شركة جيزان العقارية ش م ك مقفلة ( جيزان )

[Moshaks_777]

موبس دينار انشاالله نشوفه 1100

 

[الله يخارجنا]

موبس دينار انشاالله نشوفه 1100

نبي تحليل فني يبين الكلام الحلو ويؤكد التوصيات اللي سمعناها ؟؟؟؟؟؟؟

 

[Moshaks_777]

نبي تحليل فني يبين الكلام الحلو ويؤكد التوصيات اللي سمعناها ؟؟؟؟؟؟؟

ماعندي لاتحليلات ولاتوصيات انا شريت اليوم واللي يصير يصير

 

[pilot35]

الله يرزقك يالمشاكس تفكير سليم لان السهم سعره مغري واعتقد ان فيه طلعه والله كريم

 

[startq8]

السلام عليكم
والله ياخواني انا خذيت جيزان كان سهرها 600 اجل وكميه كبيره وقالو انه راح يوصل لى 1.500 ووصل السهم لى 970 ومابعت وبعت نصف الكميه ب900 وجددت الاجل وراح ينتهي العقد اخر شهر 2 وقالولى فيه صعده بس الكلام مو نفس يوم شريت يعني ماتوقع اكثر من الدينار على ابعد الحدود وبعد ماتوقع بس يمكن والله يكتب اللى فيه الخير وبالوفيق للجميع

 

[sam]

جيزان سهم سنة 2015

 

[برق الشرق]

فوق الدينار!!
والله راضين ب 800 بس!!
نبي المخلاص!!

 

[pilot35]

الله كريم وتستقر الامور السياسيه وينطلق جيزان

 

[متداول اسلامي]

نبي تحليل فني يبين الكلام الحلو ويؤكد التوصيات اللي سمعناها ؟؟؟؟؟؟؟

حتى اسهل على الاخوان الافضل منا ارفق لهم الشارت
واترك لهم التحليل

 

[بو حبيب]

تداول قوي في اول ساعة تفوق المليون سهم .( على غير العاده )
للعلم هناك معلومات غير مؤكدة ان ارباح شركة جيزان ستكون قياسية لهذا العام تفوق 180 فلس .
لكن ارجو الحذر حتى التأكد من المعلومة .

 

[pilot35]

توقعات ارباح جيزان ال9 شهور الاولي توقعوا تكون 80 او 85 وكانت التوقعات موفقه

الحين يتوقعون تكون بين 160 او 180 وان شاء الله تكون توقعات صحيحه
لكن مثل ماقلت يابو حبيب الانسان ينطر ليما تتاكد المعلومه والله يرزق الجميع

 

[anaahmad]

السيد جاسم البحر صرح بجريدة الرأى العام بأن ارباح شركة ايفا الام ماراح تقل عن 500 فلس مما سينعكس على الشركات الزميله
طبعا هالارتفاع اكيد ستستفيد منه شركة جيزان اللى متوقع انها راح تعلن ارباح ممتازه للربع الاخير

 

[umopdn]

يعطيكم العافيه وعسى الله يرزقنا واياكم

بصراحه انا مالي شغل في البرامج والشموع وهالسوالف
بس انا من ضحايا جيزان القدامى ولا زلت بكل فخر


المهم شباب

ودي اقولكم توقعاتي بس فضفضه قصدي مو توصيه وما شابه


الاسبوع الاول والثاني بعد شهر رمضان المبارك :
السهم راح يتمرجح بين ال 840 وال 800

الاسبوع الثالث بعد شهر رمضان المبارك :
راح يهبد السهم بين ( 700 فلس ) ( 750 فلس ) لان الكثير من الناس اللي شروا بــ (1.160 ) و( 1.200 ) راح يبيعون وراح يتنازلون عن باقي الكوست وهو( 850 ) الى (820 ) فلس تقريبا
وهذا الشي راح يسبب كثره العرض - اما قلّه الطلب فهي موجوده اصلا


شهر 12-1-2-3 :

الله يستر يا خال يا بو 2 يعني يا ارباح الربع الاخير ما يزيد عن 10 فلوس يا جك بم يقولك ارباحهم 100 فلس عالمشتهى
__________________

بصراحه انا اول مره اشوف سهم قبل اسبوعين من اجتماع الجمعيه العموميه والفقاره اللي حلاتنا عندهم توصيه في البيع - - - عيل اهل الشركه متى باعوا ؟؟ (( اقصد السنه اللي طافت ))


احنا نمسك اسهمنا وما نبي عدة غوص
احنا نلبس فطام وننطر الارباح كل سنه لين بيزاتنا ترجع والله ولي التوفيق

من مهل تبارك
انا حاليا في فيلكا وماني راد لين ترجع جيزان
خلوني مجابل طواريفي ابرك من " طاح السوق؟ لا ما طاح ! "

ارباح مجموعه البحر كلها فوق مثل ما قرينا بالجرايد واحنا ناطرين الطمره انشالله

 

[متداول اسلامي]

فعلا جيزان يبيله واحد قلبه حديد ...

أمس واحد من الربع اتصل علي الصبح وقال شريت سهم جيزان على سعر 900 قتله تمام لاتفكر تبيع الا لما اقولك بيع ... قال حلو ... وبعدها بساعة تقريبا اتصل علي نفس الشخص وقال ترى بعت السهم على سعر 890 قتله ليش ؟ قال خفت ينزل أكثر وأخسر فيه بصراحة قتله ماعندك سالفة وليش شارية بالاساس سكت وما تكلم ...
اليوم تكرر الموضوع مع سهم جيزان من عمليات الطلب والعرض والغريب ان كميات العرض كبيرة ولاحظت ان في بعض الناس ضعيفة في عمليات البيع وبسرعة يبيع او يعرض اول واحد وبسعر أقل والسبب الخووووووووف والمفروض الواحد يقوي قلبه ويجازف وياحلو التجارة أو الاستثمار في المجازفة وبالأخير اللي الله سبحانه يكتبه لنا وصدقون كل واحد مكتوب رزقة ولاتخافون ...

ماشالله عليه رفيجك
عرفني عليه

 

[بو حبيب]

للعلم هناك معلومات غير مؤكدة ان ارباح شركة جيزان ستكون قياسية لهذا العام تفوق 180 فلس .
لكن ارجو الحذر حتى التأكد من المعلومة .

هذا ما ذكرته بالسابق و اكدت عليه جريده الراي العام اليوم

توقعت المصادر ان تحقق شركة جيزان العقارية أرباحاً تفوق الـ 33 مليون دينار، فيما ستفوق ربحية سهمها الـ 200 فلس .

 

[anaahmad]

هذا ما ذكرته بالسابق و اكدت عليه جريده الراي العام اليوم

توقعت المصادر ان تحقق شركة جيزان العقارية أرباحاً تفوق الـ 33 مليون دينار، فيما ستفوق ربحية سهمها الـ 200 فلس .

200 فلس والسهم بهالسعر ؟؟
انشالله هاليومين فيها تعليقه رأى شخصى

 

[متداول اسلامي]

200 فلس والسهم بهالسعر ؟؟
انشالله هاليومين فيها تعليقه رأى شخصى

ان شالله والله يسمع منك يارب

ولكن مو شرط عزيزي
رأي شخصي كذلك ....

 

[لحق ما تلحق]

توقع الغير متوقع من البحر

بس 200 فلس انشاء الله جديرة بانها تحرك السهم الى اعلى

 

[لحق ما تلحق]

غريبة سهم جيزان ماله مشجعيين؟؟؟

 

[pilot35]

نشجع بصمت