افدونا بخصوص التكييف المركزي

[nayef78]

افضل التكيف المركزى شنو الافضل واي الشركات احسن التركيب

 

[almellyarder]

3 انواع

السلام عليكم

1 - هيتاشي الغانم والدكت حديد وليس فيبرجلاس
2- أل جي
3- كولكس الصناعات الوطنية

 

[nayef78]

السلام عليكم

1 - هيتاشي الغانم والدكت حديد وليس فيبرجلاس
2- أل جي
3- كولكس الصناعات الوطنية

جزاك اللة خير وكل عام وانت بخير

 

[بوعبدالعزيز68]

السلام عليكم

1 - هيتاشي الغانم والدكت حديد وليس فيبرجلاس
2- أل جي
3- كولكس الصناعات الوطنية

يعطيك العافيه على الموضوع
بالنسبه للكولكس وايد زين بس الاداره عندهم وايد تعبانه هذا طبعا كلام وايد ناس مجربين وياهم

 

[ezee]

اخوى تبى نصيحة لو جة الله

انا والله حاليا عندى كولكس التكييف ممتاز وقوى بس الصيانة تعبانة حيل يعنى لو يخترب عندك التكييف او تحتاج صيانة ممكن تنتظر 3 او 4 ايام عادى

الشركات الثانية تنتظر بالكثير ساعتين ويركضون لك ويقدمون لك الاعتذار

اما كولكس والله انى انطرهم لين امل من نفسى وبالاخير يومين او 3 او مرات 4 يجون ولكن ان اشتغلو شطار والتكييف كجهاز ممتاز ولكن الصيانة صفر على الشمال واعتقد انة راح يكونون سبب فى تفليس الشركة

 

[بونواف]

السلام عليكم

1 - هيتاشي الغانم والدكت حديد وليس فيبرجلاس
2- أل جي
3- كولكس الصناعات الوطنية

حرام عليك تبي تضيع الرجال ولا شركة من الي فلتهم زينه انا احترم وجهة نظرك بس خلني افيدك وافيد صاحب الموضوع..

اخوي افضل شركات التكييف وهم:
ريم
ترين
ويورك

هذول افضل واغلا بلكويت والعالم وانا انصحك في يورك لانه ارخصهم وهوا تابع شركة العيسي يكون افضل لو تركب عندهم بس غاليين وتحصل شركات ارخص بوايد من شركه الام(العيسي)

 

[Customer]

كوليكس ممتاز

كتكييف ومصنعية ممتاز
ولكن عيبهم بالتركيبات دايم عندهم اخطاء بتوزيع الداكت بالغرف
وطلع لك صوت الهواء مزعج كلع بسبة الفنيين والمهندسين اللي عندهم بو طقه
وكصناعة مايحتاج كمبريسور امريكي وقوي

 

[kaled9977]

تكييف ريم واقطع

 

[AL_nasser]

skm شركه الروابط

ريم الخليج الهندسيه

كولكس الصناعات

الخ....... شركات عد وخربط

وهم عندك LG شركه البابطين

يورك وترين تكيف ممتاز بس فووووق بالعالــي

 

[أل برأك]

بصراحه دايمن اشوف شركة ريم ماسكه اكبر المراكز والابراج التجارية الى بالبديرة

 

[انا الفهد]

اخوي انا انصحك بواحد كويتي يعطيك اسعار ارخص من الشركه وخدمه بعد التركيب فوق الممتاز وآنا مركب عنده والمكائن كولكس واي استفسار ********

 

[AL_nasser]

اخوي انا انصحك بواحد كويتي يعطيك اسعار ارخص من الشركه وخدمه بعد التركيب فوق الممتاز وآنا مركب عنده والمكائن كولكس واي استفسار ********

موزع بالعموله مكائن الكولكس

جم حاسبلك الطن

 

[على حمد]

اخي العزيز ،،،،


انا ادري انك احترت كثيرا في اختيار التكييف المركزي وخصوصا بعد اختلاف وجهات النظر في افضل الشركات ولكن حتى اريحك اتمنى تسمع هذه النصايح وتنتبه لها حيل لانها مهمة جدا جدا.


أولا : يجب ان تحرص دائما على الشركات التي تقدم خدمة مميزة بعد البيع حتى وان كانت اسعارها غالية حتى لا تندم بعد سنة او سنتين لأن اية عملية تعديل راح تكلفك كثير لأنك بتكسر الديكورات وغيرها وانت عارف معنى هذا زين .


ثانيا :ربما ينصحك الناس بأن لا تأخذ من الوكيل وتروح الموزع افضل لأن ارخص وانا اقولك هذا الكلام صحيح لكن راح يكون على حساب راحتك وفلوسك اللي راح تدفعها بعدين لأن الموزعين يركبون لك المكاين من الوكيل الاصلي لكن الدكتات من سوق الصفافير والتركيب اي كلام وهات يا اصوات ومشاكل بعد انتهاء التركيب بفترة بسيطة وهذه ناس كثير عانوا منها وابتلشوا بعدين وصار ودهم لو دفعوا جم دينار وريحوا راسهم العمر كله ولكن ساعتها ما ينفع الندم.

التكييف مثل السيارة اذا كانت الصيانة والقطع اصلية من الوكيل كان العمر له اطول والعمل افضل والعكس بالعكس اذا كان العمل والقطع تجاري .

واخيرا تحياتي وبالتوفيق

 

[الحريه وطن]

يرفع للتفاعل

وينكم نمتو
جانا هجوم مصري