للاخوان اللي يبون يبنون (بيت العمر , بناية )

الموضوع في 'قسم الإستشارات القانونيه' بواسطة GMC1, بتاريخ ‏22 سبتمبر 2009.

  1. GMC1

    GMC1 عضو جديد

    التسجيل:
    ‏9 يناير 2009
    المشاركات:
    83
    عدد الإعجابات:
    0
    سلام عليكم جميعا .......
    في البداية فكرت اب أي قسم احط الموضوع وقلت ان هل قسم هو افضل مكان لتعم الفائده
    ندخل في الموضوع
    في سنة 2001 شهر 11 شريت ارض سكنية علشان ابني فيه بيت العمر مثلي مثل اي واحد يتمنى ان يكون له منزل مستقل والحمدالله الله وفقني في المكان اللي اخترتة ..طبعا اكيد الارض يبيلها بنيان فا رحت سويت مناقصة لي 3 شركات لبناء هذا المنزل وبعد تقديم الاسعار من قبل الشركات باظرف مغلقة وقعت مع وحدة فيهم وذالك لانها كانت الارخص ...وبعد التوقيع العقد باشرت الشركة بالتنفيذ وقامت بحفر الارض وعمل صبة الاساسات والقواعد بي اللبشة الامريكية والخرسانة المسلحة كانت عن طريق شركة وليست صبة ايرانية المهم بعد الصبة القواعد بفترة ياني المقاول ويابلي الورقة اللي فيها قياس قوة الخرسانة للقواعد بأنها 300 ك (وهذا اللي يفترض انها اتكون) وبعدها اب جم يوم لاحظت لون القواعد الخرسانية امولح وفاتح اللون استنكرت هذا الشئ وكلمت المقاول عنها وطبعا كل عادة ايقولي انها مافيها شئ وسليمة ومن هل حجي وطبعا انا ما ارتحت من كلامة جان اروح من اليوم الثاني الى وزارة الاشغال اللي يم كلية الاداب علشان ياخذون كور عينة ويفحصون الخرسانة ودفعت مبلغ أعتقد كان 25 دينار علشان ايون ويفحصون الخرسانة وبعدها اب جم يوم دقو علي وقالولي ان التقرير جاهز ودق سيارتي سلف واروحلوهم جان أنصدم من اللي مكتوب بالتقرير اطلعت قوة القواعد الخرسانية 180ك والمفروض انها اتكون 300 ك جان اطير واروح للمقاول واوريه التقرير وطبعا كل عادة الاخ يشكك بهذا التقرير واب نتايجها جان ارجع لوزارة الاشغال وقولهم ابيكم اتسوولي 4 عينات غير اللي سويتها بالاول طبعا اهم يجون الموقع وياحذون عينات القواعد بشكل عشوائي المهم بعد ما دفعتلهم الرسوم رحت جامعة الكويت اللي بالخالدية همن اهما اسوون فحص للخرسانة وقتلهم ابيكم اتسوون 3 عينات للقواعد وطبعا دفعت الرسوم مالوتهم وبعد فترة دقو علي وقالولي ترى التقارير جاهزه جان اطير لهم خذيت التقارير مالت وزارة الاشغال ويا جامعة الكويت جان اتفاجأ بالطامة الكبرى بان اقوى قاعدة من هل تقارير اللي استلمتهم كانت 210 ك :eek::eek::eek:
    جان ارجع للمقاول واقولة هاك شوف هل تقارير وطبعا ما أروح وأقولكم اشقالي لأنكم عارفين اشراح يرد جان اقولة انت الحين قاعد اتشكك بالسبع تقارير مالت وزارة الاشغال وجامعة الكويت واللي اهم مالهم علاقة فيني ولا فيك خاصة اهيا جهة محايدة ... جان اقولة حبيبي لا تطولها وهيا اقصيره كسر هل قواعد اللي سويتهم دام احنا في بدايتها وردلي الدفعة مالت الخرسانة والقواعد اللي دفعتها لك وشيل قشك وتوكل على الله جان ارد علي وقول احنا بينا عقد والعقد شريطة المتقاعدين اذا تبيني اطلع لازم تدفعلي 40 الف علشان اطلع قتلة فوق شينك قواة عينك وعاد انا كنت على وشك وارتكب جناية بس الحمدالله قدرة اسيطر على روحي جان اقولى ماشي يابو عقد..
    اليوم اللي بعدة رحت ادارة الخبره في شرق وقتلهم اللي صار معاي وشافو التقارير وطلبت منهم اثبات حالة على الموقع وفعلا بعدها بفتره سواو كشف على الموقع وثبتو كل شئ موجود في الموقع
    ياجماعة تعبت من الكتابة راح اكمل في المرة اليايه الاجراءات القانونية اللي صارت
     
  2. وافى الوافى

    وافى الوافى عضو نشط

    التسجيل:
    ‏26 مارس 2008
    المشاركات:
    696
    عدد الإعجابات:
    1
    مكان الإقامة:
    الكويت
    لا لا لا ياخوى علقتنى والله ,,,:confused:

    كنت مندمج حيل مع القصه ...

    وفجأه قصيت فينى الحبل :D


    على العموم اخذ راحتك طال عمرك وترى ناطرين تالى السالفه ..!!:rolleyes:
     
  3. sound blaster

    sound blaster عضو نشط

    التسجيل:
    ‏13 ابريل 2007
    المشاركات:
    1,004
    عدد الإعجابات:
    3
    مكان الإقامة:
    الكويت
    ننتظر .. البقيه ....
     
  4. الحريه وطن

    الحريه وطن عضو نشط

    التسجيل:
    ‏31 يوليو 2008
    المشاركات:
    2,022
    عدد الإعجابات:
    3
  5. GMC1

    GMC1 عضو جديد

    التسجيل:
    ‏9 يناير 2009
    المشاركات:
    83
    عدد الإعجابات:
    0
    ــــــــــــــــــــــــــــــــــــــيتبع
    ماني عارف اشلون اكمل من نفس الموضوع اللي سويتة ..
    انا فتحت موضوع أو ماني عارف اشلون اسكرة من كثر الاحداث اللي صارت القضية هذي صارلها سنين بالمحاكم والحمدالله انتهت لصالحي فراح احاول اختصر كثير من الاحداث وأعطيكم الزبدة.....
    بعد ما ثبتو ادارة الخبراء جميع الموجودات في الموقع سواو جلسة بيني وبين المقاول في ادارة الخبراء لاخذ الاقوال وتسجيلها في محضر رسمي ..طبعا اهيى كانت عدة جلسات ماني ذاكر جم المهم سوا الخبير التقرير مال ادارة الخبراء واللي اهوا هذا اللي تحت
    [​IMG][/URL][/IMG]
    [​IMG][/URL][/IMG]

    [​IMG]

    راح أحطلكم التقرير مالوت الفحوصات الخرسانة لي وزارة الاشغال
    [​IMG][/URL][/IMG]
    [​IMG]
    وهذي صور لمكان أخذ العينات

    [​IMG]

    [​IMG]
    [​IMG]
    ـــــــــــــــــــــــــــــــــــــــــ
    الدروس المستفادة من هل التجربة هي
    1- دائما طبق هل (المبدأ بأن المقاول متهم حتى تثبت براءتة)
    بمعنى ان اغلب المقاولين يحاولون يوفرون بالمواد علشان الفرقية يحطها بجيبة ولا تقيم المقاول من كلامة بل يجب ان يقيم بعملة يعني لا يحطلك الشمس ابايد والقمر اب ايد وبالفعل ماكو شئ واذا اهوا كان انسان عندا ضمير وخاف الله أكيد راح يثبت هل شئ
    2- الحمدالله اني شكي كان بمحلة ان القواعد كانت غير سليمة يعني لو انا ماشي على كلام المقاول بان القواعد سليمة وقوية جان الله العالم اشراح اصير في البيت بعد ماينبني جان طاح على روسنا وبعدها يقولك اسف او المسامحة او ادفعلك تعويض هذي وين تنصرف لان هذي قواعد البيت اهيا اللي راح اتشيل البيت
    3- احرص انك بعد ما يصب المقاول صبة القواعد وحتى لو عطاك الفحص مال الخرسانة بانه سليمة وقوية روح وزارة الاشغال او جامعة الكويت ودفع هل 25 دينار تراهي مو خسارة بانهم يعطونك النتيجة لان هذا بيتك وبيت اهلك لا تستهين فيه وخذ الموقف اللي صار معاي وحطة ابالك لان هل الموقف ممكن اصير مع اي واحد خاصة ان الشركة اللي تعاملت معاها تعتبر من الشركات اللي غالبا ما تقرا اسمها في الشوارع
    في النهاية اتمنى ان هل موقف مايتكرر مع اي احد ودائما احرص على شغلك لان المقاول ماهو حرصان على بيتك كثر ماهوا حرصان على جيبة
    وفي الختام مايضيع حق ورا مطالب
     
  6. rahaly

    rahaly مستشار قانوني

    التسجيل:
    ‏13 ابريل 2005
    المشاركات:
    7,455
    عدد الإعجابات:
    4
    مكان الإقامة:
    الكويت
    لو تبي قصة مقاولين .. اخليك عمرك بحياتك ما تسلم على مقاول من الخرعه :)

    طلعت بنتيجة وحدة من خبرتي الشخصة مع المقاولين .. وخبراتي اكثر واكثر في القضايا معاهم

    النتيجة ...
    لا تشتغل الا مع واحد ثقة عميااااء ... حتى لو ياخذ اكثر (وعساك تسلم) ..

    اما المراقبة ... انصحك تحطلك سرير في الموقع :)

    وعلى فكرة .. غالباااااااااااااااااااااااااااا .. ما تطلع حقك في المحكمة .. واذا طلعت بنص حقك من المقاول ... سوي عزيمة حق الربع مدة اسبوع ..


    موفق
     
  7. GMC1

    GMC1 عضو جديد

    التسجيل:
    ‏9 يناير 2009
    المشاركات:
    83
    عدد الإعجابات:
    0
    هلا أخوي رحالي
    علشان اكون صريح معاك القضية صارلها 5 سنين بالمحاكم لين انتهت في الاستئناف وحكمله القاضي اب 10 الاف هذي مالت الاعمال اللي اشتغلها فعليا في الموقع وانا طلعت اب 5 الاف دينار يعني اهو في النهاية استلم 5 الاف دينار فقط لاغير
    بس تدري عاد اللي انا مستغرب منة بان مثل هل موضوع ياخذ 5 سنين بجميع درجاتها مو شوية
     
  8. rahaly

    rahaly مستشار قانوني

    التسجيل:
    ‏13 ابريل 2005
    المشاركات:
    7,455
    عدد الإعجابات:
    4
    مكان الإقامة:
    الكويت
    5 سنوات عادي ..

    عندنا قضية يوم الاحد القادم راح احضر اول جلسة في الاستئناف ..


    مكتبنا يباشر القضية من سنة 1972 .. اغلب الخصوم توفوا الحين ورثتهم قاعدين يباشرون الدعوى !!
    شفيك ؟؟
    لا تنصدم .... عادي :)

    خمس سنين شربت فيمتو .. شفت شلون " بعض الشر اهون من بعضه؟؟ " :)