لهذا السبب سأشتري آي فون ...تعالوا شوفوا الآي فون باليوتيوب

[أبو ناصر العجمي]

السلام عليكم


تقبل الله طاعتكم جميعا

صراحه كل ما شفت موضوع عن بيع آي فون وأشوف السعر أستغرب حيل للسعر المرتفع , لكن فعلا , إذا عرف السبب بطل العجب , وصراحه قررت بإذن الله تعالى إني أشتري لي آي فون .. والسبب ليس لسعره ولكن لإمكانيات هذا الجوال الهائله والرائعه جدا ...

ما أطول عليكم

هذا عرض من 11 فيديو كليب على يوتيوب يتكلم عن جميع مميزات آي فون ..

وللعلم تستطيع أن تنزل برامج كثيره على الآيفون ...


والآي فون هو لاب توب على شكل جوال ... هذا الأمر بكل إختصار , لكن بشكل أحلى وأجمل


تفضلوا أدخلوا وشوفوا

http://www.youtube.com/watch?v=E6_wBITf7cc&feature=PlayList&p=E7D3A9FD2A4FDF8C&index=0


مشاهده ممتعه لكم

واللي عنده تلفون غير الآي فون أنصحه يثمنه ويشتري له آي فون .. واللي ما عنده سعره أقوله .. لا تدش الرابط .. وتقهر نفسك على الفاضي .​

 

[التمساح]

ياااااااخي قسم بالله اني داش المنتدى بشوف سعر جهاز سامسونغ وصل كم وانت حاط هالموضوع ولخبطت حسبتي وكنت مقرر اشتريه
لحووول
ششتري الحين؟

 

[الفئة السابعة]

إي والله يا اخوي بو ناصر

صدقت يلي عنده غير الأي فون يروح يقطه وياخذله أي فون

هذا من بعد تجربة كان عندي سلسلة من تلفونات نوكيا ، بس شريت الأي فون ، تغيرت المعالم كلها ، صج لاب توب متنقل ، معتبره مثل ولدي

وعندي واحد أسود 16gb مفتوح رسمي 3gs بسعر 160 دينار

 

[ابو بندر2000]

إي والله يا اخوي بو ناصر

صدقت يلي عنده غير الأي فون يروح يقطه وياخذله أي فون

هذا من بعد تجربة كان عندي سلسلة من تلفونات نوكيا ، بس شريت الأي فون ، تغيرت المعالم كلها ، صج لاب توب متنقل ، معتبره مثل ولدي

وعندي واحد أسود 16gb مفتوح رسمي 3gs بسعر 160 دينار

اخوي تقصد 260 مو 160 صح ولا انا غلطان لان هذا الـs

 

[ابو بندر2000]

انا جربت اغلب التليفونات من نوكيا الي تليفونات الكفي الي فيها وندوز مثل سلسلة i-mate
وخسرت خساير لاكن جميع هذه الاجهزه لم يستمر عندي اكثر من شهر وجربت الايفون الـ2G
ماعجبني وايد الجهاز كان فيه مشاكل كثره ومميزات قليله بالمقارنه بالهواتف التي كانت في وقت نزوله لاكن عند تجربتي لل3Gs 32 تغيرت نظرتي عن الايفون 280 درجه واحترمت مصنعي هذا الجهاز لانه فعلا جهاز جبار وهو لاب توب في جيبك وغير سرعته في التصفح والتنزيل والتنقل بين البرامج واللعاب وتستطيع انك تمسكه بايد وحده وتتصل وتجري جميع شغلك كانك ماسك نوكيا مع ان عندي نوكيا N95 muis احس انه لعبه عند الايفون اعذروني علي الايطاله .
مشكور اخوي الموضوع

 

[عمــــر]

السلام عليكم

بعد اذن صاحب الموضوع

شنو معناه ( مفتوح رسمي ) وماهو ال 3gs وشنو افضل نوع نزل من الايفون وماهي مميزاته

وشكرااااا ...

 

[al.dosari]

خوش جهاز بلا نوكيا بلا بلاك بيري

 

[AL_RAGI]

اسمحلى اخوى ابو ناصر العجمى سؤال بسيط بسبب مدحك للايفون الجديد وهو هل استطيع ان اتابع اسعار البورصة الفورية ( الجافا ) بواسطة الايفون​

 

[KuWaiT DriFT]

السلام عليكم

بعد اذن صاحب الموضوع

شنو معناه ( مفتوح رسمي ) وماهو ال 3gs وشنو افضل نوع نزل من الايفون وماهي مميزاته

وشكرااااا ...

أرد على أخونا من بعد أذن صاحب الموضوع

أخوي مفتوح رسمي يعني مفتوح على جميع شبكات العالم الا و هي بالكويت وطنيه و زين و فيفا من الشركه (( شركة أبل )) مفتوح رسمي من عندهم مو بطريقه ثانيه

و اخر نوع للأيفون نزل 3Gs و اهوا يعتبر أفضل نوع كمواصفات مقروءة عن طريق الانترنت و لكن الله اعلم يمكن بالاستعمال ما يكون أفضل نوع و لكن هذا الشي يجاوب عليه المجرب انا الصراحه مو مجرب

و مميزات التلفون و انا للحين مو مجربه و ان شاء الله راح أجربه ما أقدر أفتيلك فيها و لا ابي اقولك شي أنا ما اعرفه او شي غلط بس بإختصار كثير من مميزاته ما تلقاهم بتلفون ثاني

و يشهد على كلامي المجربين هذا التلفون الرائع

و كافي متعة الجهاز و انت تستعمله بشاشه لمس بحساسيه عالية جدا جدا و دقيقه مو نفس اي تلفون لمس تلاقي شاشته أي كلام و اللمس بالشاشه ينرفزك فهمت علي

و يقولك التجربة خير برهان

جرب و ما راح تتحسف بس اشوي في عيوب و ما تقدر تقول عنها عيووب الا و اهيا البلوتوث أعتقد ان بس ارسال و ان مافي فيديو كول (( كاميره اماميه )) و نقل المعلومات للجهاز تتم عن طريق برنامج ال itunes و اهوا شي سهل بس يبيله تتعلمله

أسف على الإطاله

و بإذن الله راح أجربه

 

[بوحمود1]

هذا الجهاز يصلح حق اللى عندهم وايرلس فى كل مكان مثل امريكا اما داخل الكويت مامنه فايدة واغلب اللى يشترونه يقعد عندهم اسبوعين الى شهر وبعدين يمل منه ،،،، وحتى البلاك بيرى نفس الطريقة ،،،، ماكو على الاجهزة العادية ،، حجمها صغير وامكانياتها حلوة ..... والسلام

 

[الفئة السابعة]

اخوي تقصد 260 مو 160 صح ولا انا غلطان لان هذا الـs

سوري سقط سهوا

إي والله صاج يا بو ناصر 260 د.ك

 

[الفئة السابعة]

هذا الجهاز يصلح حق اللى عندهم وايرلس فى كل مكان مثل امريكا اما داخل الكويت مامنه فايدة واغلب اللى يشترونه يقعد عندهم اسبوعين الى شهر وبعدين يمل منه ،،،، وحتى البلاك بيرى نفس الطريقة ،،،، ماكو على الاجهزة العادية ،، حجمها صغير وامكانياتها حلوة ..... والسلام

بالعكس أخوي بحمود شفيها الكويت ، الله يحفظها مو مقصره بالانترنت والوايرلس بكل مكان وكل مجمع وكافيه

أنا عندي الحمد لله بالبيت والدوام وبس أروح المجمعات مو مقصرين الكافيات

 

[الحريه وطن]

مابي اكرهكم بالايفون بس شوفو الرابط واعرف شنو افضل جهاز بس للاسف مو موجود بالكويت كلكم دشو هنيه
http://www.youtube.com/watch?v=P3btPghuSx0

 

[الـكويـتي]

الحريه وطن انا استعمل الايفون 3g والله جهاااااااااز صخر بصراحه اتقنو صنعه اما هذا اللي انت حاطه بالم شكله بايخ وزراير وحركات نوكيا يحاولون يقلدون ايفون ونوكيا بنفس الوقت حرب بين الشركات زبدة الموضوع اللي يقدر يشتري ايفون لايطول بسرعه يشتري لانه جهاااااااااااااااااز قمه

 

[دهمشي]

العكس الايفون جهاز عجيب واللي يسبه مايعرف فيه شي فيه
ومقيوله
اللي مايعرف الصقر يشويه

 

[الحريه وطن]

طيب كم وصل سعر الايفون الجديد

وشنو ارخص محل يبيعهم وهل مفتوح يعني اقدر احدثه؟

دخلتوه براسي

 

[q8.1911]

طيب كم وصل سعر الايفون الجديد

وشنو ارخص محل يبيعهم وهل مفتوح يعني اقدر احدثه؟

دخلتوه براسي

نفس السؤال

هل هو جديد توه نازل وجم سعره وأفضل مكان أشتريه منه وعلى أي كفالة .... أرجوا الرد بسرعة قبل لا أغير رايي

 

[general_q8]

نفس الأخوان
+فيه عربي

 

[الحريه وطن]

يرفع للتفاعل

 

[almoress]

يا أخوان الأيفون الــ 3gs هو أحدث جهاز وماصارله تقريياً شهرين نازل السوق بأمريكا وباقي دول العالم


انا شريته قبل شهر ونص تقريباً


الجهاز بإختصار ومن غير ما اطول عليكم


بنظري أفضل جهاز بالعالم وما أفكر أغير عن الأيفون مره ثانيه خير شر


سعره كان بحدود 370 دينار وصار ينزل تدريجياً والحين تحصله بــ 300 تقريباً


أنصحكم بالي مفتوح رسمي


يعني يكون مصدره إيطالياً أو أستراليا أو هونق كونق


راح تلاقي بالمحلات بحدود السعر الي ذكرت والكفاله تتفاوت من محل إلى محل

أو حتى عند الغانم أو يوريكا


الجهاز لا يعلا عليه أي جهاز آخر وكل واحد يذكر الي صادف


أي أستفسار آخر انا ممكن أفيد الإخوان بعد أذن صاحب الموضوع


تحياتي