وكالات السيارات الكوريه بالكويت

[Taekwondo]

السلام عليكم .. يعطيكم العافيه جميعا ما عليكم بغيت اعرف رايكم بوكالة كيا و هيونداي بالكويت من ناحية التعامل وابي الردود من واقع تجارب شخصيه لو سمحتوا لأني ناوي على سياره منهم ومتردد صراحه

 

[فودري]

اخوي .... يعطيك العافيه ...
عندنا سيارة البيت كيا شوما 2
ماخذينها وكاله .. ومره اختربت شغله والله مادري شنو والوالد ودها السيرفس بالوكالة وماحصل عندهم القطعه !!!!!! وقالوا نطلبها لك من برا وراح اطول مادري جم اسبوع !!!!!
ومن يومها ابوي كره السياره والله وحتى بشويخ الكل يرقع فيها شوي وماكو لي الحين كراج بشويخ يشتغل فيها مثل الأوادم!!!

 

[Taekwondo]

مشكور على ردك الفودري .. لا بالله كدينا خير

 

[salem-1976]

شوف طال عمرك

السيارات الكوريه وصلت بجودتها السيارات اليابانيه واذا على الصيانه الوكالات فاشله بصراحه

واذا على القطع غير متوفره في سيارات قيمتها 20 الف وفوق مالها قطع الا بالطلب واقعد شهر وانت تراجع الوكاله

اخوي اذا تدور الرخص خذ لانسر 5 سنين كد ومد وبعدين بيعها

 

[Taekwondo]

تسلم اخوي سالم .. صراحه انا بخاطري جيب رخيص وكويس وعملي .. افتريت على اكثر من وكاله لحد الحين اقل سعر فيهم جيب كيا موهافي وبعده جيب هيونداي فيراكروز وبعدهم جيب اكاديا من جمس وبالاخير جيب بايلوت من هوندا

 

[GTO]

تسلم اخوي سالم .. صراحه انا بخاطري جيب رخيص وكويس وعملي .. افتريت على اكثر من وكاله لحد الحين اقل سعر فيهم جيب كيا موهافي وبعده جيب هيونداي فيراكروز وبعدهم جيب اكاديا من جمس وبالاخير جيب بايلوت من هوندا

السلام عليكم
اخوي محد يمدح الكيا بس الهيونداي ما ادري عنها
بس اذا تبي جيب اخذلك
فورد اكسبلورر
دوج دوارنقو بس سعره يطيح بسرعه
جمس انفوي او شفر بليزر
واسعار الشروكي مناسبه بس فيه عيوب مصنعيه(البككس الخلفي)
والجيبات الامريكيه سعرها زين وقطع غيارها متوفره بكثره
بس الي سعر مناسب هو الاكسبلرور
وسامحنا على القصور

 

[Taekwondo]

تسلم اخوي وعساك على القوة

 

[Syaaf]

انا اقولك اخذ اكسبلور رخيص وسعره فيه ومايتغير سعره , وقطع غيارة جداً رخيصه
وطبعاً فورد الكل يمدحها سيارات كد ومد

 

[صقرالبحر]

انا عميل هيوانداي

عندي منهم سيارتين

خوش شركه وسياراتهم ذات جوده عاليه
وانا مخلي السيارتين حق السفر

وحده حق سفرات مصر
والثانيه حق الخليج والامارات
وساعات يتبادلون سفرات ههه

السيرفس 7 دنانير علي ماتشرب القهوه
قطع غيار متوفره واسعارها جد مناسبه

هذا غير الفخامه والراحه والقوه والمتانه داخل السياره وخارجها

وهذي شهاده مني لهيوانداي .... شكرا هيونداي

 

[Taekwondo]

تسلم اخوي صقرالبحر .. واخيرا لقيت احد يصف بجانب الهيونداي الله يتمم عليك ان شاء الله وتكون عميل دائم معاهم .. مادري جربت جيب الفيراكروز منهم ولا لأ؟ هذا اكبر جيب عندهم ويشيل تقريبا 7 او 8 اشخاص

 

[بومعالي]

هيونداي من أحسن السيارات وأنا مجربهم شخصيا ... بس تالي خاروها بأسعار السيارات ... يعني أسعارهم أغلى من وكلاء الخليج بما لا يقل عن 1000 دينار وفي سيارات تتعدى

بالنسبة للكيا أنا ما جربتها ولا عندي فكرة عنها ولكن ماني مقتنع بسعر الموهافي نهائيا .

 

[صقرالبحر]

تسلم اخوي صقرالبحر .. واخيرا لقيت احد يصف بجانب الهيونداي الله يتمم عليك ان شاء الله وتكون عميل دائم معاهم .. مادري جربت جيب الفيراكروز منهم ولا لأ؟ هذا اكبر جيب عندهم ويشيل تقريبا 7 او 8 اشخاص

ماجربت الجيب

لكن عندي ثقه بكل سيارات هيونداي

تبي نصيحه

روح لحق علي موديلات 2008 ستوكات
ماانباعوا جدد للحين طايح من سعرهم 1600
ويعطونك اياها اقساط بدون فوائد نهائيا
وانا كنت عندهم قبل 4 ايام صراحه فرصه
واشكال 2008 نفس 2009 تقريبا

 

[Taekwondo]

تسلمون يا شباب على ردودكم صحيح يا بومعالي اسعارهم شوي مبالغ فيها لكن بيني وبينك على الرغم من سعرهم العالي شوي لكن مقارنة مع باقي الوكالات يظلون اقل الاسعار .. اخوي صقر البحر رحت لهم افا عليك لكن حسافه الجيب اللي ابيه خلصوا كل موديلات 2008 اللي باقي عندهم الازيرا واعتقد السوناتا واللي تعور القلب الجينيسيس صراحه روعه

ماكو الا ننطر جم شهر علشان موديلات 2009 تطيح بجبدهم وناخذها

 

[Taekwondo]

تقبل الله طاعتكم

 

[الموحد1]

طيب كم سعر الازيرا والسوناتا الاستوكات؟

 

[صقرالبحر]

ازيرا فل اوبشن 6300 اقساط بدون فوائد

كان سعرها 7600 كاش فقط

سوناتا مادري بس اعتقد 4000 اقساط بدون فوائد

 

[وقاص]

كيا افضل من هونداي طبعا

وتقريبا جنب بجنب مع السيارات اليابانية

ولكن انصحك بكيا افضل

ولكن الوكالتين لك عليهم بالنسبة للسيرفس وقطع الغيار

بس نصيحة تبي شي رخيص وجامد

اخذ من مازدا وعن واقع تجربه

بس مشكلة هالوكالات مالهم رغابة

اخذ من مازدا شكل تقريبا مناسب ودوسة قوية

وسعر مناسب

وموفق

 

[Taekwondo]

تسلمون يا جماعه .. جربت المازدا ياخوي لكن اذكر صدموني بسعر شغله منهم ومن يومها وانا منحاش منهم واللي اهي كمبريسر السياره كان سعره 400 دينار من يومها وانا موخر عن المازدا حتى كمبريسر الاوبل اللي اهو الماني ارخص من جذي

ووكالة كيا تبع المطوع صاحب وكالة فولفو يعني اعتقد قطعه اغلى من الهيونداي الله كريم ان شاء الله واتوفق بسياره جيب عائلية تريحني

 

[أحمد ظاهر]

اخوي انا عندي الاهل ماخذين جيب كيا سبوتاج .. صار له تقريبا 3 سنين والحمد لله ما في اي مشكلة

والسيرفس زين ومعاملتهم طيبة .. والسيارة الحمد لله طيبة

 

[Taekwondo]

تسلم اخوي احمد .. وعساه جيب مبارك ان شاء الله ويكافيك شره يا رب .. ننطر على نهاية السنة ونشوف عروضهم