أستفسار : بخصوص الخدمة السريعة لفورد

[Winchester]

السلام عليكم

شباب عندنا فورد مالت البيت الحين ماشية 25 الف ويبيلها سرفس فياريت اللي يعرف مكان الخدمة السريعة وين مكانهم ..

لأني انا اول كله اوديها الكراج بالشويخ وراح الوكالة وياخذون وقت طويل.


والحين ما تحتاج الكراج لأن سيرفس ال 25 الف بس زيت وفلتر ..​

 

[Winchester]

؟؟؟؟؟؟؟؟؟؟؟؟؟؟؟؟؟؟

 

[سهم مرتاح]

اذكر انه افرع الكراجات الاحمدي والجهراء
بس ما اذكر ان عندهم خدمه سريعه
انا نفسك كنت اوديها الشويخ ليما 30,000 وبعدها قطعت السيرفس لان السيرفس صار اكثر من قيمة القسط

 

[خمسة اقمار]

صبحكم الله بالخير

موقع الخدمه السريعه ادخل لفة معرض الشويخ يكون المعرض يسارك وجدام إشوي

تلاقي معرض سيارتهم المستعمله وبعدها تقاطع تلف عاليسار وتمشي أدعوم لين توصل

الدوار والخدمه السريعه بعد الدوار عاليسار أخلصك زود هذا رقم موظف عندهم

(( السيد \ جمال هلال)) اتصل عليه لأي إستفسار 66570006

وسامحني عالقصور

 

[السلطان 1]

اخوي في صناعية الجهراء فرع لهم خدمه سريعه تبدل الزيت والفلتر ونت واقف وريح بالك

علي الدائر السادس اول ماتدش الصناعيه اول لفة علي اليمين تمشي شويه قدام يعني 30 متر تلقاه علي يمينك شركة فورد اصفط وعطهم الدفتر