اخواني ان دبث وبابك حياكم الله وجزاكم الله الف خير وعساكم وكل الإخوان من العايدين الفايزين
واقول للمضارب الشجاع! كنا متوقعين تأجيل جلسة قضية الدار ضد التجاري وقبل الجلسه! وستوك بروكر واضع الإستفتاء! ممكن يأكد؟ لأني طلبت الجائزه منه
كما كنا ايضا شايفين متوقعين زيادة طقاقة الدار وتوقعت قرب دخول التجاره مع الثله اياها على خط ضرب الدار! وقبل جريدة 13سبتمبر بكذا يوم!!! وبابك ممكن يشهد على ذلك لأن فز قلبه وقال ما شاء الله عليك ياحاكم السوق يبتها صح!!! يوم السابج صرح للجريده!!!!!! مع اني للأسف كنت حزين جدا لصحة توقعاتي واتذكر خانتني العبره وانا ارد لبابك! بس والله دعيت دعوة مضلوم ذيج الليله! وقمت دوم اقرى مشاركات ودعوات بوناصر777 الدعويه ضد هالثله المفسده بالأرض والضالمه بالعباد!!
واعتقد ايضا بابك تمنى! لوكنت بمجلس الدار بعد ماشاف مداخلتي الإخيره بالرابط القديم ورأي بخطاء تعامل وتعاون ورضوخ مجلس الدار! للدائنين! والقبول بمبدء لجنة الديانه! والقبول بمبدء دخولهم بمجلس ادارة الدار! حيث كنت ولا ازال من المعارضين لهالمنهاج الودي بالتغامل مع الدائنين خاصه وإن اغلبهم من الخاضعين لرقابة المركزي! رئيس الثله المفسده والضالمه اياها!!! وكنت اؤيد في 10 2008 الشده بالتعامل مع الديانه وترويضهم ورضاخهم للقبول بماهو لصالح الدار بسبب اصولها المميزه! او مواجهة التصفيه الطوعيه للدار! ومواجهة المخصصات المتوجب اخذها بهالحاله وبقرب نهاية السنه وكان الديانه! حتما سيرضخون!!!! بدل مقلب التجاري بالريبو!!! وقبل صدور قانون الإستقرار سيئ الذكر!!! والذي صدر فقط لحماية هالديانه من المخصصات المحتمله في حالة التقاضي!!!!!! بس للأسف انقص على الدار بالريبو مع التجاري! اللي كان مفروض البنك القائد لمديونية الدار!! ونجلهم! وقطهم على الصخر! بعد اقالة المركزي والهيئه لمجلس الرومي الشيبه ضلما وبهتانا!!! وبدء تخبط مجلس وادارة الدار الغير متمرسه بهالأمورات وحروب المركزي ومعارك المجالس والجمعيات!!!! وبدء رحلةالهروب للأمام!! والهروله للأسف (لأن مايعرفون قوة ما لديهم!!! لتقليد جلوبال!! والتي لاتملك شي من الإصول!!! كما كانت تملك الدار من اصول مميزه كانت محل حسد القريب قبل البعيد (بس مجلس الدار والإداره الغره للأسف ماكانت تدري ولاتعرف قوة سلاح الأصول اللذي لديها بترغيب الدياته للتفاهم ولم تدرك إدارة الدار ولامجلسها ايضا خطورة سلاح التهديد بالإفلاس الطوعي بردع وتنويخ الديانه لخوفهم من المخصصات بآخر السنه!) لاحول ولاقوة إلا بالله! وسارعت الدار بالهروله للجلوس مع كريديت سويس! والتفاهم مع مورجان ستانلي للتمسكن!! وتقنيع الديانه للأسف! برغبة الدار الإنهزاميه والإنبطاحيه واستعداد الدار للرضوخ امام الديانه (اغلبهم مطايا المركزي) والتمسكن لهم ! مقابل بس يخف الضرب عليهم!!!! وما خف!!!!!!
عموما اللي صار صار ولاحول ولاقوة إلا بالله! ولعل وعسى تعلمو من هالغلطه!!!! وعسى ان يتفادو الخطاء وعدم السماح لممثلي لجنه الدائنين بالدخول للمجلس!!!! ورفض مراقب المركزي! لأن موضوع وسبب تكليفه منظور بالقضاء!!! لأن خطه المركزي الآن! بعد ان تم له السيطره من الداخل! هو الإستيلاء والسيطره عالمجلس من خلال جمعية التجاره (بعد اظهار خسائر بالقصب وحرق رأس المال وطلب زيادته بالجمعيه!) او نفض مجلس الإداره وتغييره بجمعيه عموميه غير عاديه! ومن ثم اظهار خسائر اعادة التقييم (ولاننسى ان اغلب اصول الدار غير مدرجه وبالإمكان الخفس فيها وبتقييمها واضهار خسائر ملياريه تتطلب زيادة راس المال (ممكن احتمال حكومي!! عن طريق الهيئه مثل ماسوو بالمجموعه العقاريه اول الثمانبنات بحسين مكي الجمعه وفبوخمسين!) او اغلب ظني راح يكون من التجاري ومجموعة الأوراق! او الوطني عن طريق بوبيان او الوطني كابيتال!!! يعني عايدي!!! او اذا لقو الرأي العام معارض!!! سيقومون بتقاسم اصول الدار عيني!!! وتصفية الشركه لإغلاق ملفها نهائيا ودفنها من قبل المصفي الذي سيعين لها مع احتمال يكون نفس المراقب المعين من المركزي حاليا!!!!
والحين للإخوان رحالي ودكتور بدخل عرض بمداخله فنيه شوي ماليه وقانونيه مع الإخوان رحالي ودكتور!!!! عساهم من العايدين الفايزين وجميع الإخوان المتصفحين! هل فكرتو بالسيناريو اعلاه في توقعاتكم ونقاشكم النظري! بإستحالة افلاس الدار وتصفيتها لاوبعد محاسبيا وقانونيا!!!!؟؟؟؟؟؟؟؟؟؟
وبزيدكم من الشعر بيت! واكاد اجزم بأني راح اعلن! بأن المسمار الأخير بنعش الدار؟ سيكون بدخول ممثلي لجنة الدائنيين (وقمة الغباء ان يصدق احد ان اللجنه تفاجأوا !!!! بصدور قرار المركزي بتعيين مراقب على الدار!!!!! ياحبيبي فلم فكاهي بطولة مطايا المركزي) لمجلس الدار!!!! لابوجود مراقب المركزي في الداخل!!!! لتكون بداية نهاية الدار!!!! بأحد السيناريوهات اعلاه بعد انقلاب باقي اعضاء مجلس الإداره ضد الرومي الصغير والمسلم!!!! وياويل الدار ذيك الساعه وياويلنا حنا بيروح حلالنا وحلال اهلنا!!!!!
تكفووووووووووووووووووووون!!!!!!؟؟؟؟
اذا احد يوصل لها المساكين الرومي الصغير والمسلم بمجلس ادارة الدار ويقولهم لو يقرون مذا يحاك لهم بالظلام؟؟ و المخطط اللذي يخاط اعلاه؟؟ وشبيصير فيهم وفينا كنتيجه !!!! اذا ما طالبو انت يالرومي الصغير والمسلم وفورا وعن طريق محاميهم العليمي بهالأمور واحسنلهم يعينون الصراف!!! بوقف قرار تعيين مراقب المركزي قضاء مستعجل! وحتى البت بقضية الدار ضد المركزي!!! وعقد جمعيه عموميه عاديه! فورا وحتى بدون التجاره لإعتماد ميزانية الدار كما وردت من المدققيين (وطز بالمركزي والتجاره مثل ما سوا البحر والعوضي) ودعوة جمعيه عموميه غير عاديه (وطز بالمركزي والتجاري! مثل ما سوت المشاريع والإهليه) وتحويل الدار لشركه قابضه والخروج من تحت مظلة المركزي!!!!! ورفع دعاوى شخصيه بالمحكمه الإداريه من الرومي او المسلم واعضاء مجلس الإداره بصفتهم اعضاء بمجلس الدار واحد واحد! بعدم قبول تمثيل لجنة الديانه بمجلس إدارة الدار ولاحتى كمراقبين!!!! لعدم قانونية هذا الإجراء ونظرا لسرية تداولات مجلس الإداره المحميه بسريتها قانونيا وفقط لإطلاع المحاكم والجهات الإشرافيه والتدقيق القانوني وفقط من خلال وعلى محاضر مجلس الإداره المدونه والمصادق عليها فقط!!!!! حسب قوانين دولة الكويت!
هذا اللي اعرفه وخبره شغل الرياييل!! وعسى الرومي والمسلم تعلمو من اخطاء سنه كامله مضت وكافي!!!!! ويكونو على استعداد للدخول في الحروب اعلاه وعلى وجه السرعه!!!!!!!!!!! الدنيا يا اخوان علمتني ان احارب بما أؤمن فيه وفي ما هو صحيح وحتى لو كان لآخر رمق! فالرييايل افضلهم يموتون وهم يحاولوون ولا ان يعيشو بالذل والهوان!!!! غير جذيه فلامكان!! للجبناء والخوافين بمجلس الدار! دار الشجعان فقط! او ليتركو المركب لنوخذه ثاني يرسي مركب الدار على بر الأمان!
يا الله يا حي ياقيوم (من بوناصر777)........ اللهم اشهد فإني قد بلغت ...........