السلام عليكم ورحمة الله وبركاته يا اخوان انا عندي باثفندر والبارحه شغلت الموتر ولا اسمع فيه صوت اقشر بالبداية حسبت ان الصوت من المكينه ولكن يوم رحت للشويخ قالولي بالاجماع انه (( جنزير الصدر )) و انا بما اني عليمي بالسيارات فأطلب منكم يا اخوان فضلا لا امرا .. من لديه الخبره لا يبخل علينا ... لاني رحت لأكثر من مكانيكي ولقيت ان الاسعار ما هي على حد معين .. كل واحد يعطيني سعر بعيد عن الثاني فاللي يعرف سعر تصليحه لا يبخل علينا ونكون له من الشاكرين وعسى الله يجزيه خير الجزاء وشكرا لكم
وعليكم السلام اخوي قبل لا تسوي شي شيك على الغايش لان في واحد حصله نفس المشكله وطلع الغايش فيه قطع صغير ومطلع صوت جرب منت خسران
بارك الله فيك اخوي سالم على التفاعل و جزاك الله خير , لكن ماهو الغايش لاني تأكدت انه جنزير الصدر بإجماع الميكانيكيين ( اكثر من سبع مكانيكيين تقريبا )
يا اخوان ثلاثين شخص دخل الموضوع ولا فيه احد ادلى بدلوه ليفيدني ويحتسب الاجر عند رب العالمين ؟ يا جماعة الخير الله يرحم والديكم لحد يبخل علينا بمعلومه ممكن تفيدني وتفكني من سالفة النصب والاحتيال ,, وجزاكم الله خير
السلام عليكم ورحمه الله وبركاته ,, يالغالي اذا كان سيارتك ماشية أكثر من 150 ألف فأعتقد انه جنزير المكينة وأسئل أهل جيوب اللكزس لأني معي جيب لكزس وبعد مية وخمسين ولعت لمبة المكينة وهذا من جنزير المكينة ورحت وغيرته في الوكالة هذا من تجربة والله آعلم ,,وأتمنى أني أفدتك ,, وياليت أن كنت تعرف أحد بيبع باثفندر 2005 لؤلؤي فل كامل ياليت تخبرني ,,, والله يوفقك ,,,
بارك الله فيك اخوي الموسيقار وجزاك الله خير والسيارة فعلا ماشيه بحدود ال 130 الف كيلو , لكن انا حاب اعرف كم قيمة تغيير جنزير الصدر او كم قيمة تصليحه ؟ وشاكر لكل من اجتهد في مساعدتي
هلا فيك اول شيئ التكلفه راح تكون بحدود 30 الي 60 او يمكن اكثر شويه احرص علي شراء جنزير الصدر اصلي ومو تجاري
