الله يجزاكم خير ساعدوني بخصوص هذا الامر في التامينات

[راشد الماجد]

السلام عليكم ورحمة الله وبركاته
مرحبا شباب كيف الحال
يا شباب الله يجزاكم خير ياليت تساعدوني بخصوص هذا الامر
انا حاليا موظف بقطاع خاص في شركه خاصه تسكرت قبل فتره بسيطه
واسمي حاليا مسجل بالتامينات بخصوص اني موظف بالشركه
وانا بعد العيد بقدم على وظيفه بالبنزين
وطلبو مني مجموعه من الاوراق من بينهم ورقه من التامينات ( كتاب التامينات الاجتماعيه ) فما ادري شنو قصدهم هل قصدهم ورقه من التامينات اني غير موظف او اني غير مسجل بالتامينات
اذا كان هذا قصدهم فكيف اجيب لهم الورقه للعلم اني موظف في الشركه الخاصه اللي اغلقت قبل فتره
فهل اجيب لهم ورقه من المدير نفسه كاتبها ومختوم عليها ومكتوب فيها ان الشركه انهت خدماتي وتم فصلي واخذ الورقه واقدمها للتامينات والا كيف ؟
ارجوكم ساعدوني يااخوان
والف شكر لكم

 

[general]

لابد ازاله اسمك من التأمينات لاجراء اي معامله اخرى والمقصود من طلبهم لشهاده التأمينات انهم يبون يعرفون انك غير موظف وغير مسجل , وللاسف انت لازلت مسجل بالتأمينات
وماكو شي اسمه الشركه تسكرت والشركه فلست , انت قانونيا مسجل كمؤمن عليه بالتأمينات و موظف
الحل الوحيد عندك تسوي كتاب موجه للتأمينات بإسم الشركة وتكتب الساده مؤسسه العامه للتأمينات الاجتماعيه الموضوع انهاء خدمه موظف
يرجى التكرم بإزاله اسم الموظف _________________________ رقم مدني ________________________ حيث انه قدم استقالته بتاريخ ___________ واعتبار هذا التاريخ وقت انهاء خدماته وازاله اسمه من مؤسستكم كمؤمن عليه .
تاريخ التعيين ___________________
الراتب ________________
تفضلوا بقبول فائق الاحترام
مدير عام الشركه (ويوقع عليها و يختمها اذا كان للشركه ختم)

وتاخذ من التأمينات ورقه اسمها اشعار 103 انت قول لموظف الاستقبال بالحرف الواحد ابي اشعار نموذج 103 وتخلي المدير العام للشركة يوقعها والمفروض يعبي البيانات لكن خل البيانات فاضيه اخاف تعبيهم غلط والاحسن تخلي موظف التأمينات اهو يعبيها لك دام انها موقعه من المدير و مختومه ان كان للشركه ختم

بالنهايه صار عندك ورقتين (اشعار 103 + كتاب من الشركه موجه للتأمينات) وتروح التأمينات دور الثالث قسم البريد وتعطيهم ياه ويقولون لك 7 الى 10 ايام اسمك سيتم ازالته وتتصل عليهم او تروح لهم بعد اسبوع وتشوف اسمك تم ازالته ولالا

ملاحظه :
1- هذا السؤال وايد تكرر بس مادري ليش ماتستفيدون من الردود السابقه .
2- الموظفه راح تقول المفروض انت الي تعبي اشعار 103 , قول لها تكفين ماعرف وانا متوهق وفيج الخير ومن هل حجي الحلو.

 

[راشد الماجد]

السلام عليكم ورحمة الله وبركاته
اخوي جنرال بو عقيل الله يعطيك العافيه اولا ما قصرت
ثانيا يالغالي يعني السالفه ما يحتاج اروح حق دعم العماله يعني بس التامينات ؟
ثالثا يعني بالبدايه اروح التامينات اخذ الاشعار واوديه للمدير يوقعه واخذ من المدير ورقة انهاء خدمه ؟
اخر شي يا طويل العمر الاشعار لازم اخذه وممكن اعرف شنو التفاصيل اللي فيه لان ممكن انا اعبيه
والف شكر لك وما قصرت يالطيب

 

[general]

اهلا فيك دعم العماله تروح له اخر شي عشان تقول لهم وقفوا صرف الراتب لان ان ماقلت لهم راح يستمرون بصرف الراتب وعقبها تتراكم عليك مبالغ لازم تردها لكن شغلك لغايه التأمينات يعتبر انك خلصت وتقدر تسجل بالديوان ماكو مشكله
واجابه ثالثا اي نعم
نمذج اشعار 103 تحط بياناتك ورقم تسجيل الشركه واخر مرتب وابتداء خدمتك وانتهاءه واشتراكاتك , انت عبي الي تقدر عليه والباقي هده اهم يعبونه

 

[راشد الماجد]

الف شكر لك اخوي الغالي جنرال والله يجزاك الف خير يالغالي