معاناة: كيف احول ملفي من مستشفى الجهراء الى مستشفى الصباح ؟........................

[Q8i11]

المراجعة الشهرية بمستشفى الجهراء معاناة
علاجات قاربت تنتهي صلاحيتها
زحمه بالمستشفى
زحمة سيارات
موظفات كويتيات نفوسهم بخشومهم و أخلاقهم زفت
مواعيد بالأشهر


اريد ان انقل ملفي الى مستشفى الصباح شلون الطريقة ؟

 

[alanzi]

وانا بعد ويااك
اذا نقلت ملفك انقل ملفى معااك
تعبت منهم والله
ولا بزيدكم شغله بعد
كانت عندي مراجعة عند العيادة الخارجية
العياده من الساعه 8 الى الساعة 11 فترة مسائيه فى رمضان
تصوروا ان الدكتور ما وصل اللى الساعة10 وربع
شرااااايكم

 

[Q8i11]

وانا بعد ويااك
اذا نقلت ملفك انقل ملفى معااك
تعبت منهم والله
ولا بزيدكم شغله بعد
كانت عندي مراجعة عند العيادة الخارجية
العياده من الساعه 8 الى الساعة 11 فترة مسائيه فى رمضان
تصوروا ان الدكتور ما وصل اللى الساعة10 وربع
شرااااايكم

هاذي ديرتك يا ولد وايل

شوف لنا واسطه معاك ضبطنا

 

[العاشق]

والصباح اخس واخس الصحه كلها جذي البلد كلها ماشيه على البركه ومحد يعطي من عمره بالشغل يداوم الموظف ويكروت الشغل كروته وانت ماشي لا حسيب ولا رقيب

 

[alanzi]

طيب والعمل الحل شنووووو

تعبان والله تعبان
معلوومه اليوم صاارت معاي

رحت للمستوصف القريب من البيت بجيب دواء سكر حق الوالده
شنو تتوقعون قالوا لى
الحين مافى تعال بكره
والله العظيم
يقولى الحين مافى تعال بكره
طيب دواء سكر وانتظر لبكره
طبعا برووح اشتريه من الصيدلية

 

[العاشق]

شوف اخوي الوضع بالصحه رايح فيها بس بالنسبه للمستوصفات حسب رئيس المركز يعني اذا دكتور شقردي طالب بجميع انواع الادويه واذا مصري طايح حظ اللي يعطونه الصحه خذاه وان ماعطوه وانا مالي معلومه بصيطه فيه مستوصفات فيها جميع الادويه والمراهم وفيه مستوصفات فاظيه تسال الدكتور يقول مفيش ده بس في المستشفى او يقولك بس في عيادت القلديه عاوز رحلهم

 

[eng.explorer]

عندي لك نصيحة بس اخاف اهل الكويت يسوونها ونبتلش ( طبعا مراجعي الصباح )

النصيحة اجر في احد المناطق التابعة للصباح حتى لو شهر وحول البطاقة على العنوان الجديد وفك عمرك. وان بغيت بعدين رجع عنوانك فيها دوخة شوي بس ترتاح فترة طويلة.

شرايك بالنصيحة موفق خير

 

[أبو عمر]

يعني يكون الصباح أحسن من الجهرا ؟
اثنينهم أخس من بعض ! ::verymad::
الله يعينكم

 

[قلم حر]

اخوي التحويل سهل
قبل جم سنه زارني صديق جهراوي وقال بيحول
ملف زوجته (( الولاده الصباح )) وطلب مني اساعده
المهم سألت له عند صديق بمستشفى الصباح قالي صعبه
وقلت له قولي غير هالكلام هذا لاتفشلني برفيجي
المهم قالي عندك حل واحد وهو ضبطه باي مستوصف بالعاصمه
وخل يعطيه تحويل الصباح وهنيه نفتح له ملف بالصباح
وفعلا جبنا له تحويل وصار ملف زوجته بمستشفى الصباح
وانتهت السولافه​