برنامج المؤشر : عايد يوصي بالخروج من السوق

[ameer]

من اسبوعين لاول مرة احاولة ان اخرج من اسوق ولكن لعنة اللة على ادمان التداول خرجت ودخلت مرة اخرى ما اراة ان الاحوال الجاية لاتسر والازمة الاقتصادية العالمية حصة الكويت منها لم تبدأ
(العقار وتبعاتة )

 

[النــاقــد]

ياليت يكون نقدك من غير تجريح الشغل مو عيب

و منو قال الشغل عيب ؟
انا قاعد اتكلم عن شخص اعرفه زين ... وهو كان جار لصديق عزيز علي في الصليبية مع عايد, لكن الرجال ما يعرف البورصة الا من كم سنة و له زاوية يضارب هو وربعه فيها في السوق ... على اي اساس يحلل ويقول ويوصي بالخروج من السوق وهو من المضاربين فيه ؟

اخي العزيز عايد العنزي رجل نظيف ومحترم والكل يشهد انه يحب الخير للجميع .

سالفة انك تقول شفهمه ولا عنده بقاله بالصليبيه انا ارد عليك واقولك عيب هالكلام .

وخل اسلوبك يكون راقي مو تهبد حجي

اولا اقسم بالله العظيم لك ولغيرك على كل كلمة قلتها انها صحيحة.
ثانيا انا منقهر ليش يوصي بالخروج من السوق, وبس.
تذكر انه هو مضارب مثلي ومثلك.
تعتقد هو بيقول كلام ضد مصلحته ؟

عيب عليك الكلام هذا اما ان تقول خيرا او تصمت...ماادرى شنهو مصداقيتك بالكلام ولكن ولو صح كلامك بقاله واكسب بشرف افضل من اكل اموال الناس بالباطل للحراميه اللى ادافع عنهم
الرجل قلبه على اخوانه ومن حرقته على اموالكم ينصحكم
وللمره الثانيه اقول لاتطعن او تتشمت باحد يا محترم

مصداقيتي قلتها فوق لما اقسمت بالله العظيم على كلامي.
وبعدين ما قلت انا عن الرجال انه حرامي او ماله مو حلال انا ضربت مثل بالبقالة علشان اراويكم انه ما عنده اي "ماخوذ" او شهادة علشان نقدر ناخذ كلامه على محمل الجد !

وبعدين فلوس الناس مو لعبة علشان يقول خروج وقبل العيد يقول دخول !

كان عنده بقال واجتهد و وفي ناس من خساره لين خساره والكلام لج يا جاره

عليه بالعافية لكن لا يقعد يخرع العالم مرة دخول ( حسب مصلحته) و مرة خروج ( ايضا حسب مصلحته !!)

 

[Winchester SX3]

هذا كان عنده بقالة في الصليبية قطعة 5 والحين محلل اسهم في بورصة الكويت !!

لا , ويوصي بالخروج او الدخول بعد !

ديرة عجيبة والله!

انزين ليش يوصي بالخروج ؟

مو حرام عليه لو بعنا وارتفع السوق ؟

مو يقولون قلة السيولة مع نزول خفيف او استقرار علامة ايجابية ؟

على كيفه هذا يتكلم ؟

عفوا الناقد

خله يقول اللي يقول ،، إنت إخذ اللي يدش مخك أو راقب كلامه بالواقع

داش بتاريخه وبقالته ليش؟

خله يترزق الله
ربح البقاله احسن من سوقنا الظاهر

وتقبل النقد

 

[ابو خليفه]

السلام عليكم


منو تابع برنامج المؤشر ...اليوم


الاخ عايد العنزي ..... وصل مرحة اليأس من السوق

ومن خلال قناة تلفزيون الكويت الرسمي ... يوصى بالخروج من السوق

يا اخي ما وصى بالخروج من السوق انا شايف البرنامج كله

 

[ضويحي]

هذا كان عنده بقالة في الصليبية قطعة 5 والحين محلل اسهم في بورصة الكويت !!

لا , ويوصي بالخروج او الدخول بعد !

ديرة عجيبة والله!

انزين ليش يوصي بالخروج ؟

مو حرام عليه لو بعنا وارتفع السوق ؟

مو يقولون قلة السيولة مع نزول خفيف او استقرار علامة ايجابية ؟

على كيفه هذا يتكلم ؟

السلام عليكم --- اذا كنت خايف علي حلالك عايد العنزي ماجبرك دش السوق اذا كنت خايف علي حلالك عايد العنزي ماقالك اشتري وكثير من الامور الايجابية لعايد العنزي فعلا رجل شريف والله يوفقه ثانيا اذا بقالة مو عيب الحلال الطيب الله يبارك فيه والانبياء كانو رعاة غنم الله يهديك انشاء الله وتمنا تعدل سلوبك

 

[kuwaiti_zoom]

يا اخي ما وصى بالخروج من السوق انا شايف البرنامج كله

أنا معاك
لو كاتب الموضوع يعطينا الكلام اللي قاله عايد بالحرف الواحد !!!
ما أعتقد أنه وصى بالخروج ؟

 

[فنان999]

هذا سوق يوم فوق ويوم تحت الي داش السوق يعرف هذا الشيء
الي ما يقدر يتحمل يصفي الي عنده ويشوف نشاط اخر يعتقد ان راح يستنفع منا مطعم او بقاله او مصبغه ولا يعور راسه
ودمتم

 

[النــاقــد]

ياريت تعتذر للاخوان

بسيطة انا عندي الشجاعة على الاعتذار
والاعتذار تراه كلمتين :

انا اسف

بس على شنو ؟

انا ما ذكرت الا حقائق اقسمت عليها
واذا كلامي ازعج احد فالحقيقة مرة !

و معذرة مرة اخرى !

في ناس مخدوعين بعايد وانا حبيت انورهم بتاريخه وانه جديد على البورصة بالاضافة الى انه من المضاربين في السوق فعلى اي اساس يقول لنا خروج او دخول من السوق ؟؟؟؟

عفوا الناقد

خله يقول اللي يقول ،، إنت إخذ اللي يدش مخك أو راقب كلامه بالواقع

داش بتاريخه وبقالته ليش؟

خله يترزق الله
ربح البقاله احسن من سوقنا الظاهر

وتقبل النقد

متقبلين النقد بس ليش حذفت "ميرفي من كلامك " ؟

السلام عليكم --- اذا كنت خايف علي حلالك عايد العنزي ماجبرك دش السوق اذا كنت خايف علي حلالك عايد العنزي ماقالك اشتري وكثير من الامور الايجابية لعايد العنزي فعلا رجل شريف والله يوفقه ثانيا اذا بقالة مو عيب الحلال الطيب الله يبارك فيه والانبياء كانو رعاة غنم الله يهديك انشاء الله وتمنا تعدل سلوبك

يا اخي كلامك صحيح لو كان عايد شخص عادي !
لكنه شخص عنده وسيلة اعلامية مؤثرة

حرام يخرع العالم ويقول خروج

و حسب كلام زميل لك في هذا الموضوع كان يقول انه السوق راح يصعد بعد العيد !

شنو نلعب توم وجيري مع عايد ؟

شنو لاقين فلوسنا بالشارع ؟ يعني لو باجر الناس قطت فلوسها و اخترعت علشان تصريح الاخ عايد مو حرام عليه بيكون ؟

 

[اللمبى]

مصداقيتي قلتها فوق لما اقسمت بالله العظيم على كلامي.
وبعدين ما قلت انا عن الرجال انه حرامي او ماله مو حلال انا ضربت مثل بالبقالة علشان اراويكم انه ما عنده اي "ماخوذ" او شهادة علشان نقدر ناخذ كلامه على محمل الجد !

وبعدين فلوس الناس مو لعبة علشان يقول خروج وقبل العيد يقول دخول !

اولا اثبت لى انه قال اخرجوا من السوق....لم يقل ذلك انا شاهدت البرنامج
ثانيا كم محلل يملك شهاده نصح بالدخول او الخروج واخطأ فى ذلك ولم نتكلم عن اصله وسكنه وما يملك
ثالثا.الرجل كل يوم عندى بالديوانيه تعال تقهوة حياك وناقشه وجها لوجه بدل التجريح على الملأ
واخيرا مالا ترضاه على نفسك لا ترضاه على غيرك عنده بقاله ولا كشك سجائر مافائدة القارئ من موضوعك
وتقبل مرورى

 

[أبو عمر]

حلو ،، ما دام وصلنا مرحله اليأس عيل أبشروا بالخير فما بعد العسر الا اليسر

ضاقت فلما استحكمت حلقاتها ،، فرجت ،، وكنت أظنها لا تفرجي !

 

[كيدي كاو]

بقاله بقطعه 5 ويوصي خروج من السوق عيل لو مالك برج الرايه

 

[Winchester SX3]

متقبلين النقد بس ليش حذفت "ميرفي من كلامك " ؟

إحتراما لنفسي أولا

وثانيا مو حلوه بحقي وبحقك

 

[مستجد911]

السلام عليكم ورحمة الله
الاخ عايد العنزى الله يعطية الصحة
ماقصر
كلامة رد على الاخ المحلل احمد حبيب

لان احمد حبيب صرح انها اشارة دخول
ورد بعدها الاخ عايد قال وجهة نظرة
قال السوق مايطمن ومن بعدها بنزول
بنزول وراح انشوف الايام الجاية

صدقنى الاخ عايد ينقل صوت صغار المستثمرين وبكل صراحة

هذى وجهت نظرى

 

[للصبر اخر]

ياجماعه لابد من النزول الي الشارع لتعبير عن الوضع السيئ للبورصه
طفح الكيل الاسواق الخليجيه والعالميه كلها مرتفعه اللي سوقنا كل يوم نزول قوي ماصارت

 

[ibrahimi]

السوق من رمضان معطي اشارة خروج

 

[بو عمر77]

لاحول ولاقوة إلا بالله

 

[nawaa]

أنا شفت البرنامج وللأمانة الأخ عايد العنزى من الناس الشرفاء بهالبلد وحقيقة بحقة أنة يتكلم بكل جرأة ولاعندة مجاملات وقال أن الموجودين بالصالة بحالة الله العالم فيها من الأحباط واليأس من نزول السوق .

 

[وايلي]

الله يجزاك خير
كل الي شافوا البرنامج نفوا انة ذكر خروج من السوق
لكن الظاهر فهمت غلط
وجيت طاير وفتحت موضوع خرعت الناس فية
وحطيت اللوم على عايد العنزي
صاحب البقالة في الصليبية ق 5 والمضارب في لبورصة
تدري شنوا ضييع بورصتنا
ومضيع الديرة
؟؟؟؟؟؟؟؟؟​

 

[بلازمي]

اولا اثبت لى انه قال اخرجوا من السوق....لم يقل ذلك انا شاهدت البرنامج
ثانيا كم محلل يملك شهاده نصح بالدخول او الخروج واخطأ فى ذلك ولم نتكلم عن اصله وسكنه وما يملك
ثالثا.الرجل كل يوم عندى بالديوانيه تعال تقهوة حياك وناقشه وجها لوجه بدل التجريح على الملأ
واخيرا مالا ترضاه على نفسك لا ترضاه على غيرك عنده بقاله ولا كشك سجائر مافائدة القارئ من موضوعك
وتقبل مرورى[/quote]
---------
السلام عليكم
اخي العزيز
اذا كان من رواد ديوان الله يعمره
ف
اكيد انك تعرفه
هل هو متخصص
ام صاحب بقاله ؟
الجواب يريحنا من كثير
بعدين بصراحه عايد الله يجزاه خير
شايف نفسه وصي على الناس
شكو
ادخلو
اخرجو
ابتعدو
شوف اذا قابل احدمن رؤساء الشركات
شلون يكون
عايد مجتهد لكن
احيان كثيره
ينسى نفسه
اخي بالله
لاتزعل
وما قلت ماقلت في عايد الا
لانه شخصيه عامه
اما غيرها
فلانزكي على الله احد
وتقبل مروري
والسلام

 

[MOHAMMED11]

هذا كان عنده بقالة في الصليبية قطعة 5 والحين محلل اسهم في بورصة الكويت !!

لا , ويوصي بالخروج او الدخول بعد !

ديرة عجيبة والله!

انزين ليش يوصي بالخروج ؟

مو حرام عليه لو بعنا وارتفع السوق ؟

مو يقولون قلة السيولة مع نزول خفيف او استقرار علامة ايجابية ؟

على كيفه هذا يتكلم ؟

الناقد انت مبين رجال محترم بس خانك التعبير

عموما الرجل ماقال اطلعو من السوق ، كان يشرح حال
المتداولين والاحباط اللي اصابهم من مزاجية السوق
وانت الله يهداك جاي تعيب الرجال على شان بقاله بصليبية
ان شاء الله عنده بقاله بجواخير جبد، عيب ولا حرام .

الاخ عايد من يوم طلع على الشاشه وواضح ان رجال شريف
عفيف نحسبه كذلك والله حسيبه ، عمره ماجامل احد
وكل تعليقاته تدل ان قلبه على المستثمرين
واكثر من مره ينتقد الشركات وينتقد ادارة السوق،
اصلا انا توقعت يوقفونه والسبه صراحته الشديدة
اللي اعتقد بعض اصحاب الشركات ماتحبها .
لاكن الحمد الله ان توقعي خاب ،

فأرجو انّك ماتعيب على احد على شان شغله شريفه
سواء بقاله ولا بسطه بسوق الجمعه
خصوصا ان توقيعك كله ذكر لله ، فلا تضيع هذا الاجر
بكلمة ماتدري شنو وقعها بالميزان يوم القيامه

وماتدري يمكن ان الاخ عايد شاف كلامك
ودعا عليك وقال اللهم هذا شخص لا يعرفني
وتبلأ علي امام الناس بكذا وكذا واستهزء فيني
دون حتى ان يتبين هل الامر حقيقه ام لا
وختم كلامه بدعاء عليك وعلى رزقك
شنو شعورك وقتها
اتمنى مثل ما استهزئت بالرجل ياخوي
انك تقدم اعتذار يمكن لاقرا اعتذارك يسامحك


واتمنى انك ماتزعل من كلامي وتتقبله بصدر رحب