الى متى تكفون ساعدوني

[جاسم الجسوم]

انا طالبكم تكفون ودي افتح لكم يمكن تلقون لي حل
انا عمري 18 اخوي الصغير عمره 12 بصراحه مو عاجبني احس كل ويخرب جرب وياه كل شي طق اتفاهم وياه حرمان ولأسف مانفع شي وانا اكبر اخواني وابوي متوفي وابي حل تكفون شسوي وياه اتمنى الدعاء منكم

 

[بو فلسين]

خل واحد بعمره من ربعه الخاصين ينصحه يمكن يوصلها احسن المعلومه

 

[قلم حر]

ما عندك عم او خال كبير ؟
كلمه وخله يتدخل
والله يهديه ويصلحه​

 

[جاسم الجسوم]

جربت كل شي
قلم حر لأسف ماعندي خوال

 

[العاشق]

اخوي يعينك الله
وساحله مساحل يمكن يجي باللين يعني تعاله من باب خلاص انت صرت كبير ورجال والكلام هذى وحاول تلجأ حق عم او خال اخوي اللي ماعنده كبير يشتريله كبير على قولت المثل
الله يهديه ويصلحه ان شاء الله

 

[سيف راكس]

نصيحه لاتظغط عليه اغلب الاعمار نفس الشي هذي طاقه تختلف من واحد لواحد ولاتحطه بالك وتراقب تحركاته ترى هذا توه صغير مسكين حن عليه وتحمله لك اجر كبير عند الله سبحانه لآنك تحملت اخوك الله يهديه وراح تشوف يصير قلبه عليك

 

[Anime]

خليك جمبه مثل اخ وصديق بنفس الوقت

حاول تتقرب منه بهدوء وتتفق معاه .... علشان تعرف انت في ايش يفكر وكيف يحب تتعامل معاه
وعلشان تعرف ايش اللي في باله .

بس لا يضيق خلقك بسرعه....


واذا في اشياء مثلا ما تحب انت يعملها اخوك او تتضايق لما اخوك يعملها

أحكي له قصه مسلية عن شخص كان يعمل كده وكده ... وحصل له كده كده حاجات

وصدقني هو ممكن يعمل حاله مو مهتم... بس راح يخلي كلامك في باله اذا كنت هادئ معه

ومو معصب ولا تتكلم معاه وكأنك انت الأكبر والمسيطر على كل شي... خليه يشاركك في كل شي.


أتمنى نصيحتي تفيدك....

بس انت أحكي لي كمان هو كيف؟ وكيف مسوي معاك ؟ .... يمكن اساعدك اكثر!



يلا الله يحفظك .... ويوفقك يارب

 

[باحث قانوني]

نصيحتي لك
امش على ميوله شوف بس شنو بخاطره وامنياته
تعرف عليها من ربعه وخله يتغرب منك لحظه بلحظه
ليم تحس انه ما يقدر يسغني عنك
وبعدها حركه على راحتك
مثل ما تبي راح يمشي معاك
بس يبيلها شوية صبر
والنتائج مضمونه ميه على ميه بحيل الله
مثال على كلامي مثلا شوف شنو يحب مثل شباب يحبون بهالعمر الفراره بالمجمعات
اخذه مطلع وياه وعرفه على ربعك ليمه تتمكن اللي يماشونه بفتره بسيطه راح ينسونه
اذا كل ما دقو عليه يلقونه طالع موفاضيلهم وحبه حبه راح ينسونه
والعنف ماينفع ابدا
وانا قاعد انصحك من باب علم النفس
واي شي تبي انا حاضر

 

[جوكوزال]

هذي مشكله ازليه
لكن اهم نصيحه لك خل صدرك وسييييييييييييييييييع

اذا ما حببته فيك الحين 000اذا كبر شوي يصير الامر عليك صعب والعناد للصغار مو لك 000يعني اذا اصر على شي تعاله بالاقناع من غير عصبيه ومن غير اسلوب انك انت القوي والكبير
ودايما الكلمه الطيبه تفتح جميع الابواب باذن الله

 

[الموحد1]

عليك بالدعاء بصدق والحاح ولاتمل قال تعالى: وقال ربكم ادعوني أستجب لكم

 

[ابوساره009]

أدع له بالهدايه والنصيحه وأن شاء الله يهديه

 

[العاشق]

خليك جمبه مثل اخ وصديق بنفس الوقت

حاول تتقرب منه بهدوء وتتفق معاه .... علشان تعرف انت في ايش يفكر وكيف يحب تتعامل معاه
وعلشان تعرف ايش اللي في باله .

بس لا يضيق خلقك بسرعه....


واذا في اشياء مثلا ما تحب انت يعملها اخوك او تتضايق لما اخوك يعملها

أحكي له قصه مسلية عن شخص كان يعمل كده وكده ... وحصل له كده كده حاجات

وصدقني هو ممكن يعمل حاله مو مهتم... بس راح يخلي كلامك في باله اذا كنت هادئ معه

ومو معصب ولا تتكلم معاه وكأنك انت الأكبر والمسيطر على كل شي... خليه يشاركك في كل شي.


أتمنى نصيحتي تفيدك....

بس انت أحكي لي كمان هو كيف؟ وكيف مسوي معاك ؟ .... يمكن اساعدك اكثر!



يلا الله يحفظك .... ويوفقك يارب

الإيمان يماني والحكمه يمانيه صدق رسول الله صلى الله عليه وسلم

 

[ايمان الكويتيه]

تبي النصيحه ..............وعن تجربه طبقتها على واحد من عيالي كنت ماأقدر اسيطر عليه مراهقته صعبه شوي .............. هلكته رياضه من نشاط لي نشاط ومن كرة سله لي سباحه لي رمايه لي درس المسجد كان يحط راسه عالمخده مهدوووووووود وعطه مسؤليه أي شي ان شاء الله يكون مسؤل عن الخبز يجيبه كل يوم وبتشوف اشلون بيطلع ريال يعجبك وأتوقع والله أعلم ان اخوك راح يكون متميز ,وطبعا دعاء الوالده .

 

[acton]

نصيحه اهم شي لاتمد ايدك عليه عامله معامله خاصه حاول تصير له صديق اكسبه تعاله بالطيب بدون عصبيه شوف شنو هوايته شنو يحب حاول ادخله بنادي يلعب رياضه شجعه عل اي لعبه يفضلها والاهم اصدقائه شوف سلوك ربعه ​

 

[nabhaan79]

خل قدوتك وقدوته الرسول صلى الله عليه وآله وسلم

أول طريقه : إبدأ بنفسك وإحرص على الصلاه في المسجد وشجعه وإخذه معاك .

ثاني طريقه : إبحث عن شيخ سلفي وحاول تحضر عنده لأنك بهذه الطريقه ستسمع قال الله وقال الرسول صلى الله عليه وعلى آله وسلم وإخذ أخوك معاك عشان يتلقى من الشيخ مكارم الأخلاق ...

لأن الشجاعه والكرم والطيبه وكل الأخلاق الكريمه موجوده بسيرته صلى الله عليه وآله وسلم

وأكثر من الدعاء والإلحاح بالدعاء

وأنظر لأصحاب أخوك وإذا كان هناك واحد فيهم أخلاقه مو طيبه أبعده عن أخوك .

ترا الكثير من الشباب فيه خير وطيبه ولكن يبحث عن هالخير ولا يدري وين يلقاه إلى أن يسخر له الله سبحانه وتعالى صاحب يدله على السنه وطريق الخير .

ولا تجعل السيف مكان العصا ولا العصا مكان السيف خلك حكيم ...

 

[zoya_y]

والله الاخوان ماقصرو

ص لازم يمارس هوايه شوووف شنو يحب من الرياضه وشركه بنادي خل يلهى بشي زين

وعسى ربي يفرجها عليك

 

[Kyokushin]

الله يعينك
الاخوان ماقصرو
وانا اللي علي بدعيلك الله يساعدك