حرامي عبدالله المبارك

[almellyarder]

السلام عليكم
الله يكفيكم شر النصابين ودي اسأل سؤال هذا إلي ينصب أو هذاك إلي يساعد النصاب !
أشلون يحط راسه على المخده ؟
أشلون بنام في قبره ؟
ليش ما يفكر بعذاب ربه شينفعه زيادة الف ولا مليون دينار بعذاب قبره .

هذا شئ اكيد أن النصاب ومساعده مافي بركة في صحته أو اولاده أو دنياه .
لعنته الله على من تسبب في خراب اسرة أو تشتت عائلة بسبب النصب والاحتيال .
ويشتت اسرته وصحته وماله ويستعجل الله في عذابه ...... أمين

 

[كيدي كاو]

السلام
اذا اتفقت مع احد وتبي تشتري بيته او تبيع
روح بيت التمويل قسم العقاري ولا تدفع ولا فلس حتي حق الدلال روح حط افلوسك عندهم وقول لهم بشتري هذا البيت واهم يقومون بكل شي حتي فلوس الدلال اهم يعطونه كل شي بعد ما يتسجل البيت في اسمك وياخذ فلوسه من بيت التمويل يعطون الجميع ورقة ضمان وتفتك من كل شي صج ياخذون نسبه على الخدمه اللى يسمونها بس المهم تظمن حقك وشي بسيط تدفعه ولا يروح عليك مبلغ كبير
وشكراااا للجميع

 

[الحريه وطن]

ياجماعه انا ما اطعن في المتدينين امه محمد صلي الله عليه وسلم فيها الخير حتي قيام الساعه لكن اقصد اقرب الصوره لكم هو ملتحي وبالقرين انتبهو واسالو جيرانه يعني اللي بيشتري بيت بالقرين ينتبه منه هو بيته حكومي وبطن وظهر ويعرضه بسعر مغري مرتين يعرضه ب90 الف او 93 والايام الاخير قام يعرضه ب110 وياخذ العربون وينحاش وللامانه راعي صلاه علي كلام جيرانه وعند ثلاث ملايين خط مليونين خط وطنيه ومليون زين


تدرون شنو الحل مع هذولا المفروض اللي تتكرر عليه الشكاوي يعدمونه ببراحة مخفر خيطان ويكون يوم جمعه والمطر رذاذ من اللي يحبه قلبك

 

[buhamood]

شلون الواحد يقدر يعرف اذا البيت مبيوع على اكثر من شخص قبل ما يتوهق؟

 

[قناص_السوق]

اخواني انا ما اعرف الخطوات لكن من خلال قرائتي للردود استنتجت ما يلي ........


لحفظ الحقوق يفضل التعامل مع الوسيط العقاري دفتر الدلال .... لضمان الحقوق و الاستفسار من مخفر المنطقه ... و كذلك مراجعة التسجيل العقاري .... و الدفع على شيك بالاجل حتى لو ثبت في شي اسحب رصيدك و خله اهو الي يلحقك مو انت تلحقه ...

 

[الموحد1]

السلام
اذا اتفقت مع احد وتبي تشتري بيته او تبيع
روح بيت التمويل قسم العقاري ولا تدفع ولا فلس حتي حق الدلال روح حط افلوسك عندهم وقول لهم بشتري هذا البيت واهم يقومون بكل شي حتي فلوس الدلال اهم يعطونه كل شي بعد ما يتسجل البيت في اسمك وياخذ فلوسه من بيت التمويل يعطون الجميع ورقة ضمان وتفتك من كل شي صج ياخذون نسبه على الخدمه اللى يسمونها بس المهم تظمن حقك وشي بسيط تدفعه ولا يروح عليك مبلغ كبير
وشكراااا للجميع

اخوي انت مسوي هالطريقه؟

كم النسبه تقريبا ياخذون؟

 

[الحريه وطن]

ياجماعه قبل لا تشتري البيت

مر جيرانه واسال عنه قل راعي هالبيت تكله ولا لا ؟

 

[مسوق عقاري 1]

التسجيل في المكتب العقاري

السلام عليكم,,,, بالنسبه للطريقه القانونيه لتسجيل اي عقار هي كالاتي:تواجد الشاري والبائع في المكتب العقاري وليس مكتب المحامي لان مهنة البيع والشراء والتحويل في السجل العقاري هي من اختصاص المكتب العقاري , والمكتب العقاري يملك دفتر وزارة التجاره الذي يؤهله لممارسة هذه المهنه وليس المحامي, وايضا هذا الدفتر مزود بعقود قانونيه مطبوعه ومصاغه من قبل وزارة التجاره ولن يسمح بتحويل الوثيقه في السجل العقاري الا بوجود عقد التجاره وليس عقد لمحامي.,,,, يجب عليك اخي الشاري التاكد قبل التسجيل في المكتب من ان البائع احضر معه الوثيقه اذا كان العقار محرر او التخصيص بحالة عدم وجود وثيقه صادره او نسخه من الوثيقه اذا كانت مرهونه في التسليف,,, ويجب احضار اي شخص للتوقيع معه يكون اسمه معه في الوثيقه او يكتفى بالتوكيل الساري المفعول وان كانت هناك طليقه ذكر اسمها في التخصيص مثلا يجب حضورها للتوقيع حتى تتحاشى كلمة هونت في المستقبل لان الطليقه اذا اعترضت على البيع وكان لها حق السكن باستطاعتها ايقاف البيع ,,, و انا انصح الشاري بنقطتين مهمتين: الاولى حاول الحصول على اسم صاحب العقار بالتعاون مع المكتب قبل التسجيل وقم بالتحري عن اسمه في التنفيذ المدني لتتاكد بنفسك ان كان الرجل نزيها ام لديه سجل باهر بالنصب والاحتيال والنقطه الثانيه اذا كان نزيها واقتضى الامر ان تقوم انت بتحرير المديونيه مثلا للتسليف او الاسكان فطلب منه حينها ان يقدم لك اقرار دين من المحكمه بالمبلغ المدفوع شرط ان يكون ياسمه وزوجته معه اذا كانت موجوده في الوثيقه.....وطبعا هذا لن يتم الابوجود المكتب العقاري الذي يفترض منه ان يقوم بدوره بمنتهى النزاهه.بهذه الطريقه ستحفظ نفسك من النصابين انشالله والله خير الحافظين.

 

[Abdulla990]

السلام
اذا اتفقت مع احد وتبي تشتري بيته او تبيع
روح بيت التمويل قسم العقاري ولا تدفع ولا فلس حتي حق الدلال روح حط افلوسك عندهم وقول لهم بشتري هذا البيت واهم يقومون بكل شي حتي فلوس الدلال اهم يعطونه كل شي بعد ما يتسجل البيت في اسمك وياخذ فلوسه من بيت التمويل يعطون الجميع ورقة ضمان وتفتك من كل شي صج ياخذون نسبه على الخدمه اللى يسمونها بس المهم تظمن حقك وشي بسيط تدفعه ولا يروح عليك مبلغ كبير
وشكراااا للجميع

اذا هالسالفة تصير يكون هذا احسن حل بس بشرط ما تكون عمولة التمويل وايد

 

[كيدي كاو]

04/10/2009 94462676 للبيع فيلا على التشطيب مساحة 400م2 الموقع شارع وسكة مدرسة في قطعة 7 دورين 95000 للبيع فـلـل عبدالله المبارك الكويت 1710

هذا البيت او بيت ثاني يا جماعه الناس خافت تشتري والسبب موضعكم

 

[buhamood]

هل وثيقة الفيلا محررة؟ هل هذا البيت من ورثة هداية السلطان؟

 

[buhamood]

منو عنده معلومات عن بيت الرعب هذا.... الله يجازيه خير ...

 

[ابو خالد الجسمي]

منو عنده معلومات عن بيت الرعب هذا.... الله يجازيه خير ...

عنوان القسيمه عندك في اول الموضوع

 

[cawcaw]

على فكره البيت الحين معروض ب 95 الف.. يابلاااااااااااش

 

[بـــــوبدر]

ايه يالكويت والله محد يدري من طقاقها

الله يحفظها ويحفظنا يارب من هالحساد والحرامية

 

[بو متعب]

على طاري بيت البيوت اذا كان بيت حكومي او قسيمة متى يقدر يبيع البيت او الفيلا من بعد ايصال التيار الكهربائي

 

[فارس الكويت]

منو عنده معلومات عن بيت الرعب هذا.... الله يجازيه خير ...

البيت يملكه شخص نصب على اكثر من عشرة وعليه اكثر من قضية وهدد احد السيدات بسلاح ولديه اخ يسكن في الفردوس تبرا منه ومن افعاله بعد ان شوه سمعتهم ...

الحذر الحذر من هذا الشخص والبيت

لا يستطيع ان يسافر ولا حتى يطلع .....احسسسسن

جمع كثير من الاموال بهذه الحيلة والنصب وحسبي الله ونعم الوكيل

واقسم بالله العظيم امامكم بصدق ما اقول ...واني سوف احساب على كلامي يوم الدين

 

[كويت30]

جزيتم الجنه ( فى هذا اليوم الفضيل على التوضيح )

 

[الحريه وطن]

الستغرب منه ليش مايسحبون هالنصاب ويعدمونه
وياخذون من ولي امره 12 الف دينار قيمة الجثه

 

[cawcaw]

واللي سأل عن الوثيقه.. لأ مومحرره والريال مطلوب للتسليف ومفصول عن العمل او متقاعد مادري من سنه 2004 يعني ماعنده معاش وياخذ فلوس خلق الله المساكين ويوهمهم بالبيع