركتهم للتداول بالأول.....فلوس الناس المساكين مجمده من اكثر من 6-7 تشهر وللحين ما يدرون مصيرهم بسب ناس ما عندها ضمير ولا تخاف الله

ولعلمك ملكية الدار في بوبيان كانت من فلوس إكتتاب شركة إستحواذ 250 مليون دينار خذوهم من خلق الله وشروا فيهم اسهم بوبيان والحين سهم إستحواذ بسوق الجت ب 40 فلس ...!!!

والمصيبه الأكبر انها شركه إسلاميه وتسوي هالسوايا.....!!!!!!!

تقبل تحياتي

 

[انوفستي]

لا سرقه ولا شي الوطني بنك عريق ومنظم ويفكر ويخطط لي جدام وما يبوق نفسه.... بالعكس الوطني راح ينقف بوبيان من البلاوي اللي فيه

يذكر عليك يوم كان بوبيان بمحاري الربع دينار وطلع حجي إن راح يفلس وهذا ينم عن سوء الإداره اللي كانت ماسكه

وبعدين لو الدار كفو جان ما باقوه منهم غلى قولتك

خل يردون شركتهم للتداول بالأول.....فلوس الناس المساكين مجمده من اكثر من 6-7 تشهر وللحين ما يدرون مصيرهم بسب ناس ما عندها ضمير ولا تخاف الله

ولعلمك ملكية الدار في بوبيان كانت من فلوس إكتتاب شركة إستحواذ 250 مليون دينار خذوهم من خلق الله وشروا فيهم اسهم بوبيان والحين سهم إستحواذ بسوق الجت ب 40 فلس ...!!!

والمصيبه الأكبر انها شركه إسلاميه وتسوي هالسوايا.....!!!!!!!

تقبل تحياتي

الجزء الاول عين الصح
الجزء الثاني من كلامك افضل ياخوي ما تحط بذمتك الكلام وانت مو متيقن

 

[B.I.G]

الجزء الاول عين الصح
الجزء الثاني من كلامك افضل ياخوي ما تحط بذمتك الكلام وانت مو متيقن

اخوي انا ما احط بذمتي واللي قلته صحيح ومتيقن منه وهذا شي من لا شي والخافي اعظم

موفق خير

 

[khaled1]

مبروك على هوامير الوطني سرقة بنك بوبيان من الدار ....

مجموعة الاوراق عندما دخلت المزاد لم يكن هدفها المنافسة ... ولكن التستر وغض البصر عن الوطني ..
حتي لا يطلع مسلم البراك ويقول (( الحيتان ))

صحيح اصبحنا بشريعة الغاب (( القوي يأكل الضعيف ))

لا اخلاق.. ولا حكومة .. ولا مجلس .. ولا ولا ولا الله يستر ولا حول ولا قوة الا بالله

سرقة بوبيان من الدار ؟؟؟؟؟؟؟
طويل العمر الدار والتجاري للحين قضيتهم بالمحاكم الوطني كان يبي الاسهم من التجاري الدار رفعت قضية وقفت السالفة الوطني معزم وعنده سيولة الهيئة باعت وخلي بالك (باعت بربح) دش مع الوطني مجموعة الاوراق على المزاد كونهم عندهم كاش

الاوراق باعت وخلي بالك (باعت بربح) والوطني لايزال عنده كاش

وين السرقة اللي صارت ؟؟؟؟؟؟؟؟؟؟؟؟؟؟؟

لاتحط بذمتك طال عمرك