اسعد الله الجميع

[بوعلي الشمري]

سؤال للجميع ؟ ليش المواطن الكويتي كثير التحلطم والشكوي والتأفف ليييش !!! بالديوانيه بالدوام بالسوق بكل مكان ؟ بما انه ياخذ معاش بدون ادني ناتج للدوله !! اتمني من الجميع يتجاوب لعل وعسي ان نجد الاسباب

 

[قلم حر]

اخوي بشط شويه وارجع للموضوع ممكن ؟

اخوي عندك السويد اكثر بلد مرفه والتكنولوجيا توصله
قبل الدول كلها ويسعى للحصول على التكنولوجيا قبل الدول بسنوات
ومن كثر الترفيه شوف شنو صار بالشعب
شعب صار عنده تشبع من كل شئ لدرجة انه صار مايعجبه العجب
ولايرضيه اي شئ وشنو ترتب على هذا انه اكثر شعب متملل من
الحياه واكثر حالات انتحار هي في السويد نتيجة الترف الزائد

نرجع لموضوعنا

الكويتي والله موباقي الا يعين له موظف يروح يسحب له المعاش
ودايما الكويتي مزدحم ومو فاضي وهو والله ماعنده شغل بس
يكش ذبان اخاف يجي يوم ويصير فينا مثل السويد اللي مايعجبه
العجب
تذكرون هدية رمضان السنه اللي فاتت بالتموين لما قال عنها باقر
والله مسكين باقر شرشحوه عليها ويتطنزون على هديته وبالتالي
شنو صار صار طق تزاحم الكويتيين على الهديه وحتى خيام حطوا
عند افرع التموين .

انا اقول الكويتي يحمد ربه على النعمه اللي هو فيها لان النعمه زواله
والله سبحانه وتعالى يقول (( وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ ))​

 

[فضل]

سؤال للجميع ؟ ليش المواطن الكويتي كثير التحلطم والشكوي والتأفف ليييش !!! بالديوانيه بالدوام بالسوق بكل مكان ؟ بما انه ياخذ معاش بدون ادني ناتج للدوله !! اتمني من الجميع يتجاوب لعل وعسي ان نجد الاسباب

صبحكم الله بالخير ..

اعتقد ان التحلطم والتأفف موجوده لدى بعض المواطنين

وكذلك فى اى بلد آخر ، وانا استغرب انه من كثر ما يتداول

ان الكويتى يتحلطم ، صارت عند البعض منا قناعه بهذا الشىء

اللى اعتبره موجود فى كل مكان

وتقبل مودتى ..​

 

[سيف راكس]

مشكلة اداره الحكومه وليس المواطن عندنا الله المستعان