اشتريت اي فون 3gs وتوهقت

[أبوسعودF]

عيدكم مبارك


وتقبل الله طاعتكم ان شاء الله .


ياجماعة الخير انا ابي مساعده بخصوص برامج الاي فون

لاني شريت الجهاز وماعليه ولا برنامج والموجوده مغلقه.


تكفون ياهل الخير ابي محل خبره بالاي فون او عنده برامج اي فون للضروره

والله اني بسافر وابيه يقزرني بالبرامج والالعاب.

عطوني رقم او عنوان محل

وجزاكم الله خير


مع السلامه.

 

[الواصلي]

عيدكم مبارك


وتقبل الله طاعتكم ان شاء الله .


ياجماعة الخير انا ابي مساعده بخصوص برامج الاي فون

لاني شريت الجهاز وماعليه ولا برنامج والموجوده مغلقه.


تكفون ياهل الخير ابي محل خبره بالاي فون او عنده برامج اي فون للضروره

والله اني بسافر وابيه يقزرني بالبرامج والالعاب.

عطوني رقم او عنوان محل

وجزاكم الله خير


مع السلامه.

هلا أخوي

أنا أنصحك لوجه الله أنك تدخل على المواقع التي أشبعت في طرح كل ما يتعلق في الآيفون ، ليش أحنا فينا كسل و نعتمد على بعض المحلات اللي تضرب بالعالي في البرمجة و هي ما دفعت شي من جيبها ، كل شي ماخذينه من الانترنت ، و هذا مثال على المواقع :

http://www.ce4arab.com/vb7/index.php

http://www.iphoneislam.com/

ترى هي كله جم دقيقة و راح تسير مبرمج ، العملية سهلة جداً .


و إذا انت مستعجل حيل تقدر تروح على محلات شرق مقابل مجمع الراية ، و الله يعين على دفع الفلوس

 

[ابو بندر2000]

اخوي الله يعينك علي 10 دنانير برامج اكثر من 10 صفحات عند المهندس والعاصمه الكبري بمحلات شرق

 

[الفئة السابعة]

إذا كان جهازك مفتوح رسمي دش على Apple store ونزل لتبيه يصير عندك 50 صفحة
من البرامج والألعاب

 

[bofersen]

اذا بغيت جهازك يصير 100% اتصل علي مع استاكنة شاي ولا يصير خاطرك الا طيب عيدية مني لك
97122230

 

[hassan_abu3eed]

اذا بغيت جهازك يصير 100% اتصل علي مع استاكنة شاي ولا يصير خاطرك الا طيب عيدية مني لك
97122230

والله انا قريت مشاركتك قلت بس اشتري ايفون وعزمك على غوري شاي:d

 

[بث مباشر]

تبي جهازك يلعلع من البرامج والالعاب ويصير تمام 100 % في محل بشارع بن خلدون اسمه xp ممكن يكلفك 10 او 15 دينار باكستاني اسمه علي بس ماشفته مبرمج نفسه عبقري كمبيوتر
وموفق خير

 

[أبوسعودF]

الله يجزاكم خير وماقصرتوا كلكم

bofersen أبيك تتأكد تقدر تفك الـ 3.1 ....

ياجماعة الخير انا رحت المحلات من الفحيحيل لشرق.

يقولون جهازك 3.1 ماتبطلت حمايته ليلحين.

يعني خلال اسبوع يمكن.

اللي عنده خبره بـ 3GS ... و 3.1 يقولي.


ومشكورين مره ثانيه وخصوصآ bofersen.

 

[بواحمد الداود]

ابوي انا عندي محل تلفونات بحولي وانا اضبطك بالبرامج وعلمك على جهاز ومايصير خاطرك اله طيب وهذا رقمي 97874147

 

[25kuwait]

الله يجزاكم خير وماقصرتوا كلكم

bofersen أبيك تتأكد تقدر تفك الـ 3.1 ....

ياجماعة الخير انا رحت المحلات من الفحيحيل لشرق.

يقولون جهازك 3.1 ماتبطلت حمايته ليلحين.

يعني خلال اسبوع يمكن.

اللي عنده خبره بـ 3gs ... و 3.1 يقولي.


ومشكورين مره ثانيه وخصوصآ bofersen.

عزيز افتحلك الجهاز مع برامج و العاب اب 25 دينار

للأتصال 66336770

 

[أبوسعودF]

مشكورين يالغالين وان شاء الله يتم الاتصال فيكم.

 

[بو بـدر]

اول شي عيدك مبارك

ودك تسمع النصيحة من مجرب اخذها ...

انا كان عندي ايفون وحبيت اعربه رحت لمحل xp بشارع بن خلدون علشان يعربه لي وقالي نفس كلامك السوفتير مال الجهاز جديد لازم ارده للسوفتوير القديمة علشان اركب لك التعريب قلت على بركة الله " وهذي غلطتي "

المهم قعدت تقريباً ساعة غير السوفتوير وحط التعريب واخذ فلوسه ... وبعدها صار الجهاز شاشة سوده !! رديت للمحل وكلمته الجهاز يعلق شوف له حل اخذه وقالي استريح وحطه عالشاحن وانا قاعد اشوف الجهاز ما لمسه بعدها بربع ساعه قالي جهازك اوكى الحين وقعد يطقطق فيه جدامي !!! قلت انت الحين شسويت انا قاعد وانت حاط على الشاحن وماسويت فيه شي قالي انت مو متعود عالايفون انت متعود على نوكيا والمشكلة مو الجهاز مو مبطل رسمي ألخ ألخ " نظام يأكلك بالكلام " مع اني انا بنفسي مركب البرامج وبرنامج سيديا والجهاز مبطل رسمي من شركة شفته يطلع اعذار قلت السالفة جذيه هات الجهاز والـ 12 دينار اعتبرها صدقة لك ولعيالك وراسلت الموقع الرسمي للتعريب بخصوص اسلوبة لانه موزع للتعريب ايامها

وكلامي عن هذا الي يشتغل لابس دشداشة بو نظارات واعتقد انه بدون ومن بعدها صرت ما انصح الربع يقربون صوبه

" نصحيتي لا تودي جهازك لاحد اقعد بيتكم وتعلم شلون تنزل برامج من منتديات شكثر اقسام يعلمك خطوة خطوة حتى شلون تبطل الكرتونة مالته" توفر فلوسك وتضمن جهازك لا يخترب وسعره فوق 200 دينار

" كلامي الي فوق انا مسؤل عنه " واسف عالاطالة وموفق

 

[أبوسعودF]

جزاك الله خير بوبدر والدين النصيحه.

وان شاء الله اتعلم تنزيل البرامج ..

ولو اخذ كورس عند اقرباء لي خبراء بالاي فون .

بوبدر ألف ألف شكر وماقصرت

 

[just_a_guest]

سؤالي للاخوان ..ولا تزعلون مني ..بس وربي دايما أتسائل بنفسي ومستغرب هل العالم غافلين عن هالشغله ولا أنا فاهم غلط ....الحين يوم تروح وتحط برامج تفتحلك الشفره وتخليك تنزل برامج بالمجان ...سواء للاي فون أو للكمبيوتر نفسه ..هذا مو حرام بالشرع؟ ..صراحه يعني الشركه مو حاطينيها سبيل ..يعني أنا ليش ما اشتري الاي فون وادفع حق البرامج اللي ابيهم خصوصا ان سعر البرامج ما يكلفون (نتكلم عن تقريبا دينار او اقل لكل برنامج) .....سؤال فعلا ودي اعرف اجابته الصريحه (مو اللف والدوران) ..شرعا حلال ولا لا؟ ...وشكرا ...

 

[أبوسعودF]

سؤالي للاخوان ..ولا تزعلون مني ..بس وربي دايما أتسائل بنفسي ومستغرب هل العالم غافلين عن هالشغله ولا أنا فاهم غلط ....الحين يوم تروح وتحط برامج تفتحلك الشفره وتخليك تنزل برامج بالمجان ...سواء للاي فون أو للكمبيوتر نفسه ..هذا مو حرام بالشرع؟ ..صراحه يعني الشركه مو حاطينيها سبيل ..يعني أنا ليش ما اشتري الاي فون وادفع حق البرامج اللي ابيهم خصوصا ان سعر البرامج ما يكلفون (نتكلم عن تقريبا دينار او اقل لكل برنامج) .....سؤال فعلا ودي اعرف اجابته الصريحه (مو اللف والدوران) ..شرعا حلال ولا لا؟ ...وشكرا ...

اولا مشكور ع المشاركه..

افهم من سؤالك اني ما أفتح الشفره عشان ماانزل برامج بالمجان !!

يعني انزل برامج بفلوسي لان كسر شفرة الجهاز وتنزيل البرامج حرام ؟؟

والله ياخوي مادري حلال ولا حرام نشوف ردود الاخوان

 

[zinger]

أكيد حرام والعلم عند الله
لكن ياخوي الريال متكلف على الجهاز ويبي ينزل برامج والشركة الأم تدري انه الجهاز يتم فتحه بالخارج من قبل فنيين عبثيين بالأجهزة .
لو بتتكلم عن الحلال والحرام عد وخربط من التلفزيون الى الريسيفر الى الموبايل الى المطاعم وهالبنات بالشوارع وكل مكان من لبس فاضح واللي تشوفه من فتنه والعياذ بالله منهم جميعا .
وهذه مسأله ترجع إلى الشخص نفسه اللي يعرف الصح من الخطأ والحلال من الحرام
والله يهدي الجميع

 

[bofersen]

الله يجزاكم خير وماقصرتوا كلكم

bofersen أبيك تتأكد تقدر تفك الـ 3.1 ....

ياجماعة الخير انا رحت المحلات من الفحيحيل لشرق.

يقولون جهازك 3.1 ماتبطلت حمايته ليلحين.

يعني خلال اسبوع يمكن.

اللي عنده خبره بـ 3gs ... و 3.1 يقولي.


ومشكورين مره ثانيه وخصوصآ bofersen.

حاضر افكه لك وعلي استكانة الشاي عندك رقمي دق علي

 

[kuwaitok]

السلام عليكم

اول شى باين عليك تبي تخسر جهازك !

اول شى جيلبريك للايفون 3GS مانزل وكل إلى عندهم الايفون
توهقـــــوا اذا مستعجل نزل الالعاب مجانيه من شركه أبل عن
طريق برنامج iTunes واشتر جم لعبه

ترى تلفونك راح يصير فار تجارب وممكن اتخســــره نهائيا وراح
يصير ايبود طول العمر اخسر 5 دنانير علــــى برامج والعاب ولا
اتخسر جهازك

 

[م.فهد السبيعي]

اخوي بو سعود دير بالك ولا تحاول تفك الفيرجن 3.1

لأن اللي يبطلون الايفون هم

1- Dev team وهذا موقعهم http://blog.iphone-dev.org/

2- وايضا Jay Freeman (saurik) وهذا موقعه http://www.saurik.com/

وللحين مكتوب في واقعهم انهم ما وصلوا لعمل جيلبريك للبرامج والمقصود جيلبريك للبرامج يعني تلفونك مفتوح رسمي لكن تحتاج انك تشتري البرامج بفلوس وهذا اللي كلنا نبيه ,,

بالمختصر انطر حالك حال غيرك او الله يعينك تشتري البرامج بفلوس

 

[أبوسعودF]

بعض ردود الأخوان غريبه فعلآ ..

يقول انا اسوي ومدري شنو ولما اجيه المحل يقول والله الفني ماقدر يسوي جيلبريك 3.1..

ياأخوان لاحد يتكلم عن الشيء الا وهو باخص فيه ..

أخوي السبيعي كلامك فعلا صحيح مافي الا انطر ولد تيم اربه يسوي شي ..