مطلوب إستشارة من أهل الخبرة بالأمريكي

الموضوع في 'السوق الأمريكي للأوراق الماليه' بواسطة المقرود, بتاريخ ‏23 نوفمبر 2004.

  1. المقرود

    المقرود عضو نشط

    التسجيل:
    ‏8 نوفمبر 2004
    المشاركات:
    825
    عدد الإعجابات:
    4
    السلام عليكم:
    هذي أول مشاركة لي بالسوق الأمريكي ، في الحقيقة صار لي مدة أتعامل بالسوق الكويتي وحاليا قاعد أفكر أدش الأمريكي ليش سمعت إن ربحه سريع ، الكويتي ممتاز ومربح ، بس ربحه بطييييء ،

    هل الأخوان ينصحون إني أدش الأمريكي؟ علما بأني متمكن ولله الحمد من التحليل الفني.
    وهل البني ستوك مناسبة؟ وجم المبلغ المناسب أجرب فيه؟


    جزاكم الله خيرا
     
  2. malk

    malk عضو جديد

    التسجيل:
    ‏15 سبتمبر 2003
    المشاركات:
    429
    عدد الإعجابات:
    0
    أخي الكريم

    أولا إن شاء الله ما انت مقرود

    و ثانيا السوق الأمريكي ربحه كما قلت سريع

    و لكن ؟؟؟؟؟؟؟

    خسارته أسرع

    أما البني فمصيدة الهوامير للصغار و انت و كيفك

    و بما انك تداولت بالسوق الكويتي فمبلغ 3000$ كحد أدنى مناسب

    و عليك بكثرة القراءة و متابعة 10 مثلا من أسهم الشيوخ 10$ فأكثر

    و لا تنسى الفلتر الإسلامي

    و فقك الله
     
  3. zoom

    zoom عضو جديد

    التسجيل:
    ‏2 فبراير 2004
    المشاركات:
    388
    عدد الإعجابات:
    0
    مكان الإقامة:
    kuwait
    السلام عليكم

    يعطيك العافيه اخوي .. السوق الامريكي فعلا ربحه سريع ولكن الربح يحتاج الى تعب وتعب وايضا تعب ... نصيحه من اخوك انك تبعد عن اسهم البني وتشتغل على الاسهم اللي لها وضعها بالسوق وايضا شارت واضح وتحليل واضح .. اتمنى لك كل التوفيق انشالله وان تكون حذر جدا بالتعامل مع اغلب الاسهم وايضا من الضروري انك تقطع خسارتك لا سمح الله ... موفق يا رب

    اخوك بو عبدالله
     
  4. عجيب

    عجيب عضو جديد

    التسجيل:
    ‏14 ابريل 2004
    المشاركات:
    160
    عدد الإعجابات:
    0
    مكان الإقامة:
    الكويت
    أخي العزيز ،،،
    من الصعب المقارنه بين السوق الكويتي و السوق الأمريكي ، فشتان بين الأثنين و أعتقد من له الخبره الجيدة في الأمريكي تسهل عليه باقي الأسواق .

    نصيحه اذا أردت بالفعل التداول بالسوق الأمريكي فعليك بالتالي:-

    * بالتعلم ، أبدأ من الآن و لمده ثلاث شهور بالقراءه و المتابعه ، والأفضل الأشتراك بالدورات التدريبيه
    *أنشيء لنفسك محفظه و هميه و أختر بعض الأسهم الجيده و قم بدراستها و تحليلها
    *عليك بمنتدى المؤشرنت ، فهناك مواضيع بالفعل تستفيد منها .

    و أخيرا أنصحك بالدخول على هذا الموقع ، فهو خير عون لك خلال هذه الفتره http://www.investopedia.com/university/
     
  5. بيت جونز

    بيت جونز عضو جديد

    التسجيل:
    ‏7 يونيو 2003
    المشاركات:
    119
    عدد الإعجابات:
    0
    مكان الإقامة:
    الرياض
    الله يوفقك

    أضيف شي بسيط وهو ان كل الي في الامريكي

    لازالو يتعلمون وما فيه شي صعب
     
  6. المقرود

    المقرود عضو نشط

    التسجيل:
    ‏8 نوفمبر 2004
    المشاركات:
    825
    عدد الإعجابات:
    4
    أشكر جميع الأخوة على تجاوبهم وردودهم الجملية ، وبصراحة اشتغلت براسي وإن شاء الله راح أدش الأمريكي قريبا ، بس لازم أسيل أسهم من الكويتي خلال الأسبوع القادم

    والله يوفق ويكتب اللي فيه خير

    بس عندي سؤال: شنو أحسن موقع للتعريف بالشركات ونشاطها وأخبارها وموقع آخر لشرعية التعامل بها (إسلاميا) . جزاكم الله خيرا
     
  7. عمدة البورصة

    عمدة البورصة عضو جديد

    التسجيل:
    ‏31 أكتوبر 2004
    المشاركات:
    178
    عدد الإعجابات:
    0
    مكان الإقامة:
    الكويت
    أخي الكريم المقرود ..

    إذا كنت مرتاح بالسوق الكويتي شالله حادك تدخل السوق الأمريكي .. أخاف تتحسف على هالقرار لو خسرت خسارة قشرة و قلت يا ليتني إقتنعت بالربح البطيء ..

    أنا شخصيا أفضل الأمريكي على الكويتي لأسباب كثيرة .. لكن لو كنت بالكويتي و ربحان ما راح أطلع منه ..

    أخيرا .. يا أخي الله يهداك ليش مسمي عمرك المقرود .. بالله في مقرود يربح و يطلع فلوس ؟!
    يقول الله تعالى في الحديث القدسي "أنا عند ظن عبدي بي فاليظن بي ما شاء"

    و تذكر .. أنت ما تفكر به :)

    بالتوفيج
     
  8. المقرود

    المقرود عضو نشط

    التسجيل:
    ‏8 نوفمبر 2004
    المشاركات:
    825
    عدد الإعجابات:
    4
    أخوي عندة البورصة:

    أنا مقتنع بالكويتي وأنصحك تدش فيه ، وأعطيك نصيحة لا تناسها عشان تضمن ربحك بالكويتي،
    طبعا عقب ما تدرس الشركة وسهمها (دراسة فنية وأساسية) وتسمع أخبار أو توقعات إن السهم راح يصعد ، تأكد وتأكد وتأكد لازم يكون سعر السهم أقل من السعر العادل ، وعقبها اشتر ، ولاتبيع مهما ينزل السهم ، حتى لو يحوش قيمته الدفترية ، ترى والله رجوعه حق سعره اللي طاح منه مرة ثانية ما يطول ، بالكثير أقصى حد 3 شهور ، وإذا توكلت على الله أنا أضمن لك بهالطريقة إنك تربح بالكويتي ربح مضمون 100% ، بس ترى يطول

    أنا بدش الأمريكي من باب التجربة ، وما ارح أخاطر براس مال كبير ، إذا شفت الوضع مناسب كملت وإذا ما ضبط رجعت حق الكويتي ، ويبقى الكويتي أنفع :)