كم العربون

[مساهم11]

عند شرائي بيت عن طريق بنك التسليف
تاخذ الاحراءات وقت طويل ربما يطول الي شهرين
وعند التسجيل بالمكتب العقاري
يطلب عربون كم ادفع عربون
هل فيه عرف عقاري او مبلغ محدد
ياليت الي عنده خبره ينورنا

وهل في العقد لو تراجع صاحب البيت عن البيعه
يكون عليه بند جزائي ولا بس يرجع العربون فقط

 

[السنفور]

السلام عليكم

اخوي على حد علمي ..

- ماكو اي مبلغ محدد للعربون نهائيا .. هذي تتم بالاتفاق بينك و بينه بس لا تحاول تعطيه اكثر من 1000 د.ك.

- اذا البيت سعره مناسب لك و شايف انه لقطه .. سجل بالدفتر العقاري اللي اهو دفتر الدلال و اخذ نسخه طبعا ... بحيث اذا تراجع صاحب البيت .. ترفع قضيه و المحكمه تلزم صاحب البيت ببيعه لك بالسعر اللي بالدفتر و تلزمه بالاخلاء و تسليمك البيت

موفق و استشير اكثر افضل لك.

تحياتي

 

[مساهم11]

اشكرك السنفور
وياليت باقي الاخوه الي عندهم خبره يعطونا رايهم
للاهميه

 

[هاجري مضارب]

كلام اخونا صحيح

وانا اوافقه الراي

 

[مساهم11]

شكرا يا هاجري

 

[life-enginer]

مافي سعر معين بس المتعارف عليه من حدود 5 الاف تقريبآ

بعض المكاتب يتفلسف ويقولك 20% من القيمه عشان يجبرك تخلص اجراءاتك بسرعه او يروح عليك العربون

وهذي عينه بسيطه وانشألله ما تلاقيها

وموفق خير

 

[الرسته جوكى]

عند شرائي بيت عن طريق بنك التسليف
تاخذ الاحراءات وقت طويل ربما يطول الي شهرينن
1-قدم طلب من التسليف قبل لاتدور وعقب مايعطونك الموافقه ممكن تطول شهر على راحتك دور 3 اشهور واذا مالقيت تجدد الطلب لين تلقه واذا ماتبي عادي تطنش ويتسكر الملف تلقائى
وعند التسجيل بالمكتب العقاري
يطلب عربون كم ادفع عربون
هل فيه عرف عقاري او مبلغ محدد
لا مو شرط حسب رغبت الطرفين بعض الناس اذا بيته انباع 160 الف ياخذ 5 الاف واذا ميتين وفوق 10 الاف
ياليت الي عنده خبره ينورنا

وهل في العقد لو تراجع صاحب البيت عن البيعه
يكون عليه بند جزائي ولا بس يرجع العربون
1-جيت لمربط الفرس ليش بعض الناس تبي عربونها يكون واجد لانه اذا لقيت انت الصفقه يخذ العربون ويكون العربون يسوا
2- اذا صاحب البيت لقا الصفقه انت ترد فلوسك وفوقهم مثلها هذا شرط جزائى ينكتب
او انك ماتتنازل عن البيت وقصب طيب ينباعلك بسعر اللى انكتب فيه

موفق خير

 

[AL.M7BOB]

عدل كلام الاخوان مافي عربون محدد

ولكن في شرط جزائي 20000 في حالة التراجع عن البيع من صاحب البيت

أو المشتري

واتمنى لك التوفيق

 

[بو ناصر@]

اخوي انا راح اعطيك عمولت المكاتب كلها والمتعارف عليها
1% رسوم البيع حسب الاتفاق
5% رسوم تحصيل الاجيار على صاحب العقار .
100% اذا اجر لك يعني ياخذ منك اجار شهر كامل طبعان على راعي العقار
هذا الي متعارف عند المكاتب .